SEMUEL SUSULAK-KA ESAN-NA 15:23 - Susula Malalaok Hehelu Palak Ma Hehelu Beuk

²³ Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”

SEMUEL SUSULAK-KA ESAN-NA 15:23 Referans Kwoze

YEREMIA 28:16

Hu ndia de, Manetualain nafa'da nae, neukose o manatao namopok nai daebafak ia poin-na. Teuk ia dalen-na boe, neukose mate o, nana o madenu leoina ia la'ban Manetualain.”

SEMUEL SUSULAK-KA ESAN-NA 13:14

Tehu besak ia, Ama Manek paletan-na, neukose ta nakatatakak fa. Nanahu Ama Manek ta tunga Manetualain paletan-na fa, de Manetualain hele basa hataholi fe'ek fo nahiik-kana, fo Ana so'un da'di manek neu anan-nala.”

IMAMAT 20:6

Hataholi fo neu sanga malelak nai hataholi malelak, fo ana kokolak no hataholi manamatek samanen soona, neukose Au hukun, ma Au ta sipok-kana da'di Au anang so'on.

GALATIA 5:20

nai sosongo-tatango ka dalek, ma suangi a dalek; nai esa musu no esa, nahote ka, ta nau hataholi lena fan, namanasa lai-lai, ma paluu ka'da ao ina na mesa kana; nasi'da-naba'e ka, ma nok ia nok naa,

YEREMIA 29:32

boema hu kande ana nadenu emi la'ban Au, de neukose Au hukun no ndia tititi-nonosin. Ta hapu hataholi esa neme sila tala'da, fo neukose elan nai emi tala'da, soaneu nita manada'dik-kala fo neukose Au tao-no'in neu basa Au anang-ngala. Au, Manetualain nde manakokolak-ka.”

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

MAZMUR 107:11

nana ala ta nau la'ban Manetualain paletan-na, ma ta taoafik neu Manetualain Fo Mademaina, paletan-na fa.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

KELUARAN 22:18

Inak bee siula-tongono soona, muse taonisan.

KEJADIAN 31:34

Ndia te, Rahel ho'i-na dodoki-dudulak ndia, de ana taon leo alukosu manai onta, ne'a sa'e ndalan dale neu, de nangatuuk neu lain. Laban nggale'da basa Rahel lalaa teman dale lala'en-na, tehu ana ta hapu dodoki-dudulak ndia fa.

KEJADIAN 31:19

Nai lelek ndia, Laban nai mook-ka, fo ana bei nggute bi'ilopon-nala bulun-na, ma nai lelek ndia nde, Rahel namanakon-na, aman dodoki-dudulan fo manamasulu-mahapa teidalek-ka.

AYUB 34:37

Nanahu o tao seluk sala-singok no nalena langa-nasa'ba soona; ana la'ban neu Manetualain, ma nakamumulu-nakamamaek-kana nai ita matan.

ULANGAN 9:7

Mafandendelek, tao leo beek de emi taom-ma, emi Manetualaim-ma namanasa neme moo solokaek-ka. Nailelek neme emi la'oela Masir, losa emi losa mamanak ia, emi lena-la'ban Manetualain.

IMAMAT 20:27

Touk do inak see, fo ana kokolak no hataholi manamatek samanen-na soona, muse tapan nenik batu, losa maten. Hataholi ndia mate, hu kande salan-na.”

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.

YESAYA 19:3

Neukose Au tao-a Masir dale tutu'un-na buna-boan ta, ma Au fes pela-bale. Neukose loke tutulu-fafalik neme sosongo-tatangok-kala mai, ma loke nanoli-nafa'dak ma natutu'duk neme duladalek-kala mai.

YESAYA 8:19

Tehu neukose hataholi-la ladenu emi meu moke natutu'duk neme hataholi malelak fo lamakukutuk ma bafan-nala bekoti. Neukose hataholi sila-la lafa'da lae, “Ade ta nandaa, ita toke natutu'duk neme hataholi manamatek-kala samanen-nala mai, soaneu hataholi maso'dak-ka paluun-na fa do?”

SEMUEL SUSULAK-KA ESAN-NA 16:1

Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”

ULANGAN 9:24

Nai lelek neme au alelak emi-a, emi lena-la'ban Manetualain tataas esa.

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

SEMUEL SUSULAK-KA ESAN-NA 2:30

Au, fo Israel Manetualain makahulun-na helu basa, ae o teidale-bobongim-ma o leo-ma, neukose lalalau-laoono Au da'di leo imam losa dodoon-na. Tehu besak ia, Au ta ahiik dede'ak ndia so'on! Nana manafe ha'da-holomata neu Au, neukose Au fe ha'da-holomata neun, tehu mananakamumulu-nakamamaek Au, neukose Au akamumulu-akamamaek-kana.

HATAHOLI 13:22

Manetualain kekoheo kana neme kandela nangatutuu na mai boema, Manetualain so'u fes Dauk da'di sila manen. Ma hu ka nde dede'ak ia de Manetualain kokolak la'eneu Dauk nae, ‘Au bubuluk basa Dauk fo Isai anan ndia, nandaa no Au dale nga. Ndia nde hataholi fo neukose ana tao-no'i Au hihii-nanau nga.’

SEMUEL SUSULAK-KA ESAN-NA 28:3

Mate basa Semuel so, de Israel-lala'en-na kii-makaleleun, basa boema, latoin nai Rama, fo Semuel kotan-na. Teuk de'u bee maneuk-ka, Saul usi heni basa manasiula-tongonok-kala, ma hataholi manamaloo nalelak samanek-kala lema Israel mai.

2 SEMUEL 7:15

Tehu, neukose Au ta tao mangalauk neu fan, nandaa no Au hehelu-balataang. Neukose, Au ho'u ahele Au hehelu-balataang soaneun, de ta sama leo Au taon neu Saul, fo Au keko heok-kana neme kandela nangatutuun lain mai, fo ela o bisa da'di manek.

2 SEMUEL 12:9

Tao le'e de, o ta nau taoafik neu Au paletang-ngala fa? Tao le'e de, o tao-no'i tatao-nono'i mangalauk ndia? O taomisa Uria neme natee-natatik dale; o po'ilotak hataholi Amon-nala taolisan, de o ho'i-ma saon-na!

1 TAWARIKH 10:13

Saul maten nanahu ana ta lilineka neu Manetualain, ma ana ta tunga paletan-nala fa. Ana ta noke natutu'duk neme Manetualain mai fa, te noke neme hataholi manamatek-kala dula dalen-na mai. Hu ndia de, Manetualain hukun, de Ana fe kandela manen-na neu Dauk fo Isai anan-na.

YEREMIA 16:12

Tehu emi tao-no'i mangalauk lena selukai. Emi malanga batu ma emi nau tunga ka'da emi hihii-nanaun mesam-ma fo mangalauk ndia. Emi ta nau mamahele Au fa.

HOSEA 3:4

Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.

YOSUA 22:15

Boema, ala losa leo Ruben, Gad ma leo Manasye manai nusa Gilead-ta, mamanan-na.

HOSEA 13:11

No nasa-meluk Au fe emi manek, ma no nasa manalua ponu-ponuk-ka, Au hela falik-kasa.”