SEMUEL SUSULAK-KA ESAN-NA 14:15 - Susula Malalaok Hehelu Palak Ma Hehelu Beuk

¹⁵ Manada'dik ndia taon-na hataholi Filistin manai mamana ofuk-ka ma manai mook-kala, dele. Basa laun Filistin lala'en-na loo manamanea manai uma naneak-kala, boema nakodaa-la bii; lena-lenak daebafak-ka dele, ma nakalupu matuaina da'di.

SEMUEL SUSULAK-KA ESAN-NA 14:15 Referans Kwoze

SEMUEL SUSULAK-KA ESAN-NA 13:17

Nai lelek ndia boe, hataholi Filistin nakodaa bubuak telu, leme Filistin mamana ofun-na mai fo lamanako; bubuak ka esa, neu leo Ofra, fo nai Syual nusan-na,

KEJADIAN 35:5

Nai lelek Yakob no teidale-bobongin-nala la'o boema, Manetualain fe bibii-namata'uk-ka poti na laun manai kota-kota boboa-kaisun-nala, nalosa ala ta usi tunga Yakob no hataholin-nala fa.

2 SEMUEL 5:24

Metema, o mamanene makandu'uk-ka, sama leo hataholi-la la'ok lakadadalak lai ai sila poin-na, ei ndu'un-na soona, tutulumatak leona, nana neukose Au la'ok nai o uluk, fo o sengi solda'du Filistin-nala.”

KELUARAN 19:18

Ha'imasuk-ka potin-na la'iesak letek ndia, nanahu Manetualain kona nai letek lain, nai ha'i dale. Ha'imasuk ndia masu-masu, sama leo ha'imasuk-ka namasu neme la'o dale mai, de letek ndia nanggengo matuaina nanseli.

MATEOS 24:6

Neukose emi mamanene hataholi mana musu kala hala na, ma halak la'eneu matee-matati kala, tehu boso bii. Nana dede'ak sila la muse ala da'di, tehu ndia beita nafa'da nae fai mate'e ka losa so.

DANIAL 5:6

Mata-panan fula ma ana bii nanseli, nalosa lungulangan-na dele ngge'be-ngge'be.

MAZMUR 14:5

Hataholi mangalauk-ka, neukose ana bii-namata'u nanseli, nana Manetualain, nasulu-nahapa hataholi fo, manatunga neun-na.

AYUB 18:11

Bibii-namata'u matuaina, neme mamanak lala'en-na mai, de ana tao nanggengek hataholi mangalauk-ka; bibii-namata'uk-ka tungan, neme nggani eik leo nggani eik neu.

SEMUEL SUSULAK-KA ESAN-NA 13:23

Hataholi Filistin-nala lapadedeik-la uman-naneak esa, fo lanea lahele lete lelak esa nai Mikhmas.

HAKIM-HAKIM 7:21

Sila basa-basas lapadeik lahele nai esa-esak mamanan-na, nai ofu ndia boboa-kaisun. Boema, musu-a solda'dun-nala lala'en-na, lalai tu'u-fo'a ma ala nggasi beau.

YOSUA 2:9

de nafa'das nae, “Au bubuluk, Manetualain fe basa emi nusak ia so. Basa hataholi manai ia-la, ala bii emi.

SEMUEL SUSULAK-KA ESAN-NA 7:10

Lelek Semuel bei tunu-hotu tutunu-hohotuk ndia te, hataholi Filistin-nala mulai sapu; tehu nandaa no hatematak ndia boe, Manetualain namansa de halan-na nadodolo neme lalai mai neu hataholi Filistin-nala. Ala tapasasala, boema lalai no lapangamak.

SEMUEL SUSULAK-KA ESAN-NA 13:18

ma bubuak ka dua, neu leo Bet-Horon neu, ma bubuak ka telu neu leo dae too fo nasasalematak no Bafak Zeboim-ma, ma moo solokaek-ka.

SEMUEL SUSULAK-KA ESAN-NA 14:14

Nai natee-natatik makasososak ndia, Yonatan no touanak ndia taolisa hataholi, fafa'kama duahulu, nai dae-a loloa-na, metel duahulu lima.

SEMUEL SUSULAK-KA ESAN-NA 14:16

Ndia te, Saul solda'du manamanea manai Gibea, fo nai Benyamin nusan-na, lita hataholi Filistin-nala lalai leu-mai no lapangamak lanseli.