SEMUEL SUSULAK-KA ESAN-NA 18:5 - Susula Malalaok Hehelu Palak Ma Hehelu Beuk

⁵ Dauk nakalala'ok basa Saul fen bela-ba'uk-ka no malolen-na. Hu ndia de, Saul so'un da'di malanga solda'du matuaina, nai solda'dun-nala dalek, ma basa solda'du anak-kala loo basa Saul malalau-maoonon-nala, ala hii Dauk.

SEMUEL SUSULAK-KA ESAN-NA 18:5 Referans Kwoze

SEMUEL SUSULAK-KA ESAN-NA 18:30

Metema neu faik beek, fo solda'du Filistin-nala mai sapu soona, Dauk nde taonisa solda'du musu ba'uk-ka, nakalena neme basa Saul malanga solda'du matuaina fe'en-nala mai. Boema Dauk boetai nanakoa-nanakiok.

KOLOSE 4:5

Nai emi tututi-nanatom mo hataholi kamahehele ta kala dalek, ela leo bee na emi maso'da no dudu'a-aafi matetu-mandaak, ma pake basa fai loak lala'ena no malole.

EFESUS 5:17

Boso mamanggoa, fo palisak matalolole hata fo Lamatua ka nahii kana.

HATAHOLI 7:10

de ana soi nan neme basa toto'a-tatan dalek mai. Manetualain ba'e fen dale malole, ma ndolu malelak nai lelek neu nataa mane Masi ra fo Firon, nalosa ana so'un da'di Gobelnol nai nusa Masi ra, ma ana paleta koasa mane Firo na uma mane na.

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

SEMUEL SUSULAK-KA ESAN-NA 13:2

ana hele hataholi Israel lifun telu; nai hataholi sila-la dalek, hataholi lifun dua loo Saul nai Mikhmas, ma nai Betel dae letelepan-na, ma lifun esa loo anamanen Yonatan leu leo Gibea, fo nai leo Benyamin-na nusan-na. Ana po'i laun bei elak-kala fo ala fali le'us leo esa-esak uman neu.

KEJADIAN 39:23

Malanga bui ndia ta nanea basa hata lala'en fo nanafek neu Yusuf so'on, nanahu Manetualain tulu-falin, nalosa ana hapu buna-boan nai basa ue-osan lala'en-na dalek.

SEMUEL SUSULAK-KA ESAN-NA 14:52

Nai Saul maso'dan-na dalek, natee-nata'ti no napalanik tataas esa la'ban hataholi Filistin-nala. Hu ndia de, metema Saul nita hataholi mabe'i-balakaik, do palani soona, no lai-laik ana ho'i-nan da'di ndia solda'dun.

SEMUEL SUSULAK-KA ESAN-NA 18:4

Yonatan o'duheni ba'du manalun-na, de ana fen leo Dauk neu, boeo ana fen bua papake musun-na no tafainan-na, kokoun-na ma kalikeen-na.

SEMUEL SUSULAK-KA ESAN-NA 18:6

Lelek Dauk sengi basa Goliat fo hataholi Filistin ndia, de ana fali boema, basa solda'du-la la'ok lakadadalak masok leo kota dale leu, boema basa inak manai kota Israel-la kalua, fo ala soluk Manek Saul-la. Lakamee nakamee namahokok-kala, ma ala foti-longe no lakaminak rebana ma kecapi.

SEMUEL SUSULAK-KA ESAN-NA 18:16

Tehu Israel lala'en-na no Yehuda sue Dauk, nanahu Dauk nde been-na, mauli-malangan fo tatao-nono'i malolen makadotok.

2 SEMUEL 5:2

Neme makahulun eli mai, nakalenak nai lelek Saul bei paleta ami-a, metema solda'du Israel-la leu latee-lata'ti soona, Ama Manek nde nauli-nalangas boe, bai te Manetualain helu basa neu Ama Manek, nae Ama Manek nde neukose nauli-nalanga anan-nala, ma da'di sila manen-na.”

MAZMUR 101:2

Au nau taoafik neu, maso'dak fo bu'u-ba'e tak-ka, eno-dalan. Faihi'da, O mai leo au mai? Au nau aso'da no malalao-malalafuk nai au umang,

SEMUEL SUSULAK-KA ESAN-NA 3:19

Semuel boetai namatua-ka. Manetualain sama-sama non, de Ana tao-na basa hata lala'en-na fo Semuel nafa'dak-ka, tete'ek-ka ana da'di.

2 SEMUEL 5:10

Dauk boetai natea-nahele nanahu, Manetualain Fo Manakoasa tulu-falin.

2TAWARIKH 17:3

Manetualain ba'e-pala Yosafat nanahu ana tunga aman ei tata'bu-na; ana ta sene-do'ok neu Baal fa,