SEMUEL SUSULAK-KA ESAN-NA 21:4 - Susula Malalaok Hehelu Palak Ma Hehelu Beuk

⁴ Boema, imam ndia nae, “Au ta pe'da loti biasa fa, te ka'da loti tunu-hotuk-ka nai ia; o bole ho'i-man, sa'di o solda'dum-mala, nai fai lai-lai anak ia, ala ta sungu loo inak fa.”

SEMUEL SUSULAK-KA ESAN-NA 21:4 Referans Kwoze

KELUARAN 25:30

Muse pe'da mei ndia neu Peti Hehelu-balataak-ka matan-na, ma muse sadia loti tunu-hotuk tataasesa nai mei ndia lain.”

1 KORINTUS 7:5

Da'dileo saotou saoinak, ela leo bee na esa boso doo ka neme esa mai. Bole, soaneu faik de'ubee dale na, sa'di duas lakaheik no'u-no'u so. No enok ndia, esa-esak hapu hule-haladoi no nee-nee-lino-linok. Tehu basa soona, duas muse lakabubua falik, da'dileo saoina saotouk. Metema ta leondiak fa soona, neukose emi bisa tunga dudungu-papau dula dale mangalau ka, nana emi ta makatatakak ma emi dale ma fa.

ZAKHARIA 7:3

Boeo ladenus, fo latane imam-mala ma basa nabi-la, lae leo ia, “Bei paluu ami kii-makaleleu Manetualain, Uman-na nakalulutun-na nenik okaaok-ka nai tunga-tunga bula ka 5, sama leo ami taon dodoo basa ia do?”

SEMUEL SUSULAK-KA ESAN-NA 21:6

Boema imam ndia, ana fe Dauk loti tunu-hotuk ndia, nana ana pe'da ka'da loti nanatunu-hotuk soaneu Manetualain; loti ndia besak-ka ana so'u henin neme mei tunu-hotuk-ka mai, fo ana tao seluk loti beuk neu. (

IMAMAT 15:18

Ina-touk sungu lakabubua basa soona, duas muse ladiu oe, tehu duas langgenggeo lehele losa le'do tenak.

SEMUEL SUSULAK-KA ESAN-NA 21:3

Ampon, te besak ia, au ahiik atane, ama hapu nana'a beek nai ia boe do? Ama fe au loti biak lima, do ama hapu su'di beek-ka nai ia soona, fe au.”