SEMUEL SUSULAK-KA ESAN-NA 18:25 - Susula Malalaok Hehelu Palak Ma Hehelu Beuk

²⁵ boema Saul nadenus fo lafa'da Dauk lae leo ia, “Fo ama manek nahiik belis-sa, nde ka'da hataholi Filistin natun esa mamae pe'dan-na loun-nala, fo da'di leo babalak neu manek-ka musun-na.” (Saul dale tutu'un-na nde ndia, fo taonisa Dauk, tunga hataholi Filistin-nala liman.)

SEMUEL SUSULAK-KA ESAN-NA 18:25 Referans Kwoze

SEMUEL SUSULAK-KA ESAN-NA 18:17

Saul tutu'u nai dalen dale, fo ela hataholi Filistin-nala taolisa Dauk nai musu dale, fo daenga boso ndia nde taonisan-nana. Da'di, nai faik esa boema, Saul nafa'da Dauk nae, “Merab, fo au anafe'o ulung-nga, neukose au balabaen no o, sa'di o matu'du o palanim-ma nai natee-natatik dale soaneu Manetualain.”

SEMUEL SUSULAK-KA ESAN-NA 14:24

Nai faik ndia, hataholi Israel-la beemale ma lamala'a, nana Saul soo-supa basa nae, “Metema au beita balas au nape'da daleng-nga neu au musung-ngala fa soona, nanasoo-supak ba'eneu hataholi fo na'a su'di beek-ka nai faik ia.” Hu ndia de, nai faik ndia dalen-na, hataholi esa boeo, ta na'a fa.

KEJADIAN 34:12

Mafa'da palsen beek kande emi mahiik-kana, ma maketu memak belipaas. Emi moke su'di beek ndia boe, neukose au fe, sa'di emi nau, au sao anafe'oanak ndia.”

SEMUEL SUSULAK-KA ESAN-NA 17:36

Atam-ma taonisa, nau singa do meoasu boe, de hataholi Filistin dinitiu ndia boeo, neukose sama-na leo bana sila-la, nanahu napalani nakamumulu-nakamamaek Manetualain fo maso'dak-ka, solda'dun-nala.

SEMUEL SUSULAK-KA ESAN-NA 17:26

Boema Dauk nae, “Hataholi Filistin dinitiu ndia, napalani nanseli nahee Manetualain fo maso'dak-ka solda'dun-nala!” Basa boema, natane solda'du esa nae, “Ala fe hataholi fo ana bisa taonisa hataholi Filistin ndia beek, fo lose heni nakamumulu-nakamamaek-ka neme Israel mai?”

YOSUA 5:3

Boema, Yosua tao tunga Manetualain paletan-na, de ana sunat hataholi Israel-la nai mamanak fo ala foin na'de Pupuku Sunat.

KEJADIAN 29:18

Yakob dalen-na tu'da neu Rahel, hu ndia de, nataa Laban nae, “Metema to'o nau au sao Rahel soona, au nau aue-ale'di teuk hitu dalen-na.”

SEMUEL SUSULAK-KA ESAN-NA 18:24

Basa hataholi mana'a ngga'di sila-la, lafa'da Dauk hala natataan ndia neu Saul,

2 SEMUEL 3:14

Basa ndia boema, Dauk boeo nadenu hataholi neu leo Isyboset neu, fo neni hala heheluk-ka nde ia nae, “Ela leo been-na, Tuan fe falik Mikhal, fo au saoinan-nga leo au mai. Nana au sunat hataholi Filistin natun esa, boema au ho'i-a sila mamaen-nala loun-nala de au bae belin-na, de ketun so.”

SEMUEL SUSULAK-KA ESAN-NA 19:1

Saul nafa'da anamanen Yonatan, ma basa hataholi mana'a ngga'din-nala nae, ana sanga taonisa Dauk. Tehu Yonatan sue-na Dauk ba'un-na seli,