SEMUEL SUSULAK-KA ESAN-NA 24:11 - Susula Malalaok Hehelu Palak Ma Hehelu Beuk

¹¹ Besak ia, Ama Manek mita matam, na'kasa neme leak dale ndia, Manetualain, fe basa Ama Manek neu au so. Hataholi esa fufu'di-oodok basa atam-ma, fo taoisa Ama Manek, tehu atam-ma ta nau fa. Atam-ma nataa nae, atam-ma tau nau tao nahe'di atam-ma manen fo Manetualain helek-ka fa.

SEMUEL SUSULAK-KA ESAN-NA 24:11 Referans Kwoze

SEMUEL SUSULAK-KA ESAN-NA 26:20

Boso po'ilotak atam-ma mate nai dae nusa dea, fo dook-ka neme Manetualain mai. Sosoak hata, mane Israel-la mai, ka'da soaneu taonisa utu esa, sama leo atam ia? Sosoak hata, ana sopu atam-ma, sama leo hataholi-a sopu manu fuik-ka?”

SEMUEL SUSULAK-KA ESAN-NA 23:23

Da'di, palisak besa-besa no basa leak fo ana ke'ke hai neme dalek so, soona fali ma'im-ma leo ia mai, fo mafa'da au. Fo ata teu sama-sama, fo metema bei nai nggolok ndia soona, tao leo bee-o, neukose au sangan, leomae au muse sanga okofefeok Yehuda lala'en-na boe!”

SEMUEL SUSULAK-KA ESAN-NA 23:14

Basa ndia boema, Dauk leo nai lea-leak manai letelepak-kala dalek, nai moo solokaek Zif-fa. Saul usi do'e-do'e non, tehu Manetualain ta fe Dauk leo manek ndia neu fa.

YOHANIS 15:25

Tehu muse ana da'di tao leondiak, fo ela hata fo nanasulak nai sila Susula Hoholo lalane na dalek, ana da'di leona nae: ‘Lakamu-lakadau Au, tehu ne'en ta.’

2RAJA-RAJA 5:13

Tehu atan-nala leu matan-na, de lafa'dan lae, “Tuan, leo uni'ka, nadenu Tuan tao hata matuaina esa boeo, tao leo bee-o, Tuan taon. Ia malole hiik so, ka'da nadenu Tuan nadiu oe, fo ela lea-hai!”

SEMUEL SUSULAK-KA ESAN-NA 26:18

Boema, nafa'da seluk nae, “Tao le'e de, Ama Manek bei usi do'e-do'e no atam-ma? Ade atam-ma sala beek?

MIKHA 7:2

Hataholi manatao tunga ndoon-na, mopok-kasa leme nusak-ka mai so, hataholi manalilinekak neu Manetualain-na, ta hapus so'on. Hataholi-la esa-esak nahani fai loak soaneu nanisa, esa-esak lona hihi'ik soane nonoo hataholin-na.

YESKIAL 13:18

ma mafa'das hata fo Au, Manetualain Fo Mademaina, afa'da neus: ‘Soe ba'eneu emi! Emi tao aidook neu suek-kala, fo emi fe basa hataholi-la pake suek sila-la, ma emi fes ala pake tema popoti langak fo, nanuu be'i-balakai matuaina, fo ela hataholi manapakek-ka, ana hapu koasa hataholi fe'ek maso'dan-na. Emi mahiik koasa-ma Au anang-ngala masodan ma mamaten-nala, ma emi pake koasa ndia, fo neni fe emi nanalak.

RATAPAN 4:18

Ami ta hapu kalua leo enok lain meu fa, nana metema ami kalua soona, musu nook-ka maku ami tataas esa. Ami so'dam-ma sanga deka nate'e, nanahu ami faim-ma dai so.

AMSAL 15:1

No natataa mangana'uk-ka, nasa-meluk tenak; tehu no natataa makei-maketek-ka, nafofo'a nasa-meluk-ka.

MAZMUR 140:11

Nemen-na fo, ha'ikaak manapila lo'a-lo'ak-ka, la'es nakandondoo henin, ma nanatapa henik, leo bolo mamates dale leu, nalosa ala ta bisa kalua leo deak mai so'on.

MAZMUR 35:7

Palsuma la'iesak-kana, ala lona hihi'ik ba'eneu au, do ala kali bolok fo, ala ho'u-la au.

AYUB 10:16

Metema, au hapu buna-boak, leomae ta ba'uk fa, O usi au sama leo singa, ma O matu'du seluk, O koasam-ma, fo ka'da, soaneu O makabibiik au.

SEMUEL SUSULAK-KA ESAN-NA 25:28

Fe ampon neu atam-ma, salan ia. Tao leo bee-o, neukose Manetualain tao au Ama Maneng, no au Ama Maneng tititi-nonosin, da'di manek neu Israel, nana au Ama Maneng-nga natee-nata'ti soaneu Manetualain; ma nai au Ama Maneng fai maso'dan-na dalek, au Ama Maneng ta tao tatao-nono'i mangalauk fa.

MAZMUR 59:3

Soi-po'i au neme hataholi fo manatao tatao-nono'i mangalauk-ka mai, fe au ala deak neme hataholi kanisak-kala mai.

MAZMUR 119:161

Hataholi manakoasa-la, usi au no ne'ek ta, tehu au bii-amata'uk-ka, ka'da nde O hoholo-lalanem.

SEMUEL SUSULAK-KA ESAN-NA 12:3

Besak ia, au apadeik nai emi matam! Metema au tao salak soona, kalaak au nai Manetualain matan, ma nai Ana hele manek-ka matan. Au ho'i hai hataholi fe'ek sapin do keledein so do beik? Au tipu-dai hai, do tuni-ndeni hai, do sipo doi sosolo dalek hai so do beik? Mafa'da leona, fo au ho'i-a su'di beek-ka soona, au fe falik-kana.”

SEMUEL SUSULAK-KA ESAN-NA 26:23

Neukose Manetualain fe baba'e-papalak neu hataholi see fo ana lilineka, ma ana tao tunga matetun-na. Nana, leomae nai faik ia, Manetualain fe Tuan neu au, tehu au ta nau tao mangalauk neu Tuan, fo manek Manetualain helek-ka.

2 SEMUEL 1:14

Boema Dauk nae, “O mapalani manseli, taomisa manek fo Manetualain helek-ka!”