SEMUEL SUSULAK-KA ESAN-NA 2:9 - Susula Malalaok Hehelu Palak Ma Hehelu Beuk

⁹ Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.

SEMUEL SUSULAK-KA ESAN-NA 2:9 Referans Kwoze

MAZMUR 121:3

Neukose, Ana ta po'ilotak au tu'u u fa, nana, au manamasulu-mahapang, nanea au tataas esa.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

ZAKHARIA 4:6

Ata nusa so'dak ndia, nadenu au, fo au anduku-alosak Manetualain hala hehelun-na nde ia, neu Zerubabel nae, “Ta nenik solda'du be'i-balakain, do boeo ta nenik o be'i-balakaim mesam-ma, neukose o sengi, tehu nenik Au duladaleng-nga dei.

MAZMUR 97:10

Hai emi fo, manasue-lai Manetualain-na lemin, boso mahiik tatao-nono'i mangalauk-ka! Nana Manetualain nasulu-nahapa anan-nala maso'dan-na, Ana soi-po'is leme hataholi malelesik-ka, koasan-na mai.

MAZMUR 94:18

Lelek au dudu'a-dodoo, ae neukose au tu'da, ou Manetualain, O susue-lalaim tao-na au apadeik atea-ahele.

MAZMUR 37:28

Nana Manetualain sue-lai tatao-nono'ik fo malole, ma ndoos ma matetuk-ka, hataholi fo, ana lilineka neun-na, Ana ta po'ilotak-kana doi-doso fa. Ana nasulu-nahapas losa dodoon-na, tehu hataholi mangalauk-ka tititi-nonosin, neukose nanatao namopo-namatek.

AYUB 5:24

Neukose, o leo nai o lalaa temam dale, no nee-nee lino-linok; ma metema o palisak o bi'ilopom-mala soona, basa-basas lamatetu, ta mopo esa boen.

ULANGAN 33:3

Tete'ek-ka, Manetualain sue-lai leoinan. Nasulu-nahapa basa Ndia hataholin-nala. Mai fo, ata sene-do'ok neu ein-na, matan-na, ma ata tunga paletan-nala.

AMSAL 16:9

Hataholi daebafak-ka bole tutu'u enok, tehu Manetualain nde naketu, so'dan-na eno-dalan.

MAZMUR 121:8

Ana nanea o, nai lelek o mai, ma o la'o, neme besak ia, losa dodoon-na.

2 PETRUS 2:17

Mese pepekok sila la, sama leo oe mata ma'da ka, ma sama leo kode ndenuk fo ani-sangu fuus ala. Manetualain sadia basa sila mamana na nai mamanak esa, makahatuk nanseli.

MATEOS 8:12

Te see ko na hataholi fo tunga ndo na ala da'di Manetualain hataholi kamahehele nala, neukose sila nanatapahenik leo makahatuk manai dea ka leu. Nai ndia neukose ala doidoso.”

ZEFANYA 1:15

Faik ndia, fai nasa-meluk, to'a-sotak ma to'a-taak, fai manandefak, ma nakalulutuk, fai makahatuk, ma mata-pana makamamasuk, fai masakoko'ak ma makamamasuk.

PENGKHOTBAH 9:11

Nai daebafak ia, au bei ita seluk: nai nakasusu'dik-ka dalek, hataholi manamalai lai-laik-ka, ta neni tataas esa fa, nai natee-natatik-ka dalek, hataholi mabe'i-balakaik-ka, ta sengi tataas esa fa. Hataholi manatee-tenok-ka, ana ta hapu tutunga-sasangak tataas esa fa. Ma hataholi dodole maneu-a, ana ta hapu su'i-betes tataas esa fa. Boeo basa hataholi malelaina-la, ta da'di nananita-nalelak tataas esa fa. Nana ua-nale manada'di tak-ka, tuni la'e su'di see boe.

AMSAL 3:26

Neukose Manetualain nanea o. Neukose Ana ta po'ilotak o tu'da leo hihi'ik dale muu fa.

PENGKHOTBAH 5:17

Boema au bubuluk ae, fo malole nanseli ba'eneu ita, nde ta'a-tinu fo tame'da tita ita ue-le'din buna-boan nai ita maso'da keke'uanan fo Manetualain fen neu ita; Ndia nde ita ua-nalen-na.

AMSAL 2:8

Manetualain nanea hataholi manatao tunga ndoon-na, ma nasulu-nahapa sila fo manasue-lain-nana.

MAZMUR 121:5

Neukose Manetualain nanea o, de nai o boboam-ma, fo nasulu-nahapa o.

YUDAS 1:13

Sama leo lii napoponu nai tasi lai fo nafufu'de, leondiak boe, hataholi sila la tatao-nono'in nini mamaek. Sila nde bee na, sama leo bana mana leu-laa ka, fo Manetualain sadia basa mamana nala, nai makahatu ina dale, losa dodoo na.

YUDAS 1:3

Tolano susue ngala lemin! Au ahiik alanseli, sulak fe emi susulak la'eneu so'da-molek fo, ita basa-basa tala la'ola'din so. Tehu besak ia, au dodoo ae, au muse anoli-afa'da emi tunga susulak ia, fo emi ho'u mahele namahehelek fo Manetualain fe basan neu hataholi kamahehele nala, ka'da la'i esa, losa dodoo na.

YUDAS 1:1

Tolano-tolanook fo, Manetualain nalo basak, ma sue-lai ma naneas soaneu Yesus Kristus. Da'dileo Yesus Kristu satan, au – Yudas – fo Yakobis tolanoo na,

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

YEREMIA 9:23

Manetualain nafa'da nae, “Hataholi manatee-tenok-ka, ta bole namatutua-namadedema aoinan-na fa, hu kande manatee-tenon-na, hataholi mabe'i-balakaik-ka, hu kande be'i-balakain-na, ma hataholi kamasu'i-makabetek-ka, hu kande su'i-beten-na.

YEREMIA 8:14

Manetualain anan-nala bekola lae, “Tao le'e de, ita ta tao hata-hata fa? Mai fo, basa-basa tala, talai leo nusa fe'ek, fo kotan-nala makota musuk, nemen-na ata mate nai naa. Ita Amam Manetualain naketu basa, nae muse mopo-mate ita. Ana fe basa ita laso, fo ita tinu, nana ita tasala-tasingo neun.

AYUB 5:16

Besak ia, hapu namahehenak boe, ba'eneu hataholi fo, nuun ta. Ma hataholi mangalauk-ka, ta nahahala fa, nanahu Manetualain ko'o ketu bafan-na.

BILANGAN 6:24

Ela leo been-na, Manetualain ba'e-pala, ma nakaboboi emi.

MAZMUR 31:17

Ela leo been-na O atam-ma, nandaa no O dalem-ma; soi-tefa-mala au, nanahu O susue-lalaim.

YESAYA 27:3

Au, fo Manetualain nde manamanean-na; tunga faik, Au tee-tee-totolin, Au anean lele'do le'odaen, fo ela boso hapu hataholi neu adu-dodokin.

SEMUEL SUSULAK-KA ESAN-NA 25:26

Manetualain kena-ka'i basa au Ama Manek, fo boso balas ma taomisa Tuan musun-nala. Ma besak ia, au Tuang-ngonei, au no Manetualain fo maso'dak-ka, atam-ma soo, sa'di leo been-na, au Ama Maneng musun lala'en-na, ma hataholi see fo nahiik tao soe au Ama Maneng ua-nalen, sama-na leo Nabal ua-nalen.

AYUB 18:18

Nanausi henik neme mangale'dok-ka mai, leo makahatuk dale neu; nana-nadook neme hataholi maso'dak-ka daebafan-na mai.

AYUB 40:13

Matoi-matono basa-basas nai afu dale; longas nai hataholi manamatek-ka, daebafan dale.

MAZMUR 1:6

Nana Manetualain hela-nole, ma nasulu-nahapa hataholi manatungak-ka, tehu hataholi mangalauk-ka, neu leo mamate-momopok-ka neu.

MAZMUR 105:37

Basa boema, Ana noo hataholi Israel-lala kalua, de ala ho'i lini lilopilas ma lilofulak; basa-basas so'da-la'dak ma balakaik.

MAZMUR 145:20

Nasulu-nahapa basa hataholi manasue-lain-nana, tehu Ana tao namopo-namate, hataholi manatao tatao-nono'i mangalauk-ka.

YESAYA 47:5

Manetualain nafa'da Babel nae, “Denge-denge, fo muu leo makiu-makahatuk dale muu leona. Neukose ta loke seluk o lae, ‘Nusak-kala inamanen fa.’

NAHUM 1:8

Sama leo faa matuaina ana mai, Ana tao nakalulutuk musun-nala. Sila fo lapalani la'ban-nana, Ana hotu fes nenik mamates-sa, nalosa mopo-mates.