SEMUEL SUSULAK-KA ESAN-NA 27:10 - Susula Malalaok Hehelu Palak Ma Hehelu Beuk

¹⁰ Metema, Akhis natanen nae, “Oek ia, emi sapu leo bee meu?” Boema Dauk nafa'dan nae, meu leo Yehuda boboan kona, do meu leo hataholi Yerahmeel-la nusan-na, do meu leo hataholi Keni-la mamana leleon-na neu.

SEMUEL SUSULAK-KA ESAN-NA 27:10 Referans Kwoze

HAKIM-HAKIM 1:16

Musa aliaman-na, tititi-nonosin fo nde hataholi Keni-la tunga, leo Yehuda, de ala kalua leme Yerikho, fo kota kurma ndia mai, de leu leo nusa tokotiik-ka nai Arad boboan kona, fo nai Yehuda. Ala leo lahele leme naa, loo leoina Amalek-kala.

1 TAWARIKH 2:25

Yerahmeel, fo Hezron ana ulun-na, bongin-na anatouk 5, fo nde: Ram fo uluk-ka, boema Buna, Oren, Ozem, ma Ahia.

1 TAWARIKH 2:9

Hezron anatoun 3, fo nde: Yerahmeel, Ram ma Kaleb.

HAKIM-HAKIM 4:11

Nai lelek ndia, Heber, fo hataholi Keni esa, ta nakabubua no leoinan-na fa. (Leoina Keni nde been-na, Hobab, fo Musa kelan-na, tititi-nonosin.) Heber neu pasak basa lalaa teman-nala deka no ai terpentin manai Zaanaim-ma so, ta dook-ka neme Kedes mai fa.

EFESUS 4:25

Hu ndia, tolano-tolanoo ngala lemin! Boso masapepeko-masandandali bai. Esa tao ndoos no esa, nana ita basa-basa tala nde bee na, Kristu sao paa na, lima ein no'u-no'u.

AMSAL 29:25

Bii-mamata'u hataholi dede'a kokolan soona, neninin-na toto'a-tataak. Mamahele neu Manetualain soona, neukose o nee-nee lino-linok.

MAZMUR 119:163

Au ta ahiik basa pepekok lala'ena fa, tehu au sue-lai O hoholo-lalanem.

MAZMUR 119:29

Madook au neme eno matofa-matalak-ka mai, hu kande O dale malolem-ma, manoli O hoholo-lalanem neu au.

2 SEMUEL 17:20

Absalom nadenu hataholi-la leu leo uma ndia leu, de latane inak na'kasa ndia lae, “Ahimaas no Yonatan lai bee?” Boema inak ndia nataa nae, “Besak-ka, ala lena leo lee selik leu.” Ala sanga touana ka duak sila-la, tehu ala ta hapu fas, boema ala fali le'us leo Yerusalem leu.

SEMUEL SUSULAK-KA ESAN-NA 23:27

Tehu no kaiboik, hataholi nadenuk esa, neu leo Saul neu, de nafa'dan nae, “Ama Manek muse fali ne'un no lai-laik! Te hataholi Filistin-nala, sapu-la ita nusan-na so!”

SEMUEL SUSULAK-KA ESAN-NA 21:2

Boema Dauk nataa nae, “Ama Manek fe basa au bela-ba'uk esa so, de ana pa'dak au, fo au boso afa'da bela-ba'uk ndia neu hataholi esa boen. Hu ndia de, au adenu au solda'dung-ngala, lahani nai mamanak esa.

SEMUEL SUSULAK-KA ESAN-NA 15:6

Boeo, ana haitua fe hataholi Keni-la hala nasanene'dak nae, “La'o leona, fo la'oela hataholi Amalek-kala, fo daenga au boso taoisa emi sama-sama moos, nana makahulun-na emi bei-ba'i kaim-mala, tao basa tia-laik loo hataholi Israel-la, nai lelek hataholi Israel-la mai leme Masir mai.” Boema hataholi Keni-la la'oela mamananak ndia.

HAKIM-HAKIM 5:24

Maua-manalek neu Yael, fo Heber, hataholi Keni ndia, saoinan-na; neme basa lalaa temak-ka isin-na mai, ndia nde nanaba'e-palak nanseli.

BILANGAN 24:21

Nai ninitak ndia dalek, Bileam nita Keni tititi-nonosin, boema ana kokolak hala nafa'da elak ia nae, “Memak, o mamana leleom-ma matea-mahelek, sama leo manupui ndunuk-ka nai piak lain.

KEJADIAN 27:24

ana bei natane la'iesa seluk nae, “Tete'ek-ka Esau nde o do?” Yakob nataa nae, “Tete'ek-ka.”

SEMUEL SUSULAK-KA ESAN-NA 27:11

Ana ta po'ilotak esa boen, naso'da nai nusa-nusak fo ana natee-nata'ti nok-kala dalek fa, fo ela boso hapu hataholi neme nusak sila-la leu leo Gat leu, fo lafa'da hata fo tete'ek-ka, Dauk no solda'dun-nala taon so. Dauk tatao-nono'in leondiak, nai lelek ana leo neme Filistin.

SEMUEL SUSULAK-KA ESAN-NA 29:8

Boema, Dauk nataa nae, “Atam-ma tao salak beek-ka so, Ama Manek? Metema, sama leo Ama Manek halan-na, fo Ama Manek ta hapu atam-ma sala hata esa boen, neme atam-ma mulai nalalau-naoono Ama Manek, losa fai ia soona, tao le'e de, ta fe atam-ma loak, fo natee-nta'ti la'ban Ama Manek musun-nala fa?”