SEMUEL SUSULAK-KA ESAN-NA 12:23 - Susula Malalaok Hehelu Palak Ma Hehelu Beuk

²³ La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.

SEMUEL SUSULAK-KA ESAN-NA 12:23 Referans Kwoze

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

ROMA 1:9

Metema au hule-haladoi soona, au afandele emi tataas esa. Manetualain nde sakasii au hala-kokolang ia la memak tete'e ka. Manetualain ndia nde, au alalau-aoonon no dale katematuak, ninik au tui-benga Hala Malole ndia la'eneu Ana na.

2 TIMOTIUS 1:3

Au oke makasi neu Manetualain fo, au alalau-aoonon no dale katema tuak, sama na leo makahulu na, au bei ba'i kai ngala tao-no'i ka. Au oke makasi tataas esa neu Manetualain, nai lelek fo au afandele o nai huhule-haladoi ka dalek, leomae lele'dok do le'odaek ndia boe.

1 TESALONIKA 3:10

Lele'do le'odaen, ami hule-haladoi neu Manetualain no dale katema tuak, fo ela ami hapu matongo matam mo emi, fo ami tao matetu hata fo emi paluu ka, soaneu emi mamahele neu Kristus tunga matetu na.

1RAJA-RAJA 8:36

sa'di leo been-na, neme nusa so'dak-ka mai, O mamanene sila. Ma fe do'o do ampon neu O ana mala ma sila manen-na sala-singo nala. Manolis tao hata fo ndoos sa. Basa ndia soona, ou Manetualain, makona u'dan leo O nusam ia, nusak fo O fen neu O ana mala soaneu da'di sila nuun losa dodoon-na.

HATAHOLI 12:5

Da'di ala huku lahele Petrus neme bui dale. Tehu hataholi salani kala hule-haladoi te'e-te'e neu Lamatua ka soaneu Petrus.

MAZMUR 34:11

Singa-la boeo lamala'a, nanahu nana'ak-ka ta dai fa; tehu hataholi fo, manasene-do'ok neu Manetualain-na, ana ta to'a-taa fa.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

2TAWARIKH 6:27

ou Manetualain fo manai nusa so'dak-ka, soona mamanenes. Ma fe do'o do ampon neu hataholi Israel-la fo O atam-mala. Manolis ala tao hata fo ndoos. Basa ndia soona, ou Manetualain, makona u'dan-na leo O nusam ia mai, nusak fo O fe basan neu O anam-mala soaneu da'di sila pusakan losa dodoon-na.

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

HATAHOLI 20:20

Tolanoo kala bubuluk basa, au ta hiapenge tui-benga neu emi, hata fo masosoa-ndandaak ba'eneu emi. Au anoli emi nai mamana nakabua matua la, ma nai uma puni sa'e-sa'e kala.

PENGKHOTBAH 12:10

Ana sanga enok, fo hapu dede'a kokolak kokoe-nanasik, ma ana sulak dede'a-kokolak-kala nde been-na tunga ndoon-na.

AMSAL 4:11

Au anoli basa o manatee-tenok-ka, ma au atu'du o, so'da ndoos-sa eno dalan so.

1 KORINTUS 9:16

Nana metema ndia ka'da dede'ak fo tui-benga Hala Malole maneme Manetualai na mai soona, au ta anuu hak amatutua-amadedema fa, nana Manetualain paleta basa au soaneu tao-no'in so. Susa-soe ba'eneu au, metema au ta tui-benga Hala Malole ndia fa!

KELUARAN 32:30

Balahaa boema, Musa nafa'da leoina ndia nae, “Emi tao basa sala-singok matuaina so. Tehu besak ia, au sanga kae seluk leo letek ndia lain soaneu asasalematak o Manetualain; sanga tao leondia fo au hapu do'o do ampon soaneu emi sala-singom.”

SEMUEL SUSULAK-KA ESAN-NA 12:19

Boema, lafa'da Semuel lae, “Fali-ma, ami dei Ama, hule-haladoi neu Manetualain fo o Manetualaim-ma, fo ela boso mate ami. Besak ia, ami mame'da mae fe'ek neme ami sala-singom makahulun-na mai, ami masala-masingo seluk, nanahu ami moke manek esa.”

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YEREMIA 27:18

Metema memak tete'ek-ka sila nabi, de ala sipo hala-haituak neme Au mai soona, tao leo beo be ia ala loke neu Au, Manetualain Fo Manakoasa, fo ela hata-heto bei manai Au Uma manek-ka manai Yerusalem ta nanaso'u nenik lo Babel-la neu fa.

YEREMIA 42:4

Au ata ae, “Malole! Metema leondiak. Au sipok emi nonoken ndia. Neukose au hule-haladoi neu ita Aman Manetualain-na fo nataan-na leo beek soona, neukose au afa'da la'iesak-kana neu emi; Esa boeo neukose au ta afunin lo emi neu fa.”

SEMUEL SUSULAK-KA ESAN-NA 8:6

Tehu Semuel dalen-na nape'da dale nasak no sila hala nonoken ndia fa. Boema ana hule-haladoi neu Manetualain,

MAZMUR 34:12

Mamanene leon, hai ni'iana-la lemin, au anoli emi, fo fe ha'da-holomata neu Manetualain.

MAZMUR 122:6

Hule-haladoi leon, ba'eneu Yerusalem tetu-teman mae: “Ela leo bee-na, basa hataholi fo manasue-lai o-a, ala hapu tetu-temak.

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”