SEMUEL SUSULAK-KA ESAN-NA 15:6 - Susula Malalaok Hehelu Palak Ma Hehelu Beuk

⁶ Boeo, ana haitua fe hataholi Keni-la hala nasanene'dak nae, “La'o leona, fo la'oela hataholi Amalek-kala, fo daenga au boso taoisa emi sama-sama moos, nana makahulun-na emi bei-ba'i kaim-mala, tao basa tia-laik loo hataholi Israel-la, nai lelek hataholi Israel-la mai leme Masir mai.” Boema hataholi Keni-la la'oela mamananak ndia.

SEMUEL SUSULAK-KA ESAN-NA 15:6 Referans Kwoze

HAKIM-HAKIM 1:16

Musa aliaman-na, tititi-nonosin fo nde hataholi Keni-la tunga, leo Yehuda, de ala kalua leme Yerikho, fo kota kurma ndia mai, de leu leo nusa tokotiik-ka nai Arad boboan kona, fo nai Yehuda. Ala leo lahele leme naa, loo leoina Amalek-kala.

HAKIM-HAKIM 4:11

Nai lelek ndia, Heber, fo hataholi Keni esa, ta nakabubua no leoinan-na fa. (Leoina Keni nde been-na, Hobab, fo Musa kelan-na, tititi-nonosin.) Heber neu pasak basa lalaa teman-nala deka no ai terpentin manai Zaanaim-ma so, ta dook-ka neme Kedes mai fa.

KELUARAN 18:19

Mamanene au nanoli-nafa'dang, fo neukose Manetualain tulu-fali o. Memak malole, nana o mapadeik nggati leoina ia, nai Manetualain matan, fo o meni leoina ia dede'an-na neun.

SEMUEL SUSULAK-KA ESAN-NA 27:10

Metema, Akhis natanen nae, “Oek ia, emi sapu leo bee meu?” Boema Dauk nafa'dan nae, meu leo Yehuda boboan kona, do meu leo hataholi Yerahmeel-la nusan-na, do meu leo hataholi Keni-la mamana leleon-na neu.

HAKIM-HAKIM 5:24

Maua-manalek neu Yael, fo Heber, hataholi Keni ndia, saoinan-na; neme basa lalaa temak-ka isin-na mai, ndia nde nanaba'e-palak nanseli.

NINITAK 18:14

Manadanga nala lafa'da inak ndia lae, “Basa hata fo o hii manuun, ta kasa so, ma o maso'da mandai lenam, ma o lole-napum mopos so. Neukose o ta hapus so'on!”

2 TIMOTIUS 1:16

Tehu Onesiforus uma isi nala, ala tao la au amahoko la'i de'ubee so. Ela leo bee na, Lamatua ka natu'du susue-lalain neus. Nana leomae au nai bui dale, tehu Onesiforus, ana ta mae au da'di hataholi bui fa.

2 KORINTUS 6:17

Hu ndia de, la'oela hataholi fo ta nalelak Manetualain ndia, ma ta'da kofe'ek emi aoina ma neme sila mai. Boso makabubua makandondook mo hata manggenggeoka, soona neukose Au sipok emi.

HATAHOLI 2:40

Petrus nafa'da mangalele'do fes nae leondia. Petrus kokolak nos dede'ak ba'u ka, fo tao ka nde ladook aoina nala leme hataholi mangalauk fo neukose Manetualain huku kala.

AMSAL 9:6

Tunga hataholi mantee-tenok-ka enon-na, fo tu'u-tapa heni dudu'a-aafi taak-ka, fo ela o maso'da no tetu-temak.”

1 TAWARIKH 2:55

Neme leo-ingu Tirati, Simati ma Sukati fo manaleo manai kota Yabes-sa, hapu hataholi malelaina nai sulak susulak-ka dalek, ma salin susula nanapaluuk nanseli. Sila nde been-na hataholi Keni fo ala sao hataholi Rekhab-kala.

BILANGAN 16:34

Basa hataholi Israel manai sila-la, lamanene ala nggasi. Boema hataholi Israel-la lalai, ma laloo bebou lae, “Talai, te boso nalosak dae ko'don-na ita!”

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

SEMUEL SUSULAK-KA ESAN-NA 15:5

Basa ndia boema, Saul no solda'dun-nala leu sama-sama leo kota Amalek-ka leu, de ala sapu-la musu-a nai lee ma'dak esa dalek.

KEJADIAN 15:19

ma hataholi Keni, Kenas, Kadmon,