SEMUEL SUSULAK-KA ESAN-NA 15:33 - Susula Malalaok Hehelu Palak Ma Hehelu Beuk

³³ Boema Semuel nafa'da nae, “Sama leo o tafainam-ma tao namopo inak makadotok anan-nala so, leondiak boe, neukose mopo o inam, anan-na boe.” Boema Semuel tete'te Agag nai mei tunu-hotuk manai Gilgal-la matan.

SEMUEL SUSULAK-KA ESAN-NA 15:33 Referans Kwoze

HAKIM-HAKIM 1:7

Boema, Adoni-Bezek nae, “Makahulun-na, au te'te heni manek hituhulu, limaku'uinan-eiku'uinan-nala so, boema au po'ilotak-kasa la'a nana'a elak fo manatu'da leme au meing lain mai. Besak ia, Manetualain tao au, saman-na leo au tao sila.” Basa boema, ala fo leni Adoni-Bezek leo Yerusalem neu, de maten neme naa.

KEJADIAN 9:6

Hataholi daebafak-ka, nananakadada'dik sama leo Au; hu ndia de, ba'eneu see, fo ana taonisa hataholi soona, neukose hataholi taonisa hataholi ndia boe.

MATEOS 7:2

Nanahu emi maketu-mala'di hataholi tao leo beek soona, neukose Manetualain naketu-nala'di emi tao leondiak boe. Boema emi uku-dou hataholi minik ai uku bee soona, neukose Manetualain pake seluk ai uukuk ndia fo ana uku-dou emi boe.

NINITAK 18:6

Taon sama na leo ana tao basan neu emi a; balas ana la'i dua soaneu basa hata fo ana tao-no'i basa ka. Isi mango na ninik nininuk fo nanala lenaheni neme nininuk fo nanasadiak soaneu emi.

NINITAK 16:6

Hataholi daebafak mangalau kala taolisa Manetualain hataholi kamahehele nala ma nabi nala so. Besak ia O fes linu daak. Memak ndia nandaa soaneus!”

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

YEREMIA 48:10

Soo-supak neu hataholi fo ana ta tao-no'i lau-onok neme Manetualain mai no te'e-te'en-na fa. Soo-supak neu ndia fo ana ta lesu tafan-na fo nado'do fa.

YESAYA 34:6

Neukose Manetualain tafainan-na, nadiu daak, ma pete-pete no sila minan-na, sama leo pete-pete no bana tutunu-hohotuk-ka daan-na, ma minan-na. Nana Manetualain sadia tutunu-hohotuk nai Bozra, ma Ana taok-kanisa matuaina-la nai dae Edom-ma.

1RAJA-RAJA 18:40

Boema Elia nafa'da nae, “Ho'u ma nabi Baal-la sila-la. Boso po'ilotak esa boen nala deak!” Boema hataholi-la ho'u la nabi Baal-la sila-la, de basa boema Elia nos leo Lee Kison-na, de ala losa naa boema, ana taonisa la'iesa kasa.

BILANGAN 14:45

Boema hataholi Amalek ma hataholi Kanaan fo manaleo manai naa-la, sapu leona, de ala sengi hataholi Israel-la, boema ala usis losa Horma.

KELUARAN 17:11

Lelek Musa so'uk liman-na, hataholi Israel-la sengi. Tehu metema, Musa nakona liman-na soona, hataholi Amalek-kala nde sengi-a.

SEMUEL SUSULAK-KA ESAN-NA 15:32

Basa boema, Semuel fe paleta nae, “Moo, Manek Agag-ka leo ia mai.” Agag mai no namahehenak nanseli nanahu ana dodoo nae, “Soe mamates-sa seli so.”

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

HOSEA 6:5

Hu ndia de, Au adenu Au nabing-ngala, fo landuku-lalosak Au nakeketung-nga neu emi, nae emi muse nanahukuk, ma nanatao namopo-namatek. Fo Au ahiik neme emi mai-a, mangale'dok so:

KELUARAN 21:24

matak nggati matak, nisik nggati nisik, limak nggati limak, eik nggati eik,

SEMUEL SUSULAK-KA ESAN-NA 10:8

Basa ndia soona, muse o muu leo Gilgal muu, fo mahani faik hitu nai naa. Mahani te, au mai fo tunu-hotu tutunu-hohotu nanatunuk ma tutunu-hohotu mole-dame, ma au afa'da o, hata fo o muse taon.”