SEMUEL SUSULAK-KA ESAN-NA 2:2 - Susula Malalaok Hehelu Palak Ma Hehelu Beuk

² Ta hapu malalao-malalafuk sama leo Manetualain fa! Ka'da Ndia nde hapu fe nasulu-nahapak.

SEMUEL SUSULAK-KA ESAN-NA 2:2 Referans Kwoze

2 SEMUEL 22:32

Nana, ka'da Manetualain nde Manetualain-na; Ita manamasala'en-na nde ka'da Manetualain mesak-kana.

YESAYA 44:6

Manetualain Fo Manakoasa, Manek, ma Israel manamasalu-mahapan-na, halan-na nde ia nae, “Au Manetualain, Fo Ka'da Kisak esa, fo makasososak ma mate'ek.

MAZMUR 86:8

Ou Manetualain, ta hapu lamatua daebafak sama leo O fa, ta hapu hataholi bisa tao hata fo, O taon fa.

MAZMUR 89:8

O nanafe ha'da-holomata nai basa hataholi malalao-malalafuk-kala dalek nanabii-naata'uk, neme basa hata manai O boboa-kaisum-ma.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

1 PETRUS 1:16

Nai Susula Malalaok dale nanasulak nae, “Ela leo bee na emi malalaok, nanahu Au malalaok.”

YEREMIA 10:6

Manetualain do mandela masa'ak, ta hapu sama leo O fa, O na'dem-ma matua-madema ma henuk no koasa.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

ULANGAN 3:24

Ou Manetualain Fo Matua Madema, au bubuluk hata fo O matu'dun neu au ia, besak-ka nalupa makasososak neme O tatao-nono'im matuainam ma nanadodoo doak. Ta hapu lamatua daebafak nau nai lalai do nai daebafak-ka boe, fo sama leo O taom-malak hata-hata fo ta uku-dou nala fan.

IMAMAT 19:2

nanduku-nalosak paleta ia-la neu leoina Israel-la nae, “Ela leo been-na, emi malalao-malalafuk, nanahu Au fo emi Manetualain nde been-na, malalao-malalafuk.

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

YESAYA 44:8

Au leoinang-ngo nei, boso bii, do nggenge; ade neme makahulun-na, losa besak ia Au ta afa'da ela, hata fo ana da'di fa do? Au sakasiing-ngala nde emi. Ta hapu manamasulu-mahapa fe'ek fo Au ta alelak-kasa fa.”

YESAYA 40:18

Da'di, o sanga makasasamak Manetualain no see? See kande, o mafa'da mae, mata-aon sama no Manetualain?

YESAYA 6:3

Esa naloo bou-bou neu esa nae, “Malalao-malalafuk, Malalao-malalafuk, Malalao-malalafuk. Manetualain Fo Manakoasa, malalao-malalafuk. Daebafak-ka, henuk no mandela-masa'an.”

MAZMUR 111:9

Ana soi-po'i anan-nala, de Ana tao hehelu-balataak manaketu-basa tak nos. Ndia nde Manetualain fo malalao-malalafuk, ma makadelek!

MAZMUR 99:5

So'uk mamadema ita Aman Manetualain sene-do'ok nai kandela manen-na matan-na. Ndia malalao-malalafuk!

MAZMUR 89:6

Nakabuak manai nusa so'dak-ka, koa-kio O tatao-nono'im fo matabeuk, ma lakamee O lilinekam, Manetualain.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

MAZMUR 99:9

So'uk mamadema ita Aman Manetualain, ma sene-do'ok-kana, nai pupukun fo malalao-malalafuk-ka, nana ita Aman Manetualain, malalao-malalafuk.

MAZMUR 73:25

See kande, au anuun nai nusa so'dak-ka, fe'ek neme O mai? Fe'ek neme O mai, ta hapu hata fo, au ahiik-kana nai daebafak-ka.

MAZMUR 71:19

Ou Manetualain, O ndo ma matetum-ma, dema lalai; O tatao-nono'im-mala matuaina; see sama-na leo O?

MAZMUR 71:3

Da'di sama leo lete batu ba'eneu au fo au mamana leleong-nga fo au losan tataas esa no mudak la'iesak-kana, Nana O maketu basa, soaneu soi-tefa-mala au, Au mamana nasulu-nahapang, ma mamana hahaeaong-nga nde O.

MAZMUR 18:2

Au sue-lai O, ou Manetualain, O de been-na au be'i-balakaing!

ULANGAN 32:20

Nafa'da nae, ‘Au ta tulu-fali sila so'on; nemen-na fo Au mete su'dik-kasa, neu mate'en-na, ala tao leo beek. Nana leoina sila-la, lalangabatu, ma ala ta lilineka makandondook fa

ULANGAN 4:35

Manetualain natu'du basa sila-la neu emi, fo ana da'di ta'du esa, nae ka'da Manetualain ndia mesak-kana, nde Manetualain-na, de ta hapu lamatua daebafa fe'ek fa.

ROMA 4:8

Maua-manalek neu hataholi fo Lamatua ka ta naketu-nala'di sala-singo nala fa!”

2 SEMUEL 7:22

Tete'ek-ka, O matua-madema, ou Manetualain! Ka'da O mesam-ma nde Manetualain, de ta hapu hata esa boen, sama leo O fa. Ami bubuluk dede'ak ndia nana, nananafa'da basak neme makahulun eli mai so.

2 SEMUEL 22:3

Manetualain sama leo kota musu matea-mahelek au mamana nasulu-nahapang. Au Manetualaing-nga, sama leo lete batu, au mamana hahaeaong. Sama leo babaa fanak, fo ana babaa au, ma nanea au, fo ela au nee-nee lino-lino tataasesa.

1RAJA-RAJA 8:23

de ana hule-haladoi nae, “Amak, fo Israel Manetualain na! Nai lalai do nai daebafak-ka boe, ta hapu hata fo sama leo O fa! O tao matetu O hehelu-balataam ma O matu'du O susue-lalaim neu O anam fo manalilinekak ma manatunga O no dalek-katema tuak.

MAZMUR 18:31

Manetualain tatao-nono'in, matetu-mandaak Manetualain hehelun-na, hapu nananamahelek. Ana sama leo babaa fanak ba'eneu basa hataholi fo lasulu-lahapa neun-na.

MAZMUR 99:3

Nemen-na fo, ala koa-kio na'den fo mandela-masa'ak-ka. Ndia malalao-malalafuk.

IMAMAT 11:44

Au nde emi Manetualain, hu ndia de manea, fo ela emi malalaok-malalafuk mahele, nanahu Au malalaok-malalafuk.

IMAMAT 11:45

Au nde Manetualain, fo noo emi kalua meme Masir mai, fo daenga Au da'di emi Manetualaim. Ela leo been-na, emi malalao-malalafuk, nanahu Au malalao-malalafuk.

ULANGAN 4:39

Hu ndia de faik ia, mame'dak leona, fo boso mafandele henin: te ka'da Manetualain mesak-kana nde Manetualain fo nai lalai ma daebafak-ka; ta hapu lamatua daebafa fe'ek fa.