SEMUEL SUSULAK-KA ESAN-NA 25:36 - Susula Malalaok Hehelu Palak Ma Hehelu Beuk

³⁶ Lelek Abigail fali ne'un leo Nabal neu, te se'kona hapu feta matua nai uman, sama leo feta manek-ka. Ma hu kande Nabal mafuk ma namahoko-setelee, de le'odaek ndia, saoinan-na, ta kokolak non hata esa boen, losa balahaa.

SEMUEL SUSULAK-KA ESAN-NA 25:36 Referans Kwoze

AMSAL 20:1

Ala-lalu-a, taon-na hataholi-a da'di malela ha'da tak ma manatao tasi'bu. Hataholi fo ninu losa ana mafuk soona, hataholi nggoak ndia.

2 SEMUEL 13:28

Absalom paleta atan-nala nae, “Taoafik matalolole, fo metema Amnon ninu angol fo ana mafuk soona, neukose au fe emi ta'du, fo taomisan. Boso bii. Te au nde lu'a-lepa dede'ak ndia. Taon no napalanik, fo boso no bibii-namata'uk!”

2 SEMUEL 13:23

Basa teuk dua boema, Absalom tao feta, fo ana nggute bi'ilopon-nala bulun-na neme Baal-Hazor, deka no kota Efraim-ma; boema ana ka'i la'iesak manek-ka anamanen-nala.

SEMUEL SUSULAK-KA ESAN-NA 25:19

Boema, nafa'da malalau-maoonon-nala nae, “Emi la'ok makahuluk, fo au tunga emi deam-ma.” Tehu ana ta kokolak no saotoun-na, nae le'e esa boen.

ROMA 13:13

Ita muse tao tatao-nono'i nanakoa-kiok sama leo mandoofai hataholi a tao-no'in nai fai lele'do na; boso tao feta-dote lena neme dae too mai, do mafuk ala-lalu. Boso sosoa-piao, do matu'du ha'da-tatao ha'da tak. Boso mahote, do mape'da dalek neu hataholi.

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

LUKAS 14:12

Boema Yesus nafa'da uma lamatuak nae, “Metema o ka'i hataholi mai na'a o feta lele'dok do le'odaek soona, boso ka'i o tia-laim, do tolanoom, do ka'a-fa'dim, do o uma titia-tataim fo kamasu'ik. Nana mahani te neukose ala ka'i o boe, fo no enok ndia, o sipo o tatao-nono'im babala na nde ndia so.

NAHUM 1:10

Neukose o nanahotuk sama leo ha'deai tuuk-ka sama leo dila-nggauk fo lafefeoao.

HOSEA 4:11

Manetualain nafa'da nae, “Hai, Au anang-ngala lemin, nau angol palaak do angol beuk boe, ana tao namopo emi dudu'a-aafi neulaum-ma so.

YEREMIA 51:57

Neukose Au tao amafuk manaho'u paleta Babel – basa hataholi malelak-kala, mauli-malanga ma soloda'du. Sila ta fo'a soon, sungu losa dodoon-na. Au nde makokolak so; Manek-ka nde Au, Au Manetualain Fo Manakoasa.

YESAYA 28:3

Mauli-malangan fo, manamafuk sila-la, ti'ilanga mandela-masa'an-na, neukose nanaheheta-aa'ik.

YESAYA 5:11

Soe ba'eneu emi! Emi ue-le'dim neme fafaik losa le'odae, nde ka'da minu ala-lalu fo mafuk.

PENGKHOTBAH 10:19

Feta-dote tao hihikak, ma angol-la tao namahoko-seteleek. Tehu paluu doik soaneu baba'en-na.

MAZMUR 112:5

Maua-manalek ba'eneu hataholi fo, ta malitua fa, ma ana hii fe hataholi tona, boema ana tao tunga ndoon-na, nai basa ito-atok lala'ena dalek.

1RAJA-RAJA 20:16

Ala mulai sapul-las lae fai lele'dok, nai lelek Benhadad ma manek-ka teluhulu duak fo ala da'di dalek esa ndia, bei linu ala-lalu losa ala mafuk nai sila uma ofun dale.

SEMUEL SUSULAK-KA ESAN-NA 25:37

Balahaa fafaik, de Nabal langan-na lea boema, saoinan-na tuin basa tatao-nono'i mangalauk sila la lala'en-na. Boema, Nabal hapu he'dis-sa nai bade'en-na, de basa aon-na lala'en-na, da'di lu'uk.

2 SEMUEL 3:20

Lelek Abner no solda'dun duahulu fo leu lataa Dauk nai Hebron boema, Dauk tao fes feta.