SEMUEL SUSULAK-KA ESAN-NA 2:1 - Susula Malalaok Hehelu Palak Ma Hehelu Beuk

¹ Boema Hana hule-haladoi nae, “Manetualain tao-na au daleng-nga namahoko; tatao-nono'in tao tesa-tama au daleng-nga. Au ame'da au aua-anale, de au hakinonoli au musung-ngala, nana te'e-te'e, Manetualain tulu-fali basa au so.

SEMUEL SUSULAK-KA ESAN-NA 2:1 Referans Kwoze

MAZMUR 13:5

Boso po'ilotak au musung-nga, nafa'da nae sila sengi au so. Boso po'ilotak ala eeki-latadale au.

FILIPI 4:6

Boso bii neu hata esa boen. Hule-haladoi nai basa dede'ak lala'ena dalek, ma manduku-malosak emi nonoke ma neu Manetualain. Hata fo emi paluun soona, mafa'dan tataas esa neu Manetualain, no moke makasi.

MAZMUR 92:10

Ou Manetualain, ami bubuluk O musum-ma, neukose nanatao namopo-namatek basa hataholi mangalauk-kala, neukose nanatao tapasasalak.

MAZMUR 89:17

Nai fai katemak esa dalek, ala lamahoko ma latea-lahele, nanahu O dale malolem-ma.

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

MAZMUR 20:5

Ela leo been-na, Ana fe o, basa hata lala'en fo o mahiik-kana, ma Ana fe o dale tutu'um lala'ena, leni buna-boak.

MAZMUR 9:14

Mitak, musu-a tao-na au doi-doso; sue-lai au, ou Manetualain matapo'i au neme mamates-sa mai,

MAZMUR 35:9

Boema au eeki-latadale, nanahu Manetualain, au daleng-nga namahoko, nana Ana soi-tefa-nala au.

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

HABAKUK 3:18

tehu neukose, au amahoko tataas esa nana au manasoi-manatefang nde O fo Manetualain.

MAZMUR 118:14

Manetualain nde bee-na, au be'i-balakaing ma au kokoa-kikiong-nga. Ana soi-tefa-nala au so.

MAZMUR 89:24

Neukose Au tao amopo-amate musun-na, Au taoisa su'di see-a fo, nakamuu-nakadaun.

KELUARAN 15:21

Miryam nakamee soaneus nae, “Makamee ba'eneu Manetualain, Nana Ana sengi no malole nanseli. Ana tapa basa ndala-la loo hataholi manasa'ek-kala leo tasi dale leu.”

KELUARAN 15:1

Boema Musa no hataholi Israel-la lakamee nakameek-ka nde ia, soaneu ala koa-kio Manetualain nae, “Au nau akamee soaneu Manetualain, nana Ana sengi no namahoko-setelek so. Ana tapa basa ndala-la loo hataholi manasa'en-nala, leo tasi dale leu.

1 PETRUS 1:8

Leomae makahulu na emi ta mita fan, tehu emi sue-lain. Besak ia boeo, emi ta mita fan, tehu emi mamahelen boe. Hu ndia de emi mamahoko matua ina manseli, de nalosa ta tafa'da talelak emi namahokom ndia fa.

MAZMUR 51:15

Soona neukose au anoli O paletam-ma neu hataholi masala-masingok-ka, fo ela ala fali ma'is leo O mai.

MAZMUR 18:2

Au sue-lai O, ou Manetualain, O de been-na au be'i-balakaing!

HABAKUK 3:1

Nabi Habakuk-ka huhule-haladoin nde ia:

MAZMUR 75:10

Tehu neukose, au tui-benga ahele Yakob Manetualain-na, au akamee nakamee kokoa-kikiok ba'eneun.

MAZMUR 71:8

Au koa-kio O tataas esa, ma nai fai katemak esa dalek, au tui-benga O matua-mademam.

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!

LUKAS 1:69

Ana fe ita manasoi-tefa balakai lea, Dauk fo ata na tititi-nonosin.

ULANGAN 33:17

Yusuf be'i-balakain ba'u sapi fuik-ka, be'i-balakain, ma sapi mane fuik-ka susulan ndia nde, hataholi Manasye-la lifu-lifun ma hataholi Efraim-mala, kefin-kefin Ana puka leoinak-kala, ma ana sesetis losa daebafak-ka bu'un-nala.”

AYUB 16:15

Au pake kalong, fo da'di leo ta'du-tana dale he'dik, ma au angatuuk nai dae sopuk-ka dale, nanahu au nanasengik so.

MAZMUR 148:14

Ana tao natetea-nahehele leoinan so, de nalosa, anan susuen Israel koa-kion. Koa-kio Manetualain leona!

SEMUEL SUSULAK-KA ESAN-NA 1:6

Penina, fo Hana palan ndia, tao nakahehe'dik Hana dalen-na, ma nakamumulu-nakamamaek-kana, nanahu Manetualain ta fen anak fa.

SEMUEL SUSULAK-KA ESAN-NA 1:7

Dede'ak ndia ana da'di neme teuk leo teuk neu; metema leu leo Manetualain Uman leu soona, Penina tao nakahehe'dik Hana dalen-na tatasesa. Nasi'a-na Hana kii, fo ta nau na'a fa, nanahu Penina nakamumulu-nakamamaek-kana.

2TAWARIKH 20:27

Boema Yosafat nauli-nalanga la'iesak solda'du-la de ala fali leo Yerusalem leu no namahokok nanahu Manetualain sengi sila musu-na.

MAZMUR 21:2

Ou Manetualain, manek-ka namahoko nanahu O matetea-mahehele basan so; namahoko-setelee nanahu sesengik O fe neun!

MAZMUR 89:18

O fe ami sesengik matuaina, hu kande O dale malolem-ma, de ami sengi.