SEMUEL SUSULAK-KA ESAN-NA 14:38 - Susula Malalaok Hehelu Palak Ma Hehelu Beuk

³⁸ Hu ndia de, Saul nafa'da laun-na mauli-malangan nae, “Basa-basam-mala leo ia mai, fo palisak, ala tao sala-singo beek nai faik ia.

SEMUEL SUSULAK-KA ESAN-NA 14:38 Referans Kwoze

ZAKHARIA 10:4

Neukose, Au hele manakoasa, mauli-malangan ma malanga solda'du matuaina-la, neme sila dalek mai, fo ala paleta Au anang-ngala.”

MAZMUR 47:9

Manetualain nangatuuk nai kandela manen fo, malalao-malalafun lain; Ana paleta leoina-kala.

2 SEMUEL 18:3

Tehu hataholi sila lataa lae, “Bosok, Ama Manek. Nana, metema no nakasetik fo ami malai, do leomae mate ami baba'ek dua boeo, musu-a ta paluu fa, nana ana sanga-ka nde Ama Manek dei. Ama Manek belin-na, de'u ami hataholi lifun sanahulu belin-na. Bai te, malole lenak ka'da Ama Manek haitua fe ami tutulu-fafalik neme kota dale mai.”

HAKIM-HAKIM 20:2

Basa-basan lala'en-na, solda'du 400.000 leme solda'du manala'o eik-kala mai. Leoina Israel-la, mane leon-nala, lai naa boe.

YOSUA 7:11

Hataholi Israel-la, tao sala-singok so. Au fe basa paleta, fo ela ala tunga hehelu-balataak nai sila loo Au, tehu ala la'olenan! Ala ho'i-la bua-lo'as, fo muse tao nalutus-sala so. Lamanako-la, bua-lo'as sila, de lafunis nai bua-lo'an-nala dalek, fo ela hataholi boso bubuluk.

BILANGAN 24:17

Au itan, tehu ta nai besak ia fa; au akanaen, tehu neme dook-ka mai. Manek esa, ana da'di neme Israel mai, neukose ana mai, sama leo nduuk mandela-masa'ak-ka. Neukose ana tao nakalulutuk la'iesak mauli-malangan Moab-pala neukose ana tao nakalulutuk leoina Set-ta.

EFESUS 2:20

Emi nananafofo'ak nai netes fo Lamatua ka hataholi nadedenu nala lo nabi la, lafofo'a ka lain, fo Kristus Yesus nde da'di batu nete sa.

MATEOS 21:42

Boema Yesus nafa'das nae, “Ade emi beita lees mita hata fo nanasulak nai Susula Malalaok dale fa do? Nae leo ia: ‘Batu fo tuka uma la ta pake fan ndia, ana da'di batu makasososak so. Manetualain tatao-nono'in leondiak; Tatao nono'in ndia mana'a hiik!’ ”

YOSUA 7:12

Hu ndia de, ala ta lakatatakak lasasalematak loo musu-a fa. Musu sengis, nanahu sila boeo, nanaketu basak, soaneu nanatao namopo-namatek so. Neukose, Au ta nai emi boboam-ma so'on, metema bua-lo'as fo ta bole ho'i fas sila-la, beita tao nakalulutuk-kasa fa.