SEMUEL SUSULAK-KA ESAN-NA 2:6 - Susula Malalaok Hehelu Palak Ma Hehelu Beuk

⁶ Manetualain tao mamates, ma Ana tao naso'dan boe. Nakona hataholi daebafak-ka leo hataholi manamatek-ka daebafan-na neu. Ma Ndia boeo nde so'u falik-kana neme naa mai.

SEMUEL SUSULAK-KA ESAN-NA 2:6 Referans Kwoze

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

YESAYA 26:19

O anam fo manamate basak-kala, neukose ta laso'da falik fa, neukose popolan-nala fo'a falik seluk. Hataholi fo nananatoi basak nai dae dale-a, neukose ana fo'a falik, fo ana eeki-natadale. Sama leo dinis fo, manatao makasufu daebafak-ka, O tao maso'da O anam fo, mates dook-ka so.

2RAJA-RAJA 5:7

Lelek mane Israel-la lees susulak ndia boema, ana sii-sii bua papaken-na, nanahu dalen-na, ta tesa-tama fa, boema nae, “Soe! Hu beek de, mane Siria ndia noke au tao alea-ahai hataholi ia? Manetualain ta nde au fa, fo nanuu koasa, soaneu tao naso'da do tao namate hataholi! Tao leo bee-o, mane Siria ndia, ka'da sanga salak no au ndia.

NINITAK 1:18

Au nde Ndia fo maso'da ka! Au mate so, tehu mete leona te, Au aso'da losa dodoo na. Au koasa mamate sa, ma daebafa hataholi manamate ka.

AYUB 5:18

Nana, Manetualain nde tao nahe'di, de Ndia boeo, nde puli-namo'do, Ma liman fo manafepa-li'uk-ka, nde tao malole falik-kana.

YOHANIS 11:25

Tehu Yesus nafa'da Marta nae, “Au nde manafe maso'da ka, ma manatao naso'da falik hataholi manamate kala. Hataholi fo namahele neu Au a, neukose naso'da, leomae ana mate so.

MATEOS 12:40

Yunus leo lele'dok telu le'odaek telu neme i'a matua ina tein dale. Leondiak boe, Ana Hataholi ka, neukose Ana leo lele'dok telu le'o daek telu nai dae dale.

MAZMUR 116:3

Soe mamates-sa, fe au nasanene'da mahelek; soe mamates-sa, neni bibii-amata'uk fe au, ana tao-na au daleng-nga, ta tesa-tama ma bii-namata'u.

SEMUEL SUSULAK-KA ESAN-NA 20:3

Boema, Dauk nataa nae, “O amam bubuluk besa-besa nae o sue-lai au. Da'di, tao leo bee-o, ana ta nau nafa'da dede'ak ndia neu o fa, fo ela o dalem-ma boso he'dis-sa. Tao leo beek boeo, no Manetualain fo maso'dak-ka na'den-na, te'e-te'e au so'dang-nga, sama leo manutolo nai kapa susula pe'dan-na!”

MAZMUR 68:20

Koa-kio Manetualain leona, nana Ndia nde Manetualain, fo manasoi-tefan-na ita; Ana lepa ita bela-ba'un, neme faik leo faik neu.

PENGKHOTBAH 3:3

faik soaneu nanisa, ma faik soaneu nakahahaik, faik soaneu ofe henin, ma faik soaneu nafofo'an.

YESKIAL 37:3

Manetualain natane au nae, “Hai hataholi daebafak fo, manasapu-manalalok-konei, ade duik ia-la, bisa laso'da seluk do ta?” Boema au ataa ae, “Manetualain Fo Mademaina, ka'da O mesam-ma nde, bubuluk-ka.”

YESKIAL 37:12

Hu ndia de, mafa'da Au anang Israel sila-la mae Au, Manetualain Fo Mademaina, neukose soiheni sila laten-nala. Neukose Au kaluahenis leme ndia mai, fo Au fe falik-kasa leo dae Israel-la leu.

1RAJA-RAJA 17:22

Manetualain namanene Elia hule-haladoin; ni'iana ndia mulai hae de naso'da falik.

MAZMUR 30:4

O matapo'i au neme mamates-sa mai, ma O tao maso'da au neme hataholi manamatek-kala tala'da mai.

MAZMUR 71:20

O fe au doi-doso mabela makadotok, tehu neukose, O tao mabebeu au be'i-balakaing, ma O mafofo'a falik au neme lates dale mai.