SEMUEL SUSULAK-KA ESAN-NA 30:15 - Susula Malalaok Hehelu Palak Ma Hehelu Beuk

¹⁵ Boema, Dauk natanen nae, “Ade, o nau moo au leo solda'du sila-la mamanan-na neu do?” Boema, ni'iana ndia nataa nae, “Au nau, sa'di Tuan naheluk no au nenik Manetualain na'den-na, mae Tuan ta taonisa au, do Tuan fe falik au leo au tuang-nga liman neu.”

SEMUEL SUSULAK-KA ESAN-NA 30:15 Referans Kwoze

YESKIAL 17:19

No Au, Manetualain fo maso'dak-ka na'den-na, Manetualain Fo Mademaina, neukose Au huku mane Yehuda, nanahu ana la'olena hehelu-balataan no manek Babel-la so, te se'kona ana soo nenik Au na'deng-nga, soaneu ana tao natetun.

YESKIAL 17:16

No Manetualain fo maso'dak-ka na'den-na, Manetualain Fo Mademaina, neukose mate mane Yehuda nai Babel, nanahu nalelesi ndia soo-supan, ma ana la'olena ndia hehelu-balataan no mane Babel fo, manafen nangatuuk neu kandela manek lain so.

YESKIAL 17:13

Boema, ana hele-na mane Yehuda ndia teidalen esa, fo ana tao hehelu-balataak no ndia, ma nadenun fo, ana soo nae, ana lilineka neu ndia. Mane Babel ndia, ana kena nahele mane Yehuda, hataholi matua-mademan-nala,

SEMUEL SUSULAK-KA ESAN-NA 29:6

Boema, Akhis naloo Dauk, de nafa'dan nae, “Au amahele no Manetualain fo maso'dak-ka na'den-na, ae o lilineka neu au. Au amahoko, metema nai natee-natatik ia dalek, o nai au boboang-nga. Nana, mulai neme o mai leo au mai, losa hatematak ia, au ta hapu o salam-ma fa. Tehu manek fe'ek sila-la, ta hii o fa.

YOSUA 9:15

Boema, Yosua tao hehelu-balataa tia-laik no hataholi Gibeon sila-la, de ana helu, ana ta taonisa fas. Mauli-malangan Israel-la boeo, soo-supa fo ala tao latetu hehelu-balataak ndia.

YOSUA 2:12

Au amahena, emi nau soo-supa menik na'den-na, mae neukose emi ta tao mangalauk, neu au teidaleng-ngala fa, sama leo au ta tao mangalauk neu emi fa. Maheluk mae, neukose emi ta taomisa au ina-amang, au tolanoong-ngala loo sila teidalen-nala lala'en-na, tehu neukose emi masulu-mahapas. Hu ndia de, fe ta'du-tana esa, fo da'di bua pepe'dak nae, au bisa amahele emi!”

SEMUEL SUSULAK-KA ESAN-NA 30:14

Ami sapu-ma hataholi Kreti-la nusan-na, nai Yehuda boboan kona, ma leo-ingu Kaleb-pa nusan-na, ma ami hotu heni kota Ziklag-ka so boe.”

SEMUEL SUSULAK-KA ESAN-NA 30:16

Boema, nos leo solda'du sila-la mamanan-na neu. Nai lelek ndia, solda'du sila-la lapanggela lai basa mamanak ndia lala'en-na, boema la'a-linu ma ala feta-dote, nanahu ala kalo leni bua-lo'a kakalok makadotok leme nusa Filistin ma Yehuda mai.

KEJADIAN 24:3

Fo soo-supa menik Amak, Manetualain, fo manakoasa lalai ma daebafak-ka, mae neukose o ta sanga fe au anang Isak, saoinak nai basa hataholi manai dae Kanaan ia-la fa.

HAKIM-HAKIM 1:24

latongo loo touk esa neme kota mai. Boema lafa'dan lae, “Metema, o nau tulu-fali ami, fo ami bisa masok leo kota ndia dalek meu soona, neukose ami tao o, no malole.”