SEMUEL SUSULAK-KA ESAN-NA 16:12 - Susula Malalaok Hehelu Palak Ma Hehelu Beuk

¹² Boema Isai nadenu leu laloo ni'iana ndia. Te se'kona ni'iana ndia, ta'eana ao kahelek esa, ma so'da-la'dak, ma matan-na manahiik. Boema Manetualain nafa'da Semuel nae, “Hataholi-a nde ndia!”

SEMUEL SUSULAK-KA ESAN-NA 16:12 Referans Kwoze

RATAPAN 4:7

Makahulun-na ami mauli-malangam-mala neuisik sama leo abas fo fula balisi. Sila makadelek ma balakaik so'da-la'dak ma ta lamahe'di fa.

KIDUNG AGUNG 5:10

O touana susuem-ma makadelek ma mana'ahiik, nai hataholi lifun sanahulu dalek, ndia nai uluk.

HATAHOLI 7:20

Nai lelek ndia nde bongi Musa. Ni'iana ndia mana'a hiik. Ina aman lakaboboi lafufunik ni'iana ndia neme uma, bulak telu dale na,

HATAHOLI 4:27

Nana memak Herodes no Pontius Pilatus tao nakabubuak lo hataholi fo ta lalelak Lamatua ka ma hataholi Israe la, leme kota ia dalek. Latongo fo ala la'ban O atam Yesus fo malalao-malalafuk ndia, fo O so'u basan da'di Mane Mana Fe So'da ka.

SEMUEL SUSULAK-KA ESAN-NA 17:42

Tehu lelek Goliat nita Dauk, de ana mete hehelun boema, ana hika ma ana hakinonolin, nanahu Dauk bei muli-soluk nanseli, ma aon-na makadelek.

SEMUEL SUSULAK-KA ESAN-NA 9:17

Lelek Semuel nita Saul boema, Manetualain nafa'dan nae, “Au afa'da o hataholi-a, nde ia. Neukose ana paleta Au anang-ngala.”

KEJADIAN 39:6

Basa Potifar hata-heton lala'en-na, ana fe Yusuf mete-nakaes. No enok ndia, Potifar po'i liman-na neme ito-atok la'eneu uman-na, ta'da fe'e nana'a-nininuk. Yusuf ao na makadelek ma mata-panan mana'ahiik.

IBRANI 11:23

Hu ka nde namahehele ka, de Musa ina aman lafunin bulak telu dale na nai lelek bongi basa nana. Ina aman lita, lae ni'iana ia mana'a hiik, de ala ta bii lena la'ban mane ka paleta na fa.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

MAZMUR 2:2

Mane daebafak-kala, fo'a landaa ma basa manakoasa-la, lakabubua fo lalahalak la'ban Manetualain no Ana hele manek-ka.

KELUARAN 2:2

Boema, inak ndia bongi-na ni'iana touanak esa. Lelek nita ni'iana ndia mana'a hiik nanseli boema, nafunin bulak telu dalen-na.

SEMUEL SUSULAK-KA ESAN-NA 17:55

Lelek Saul nita Dauk neu la'ban Goliat boema, natane Abner, fo malanga solda'dun-na nae, “Abner, see ni'iana ndia?” Abner nataa nae, “Atam-ma ta bubuluk fa, Ama Manek.”

2 SEMUEL 7:8

Hu ndia de, Natan, muu mafa'da Au atang Dauk, mae Au, Manetualain Fo Manakoasa, nafa'da nae, ‘Au hele basa o, neme o ue-le'dim fo manafoo bi'ilopo neme mook-ka, de Au so'u o, da'di manek neu Au anang Israel.

2 SEMUEL 23:1

Isai anan Dauk, nanahelek da'di manek, de Yakob Manetualain-na, Ana taon da'di hataholi matua. Dauk boeo nde tao fe Israel nakameek. Dauk hala-kokola mate'en-nala nde ia:

1RAJA-RAJA 1:34

Nai naa, Zadok ma Natan muse so'un da'di mane Israel. Basa ndia soona, emi muse fuu pupuu ka ma eki mae, ‘So'dak ba'eneu Mane Salomo!’

MAZMUR 78:70

Ana hele atan, Dauk, de Ana ho'in neme bana-manu bubuak-kala tala'da mai,

ZAKHARIA 4:14

Boema nafa'da nae, “Ndia nde bee soona, hataholi 2, fo Manetualain fo mana makadada'dik lalai maloa, Ana hele basa duas so, de natu'du duas fo lalalau-laoonon.”

SEMUEL SUSULAK-KA ESAN-NA 16:18

Lamanene dede'ak ndia boema, atan esa nafa'da nae, “Kota Betlehem-ma laun esa, na'de Isai, anatouanan esa nakaminak nalelak sasanu. Hataholi ndia palani, ma solda'du malole esa. Bai te, aon-na makadelek ma malela dede'ak, ma Manetualain tulu-falin tataas esa.”