SEMUEL SUSULAK-KA ESAN-NA 17:52 - Susula Malalaok Hehelu Palak Ma Hehelu Beuk

⁵² Hataholi Israel-la ma Yehuda-la eki kao-kao, ma ala usi hataholi Filistin-nala losa Gat, ma Ekron lelesuinan-na. Hataholi Filistin makahinak-kala, lalefule'ak su'di enok leo Saaraim ndia, nanalun-na.

SEMUEL SUSULAK-KA ESAN-NA 17:52 Referans Kwoze

YOSUA 15:11

Neme Timna mai, de too ndia nakandoo leo Letek Ekron-na boboan kii neu, boema ana pilu leo Sikron tunga Letek Baala neu, de nakandoo leo Yabneel neu, boema nate'e nai Tasi Tala'dak,

2 SEMUEL 23:10

Eleazar natee-nata'ti nakandoo, fo ana tao namopo-namate hataholi Filistin-nala, nalosa ana sota-mangu nanseli. Liman-na mela, nalosa tafainan-na ta hapu natapo'i neme liman-na mai fa. Nai faik ndia dalen-na, Manetualain fe sesengi matuaina neu hataholi Israel-la. Solda'du Israel fo na'kasa lakadedeak-ka, ala fali ma'is leo mamanak fo Eleazar natee-nata'ti, boema ala o'du-la hataholi manamatek manai sila-la ba'du natee-nata'tin-nala.

HAKIM-HAKIM 7:23

Boema laloo, leo Naftali, Asyer, ma leo Manasye, nau manai Lee Yarden-na boboan dulu, do manai boboan muli boe, de ala usi tunga solda'du Midian-nala.

SEMUEL SUSULAK-KA ESAN-NA 17:53

Basa ndia de, hataholi Israel-la usi fali hataholi Filistin-nala boema, ala kalo mamana ofun-nala oe-isin.

SEMUEL SUSULAK-KA ESAN-NA 5:8

Hu ndia de, ala ka'i Filistin manek-ka liman-nala, fo daenga lakabubua, boema latane lae, “Ita muse tao Israel Manetualain-na, Peti Hehelu-balataan ndia le'e?” Boema manek sila-la lataa lae, “Lali heok-kana leo kota Gat-ta neu.” Da'di, ala lali heok peti ndia leo kota Gat, fo kota fe'ek esa nai Filistin.

SEMUEL SUSULAK-KA ESAN-NA 5:10

Boema leni Peti Hehelu-balataak ndia leo Ekron neu, fo kota fe'ek esa seluk nai Filistin. Peti ndia losa ndia boema, laun-na nggasi ma lae, “Leni Israel Manetualain Peti Hehelu-balataan ndia leo ia mai, fo ana taonisa ita basa-basa-tala.”

1RAJA-RAJA 20:21

Mane Ahab-a boeo masok leo musu dale neu, boema ana tao nakalulutuk kaleta musu la ma ana taonisa ndalan-na la. Faik ndia hataholi Siria-la kala matuaina.