SEMUEL SUSULAK-KA ESAN-NA 2:3 - Susula Malalaok Hehelu Palak Ma Hehelu Beuk

³ Hahae o tutui bafa loum-ma leona! Hahae o kokola manakoao-ndaeaom-ma leona! Nana Manetualain ndia, Manetualain fo manabubuluk basa hata lala'en-na; fo mananaketu-nala'di basa hataholi-a tatao-nono'in lala'en-na.

SEMUEL SUSULAK-KA ESAN-NA 2:3 Referans Kwoze

AMSAL 8:13

Fe ha'da-holomata neu Manetualain soona sosoan-na nae, makamuu-makadau manatao mangalauk-ka; Au ta hii manakoao-ndaeaok-ka ma manamamatutua-mamadedema aok-ka fa. Au akamuu-akadau heheo-hihiluk mangalauk-ka, ma hala-kokolak manatipu-daik-ka.

1RAJA-RAJA 8:39

sa'di leo been-na, O nai O mamana leleom manai nusa so'dak-ka mamanene boema fe do'o do ampon ma tulu-falis. Ka'da O mesam-ma nde bubuluk hataholi daebafak-ka dale bobongo anan-na. Hu ndia de, tao hataholi esa-esak nandaa no tatao-nono'i nala,

AMSAL 24:12

O bole mafa'da mae, “Au ta nai dede'ak ndia dalek fa.” Tehu, Manetualain taoafik neu o. Ana bubuluk, de naketu-nala'di o dudu'a-aafim. Ana balas hataholi daebafak-ka nandaa no tatao-nono'in.

IBRANI 4:12

Manetualain hala-kokolan nde bee na, hala-kokolak fo maso'dak, ma mabe'i-balakaik; tane na lenaheni tafaina tane kadua ka. Hala kokolak ndia, ana tola losa leo samane ka ma dula dale ka dae too na; ana tola losa leo bu'u-bu'u kala, ma dodole dui ka dae too na, nalosa ana bubuluk besa-besa no hataholi daebafa ka dale-aafin, ma dale tutu'u na.

AMSAL 16:2

Fafa'kama nai hataholi-a mata memeten-na dalek, basa tatao-nono'in malole, tehu Manetualain nde fola dale tutu'un-na.

YESAYA 37:23

Ade, o bubuluk see kande o dodoki-aalin, ma o makamumulu-makamamaek-kana ndia do ta? Au, fo Israel Manetualain-na, Manetualain fo malalao-malalafuk-ka.

MAZMUR 147:5

Tete'ek-ka, ita Manetualain matua ma anseli, manatee-tenon-na, too-lanen ta.

MAZMUR 94:4

Ala kokolak dede'a manggenggeok, ma ala koao-ndaeao lenik sila tatao-nono'i mangalaun-na.

MAZMUR 44:21

Leounik-ka, ami ta sene-do'ok seluk neu Manetualain fa, te ami hule-haladoi neu lamatua daebafak fa'ek soona,

AYUB 31:6

Nemen-na, fo Manetualain tai au, nai tatais matetuk lain, soona neukose, Ana bubuluk, nae au salang ta.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

MALEAKHI 3:13

Manetualain nafa'da nae, “Emi dede'a-kokolam, tete'ek-ka nakamumulu-nakamamaek Au.” “Tehu emi matane mae, ‘Ami kokolak beek la'eneu O?’

DANIAL 5:27

nanataik, Ama Manek nanatai basak so, de Ama Manek belan-na ta dai fa;

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

YESAYA 26:7

Hataholi manatao ndoos-sa, neukose ana la'ok nai eno ndoos-sa, nana O, Manetualain, oti enok ba'eneun.

MAZMUR 17:10

ala ta lanuu dale kasian fa de ala kokolak no koao-ndaeaok.

MAZMUR 31:18

Ou lamatua daebafak, boso po'ilotak au hapu mamaek, o Manetualain, nana au aloo bou-bou neu O. Nemen-na fo hataholi mangalauk-ka nananakamamaek, ma no denge-dengek, ana kona leo hataholi manamatek-ka, daebafan-na neu.

MAZMUR 75:5

Soaneu hataholi fo, ana hii kokolak bafa louk-ka, Au afa'dan fo daenga boso boe kokolak bafa louk bai.

YOSUA 22:22

“Fo Manakoasa nde Manetualain! Fo Manakoasa nde Manetualain! Ana bubuluk, tao le'e de, ami tao dede'ak ia, ma ami nau, fo ela emi boeo bubuluk-kana! Leounik-ka, ami tao dede'ak ndia, no dudu'ak la'ban Manetualain do hu kande, ami ta mamahele seluk-kana fa soona, nemen-na fo ami mate besak ia boe!

HAKIM-HAKIM 9:38

Zebul nafa'da Gaal nae, “Nah, besak ia, o bafa maloam ndia nai bee? Makahulun-na, o mafa'da mae, sosoak hata, ita muse takatele neu Abimelekh ndia? O makamumulu-makamamaek hataholi-la, nde ia-la. Ayo, besak ia tutulumatak, fo sapu-malas leona!”

YESKIAL 35:13

Hai leoina Edom-mala lemin, emi bafa maloa, ma emi koao-ndaeao neu Au. Au amanene basa sila-la so.