SEMUEL SUSULAK-KA ESAN-NA 12:21 - Susula Malalaok Hehelu Palak Ma Hehelu Beuk

²¹ Boso tunga lamatua daebafak-kala, fo ala ta hapu tulu-fali emi ma soi-tefa emi fa, nanahu tunga ndoon-na, lamatua daebafak ta.

SEMUEL SUSULAK-KA ESAN-NA 12:21 Referans Kwoze

HABAKUK 2:18

O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YEREMIA 10:15

Sosongo-tatangok sila beli taak-kala, nanda nanahokinonolik ma nananakadadaek. Metema losa fain-na soona sila mopo-mate.

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

ULANGAN 11:16

Boso nau hataholi fufu'di-oodok emi, fo emi dook-ka meme Manetualain mai, fo emi sene-do'ok ma mamahele neu lamatua daebafak fe'ek-kala.

1 KORINTUS 8:4

La'eneu na'a nana'ak fo nanafe basak neu sosongo-tatango ka, ita bubuluk tae, tunga ndo na sosongo-tatangok ta. Boema ita boeo bubuluk basa, Manetualain ka'da esa; ta hapu fe'ek so'on.

YUNUS 2:8

Manasongo-tangok sosoa-ndandaa taak-kala, la'oela O, de ala ta lilineka so'on.

YEREMIA 2:13

Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

YESAYA 46:7

Dodoki-dudulak ndia, nanapakuk, ma nanape'dak nai mamanan-na, ana napadeik nai ndia, ma ta hapu laliheok-kana fa Metema, hataholi hule-haladoi neun soona, ana ta nataa fa, ma ana ta soi-tefa-nala fan, neme toto'a-tataan-na mai fa.

YESAYA 45:20

Manetualain nafa'da nae, “Makabubua, fo mai sama-sama, hai emi basa-basam fo, maladeak neme leoinak-kala tala'da mai! Hataholi fo, ala ho'i leni ai nanadoki-dulak-ka, fo ala la'ok benongo okofeo nggolok-ka, ma hataholi manahule-haladoi neu lamatua daebafak-kala, fo ta hapu soi-tefa-nala fas-sala, hataholi nggoak-kala.

YEREMIA 10:8

Sila basa-basas nggoa-panganaa nana lamatua daebafan-na ka'da ai tuk mesak-kana, ma ta hapu nanoli hata neulauk fa.

YEREMIA 2:5

Manetualain nafa'da nae, “O bei-ba'i kaim-mala, hapu sala beek nai Au-a, nalosa ala ke'di-ndiu Au? Ala usi ka'da sosongo-tatangok eli taak-ka de mate'en-na, lakadadaek seluk aoinan-nala.

YESAYA 41:29

Tete'ek-ka, lamatua daebafak-kala, sosoa-ndandaan ta, sila ka'da dodoki-dudulak, fo tapandoes, ma ala ta bisa tao-lala hata esa boen.”

ULANGAN 32:21

Ala tao-la au ta ahiik hata fo, Manetualain ta nde ndia fa, ma Au amanasa sila dodoki-dudula sosongo-tatangon. Boema Au tao-a, Au anang-ngala ta lahiik hataholi fo, leoina ta ndia fa, ma Au amanasa leoina nggoak-ka.

HATAHOLI 14:15

“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.

ULANGAN 30:17

Tehu matema, emi ta tunga, ma emi ta nau mamanene fa, fo emi po'ilotak hataholi fe'ek, taon-na emi la'ok sala, fo emi sene-do'ok neu lamatua daebafak fe'ek-kala soona,

2RAJA-RAJA 17:15

Israel ma Yehuda, ta nau tunga Manetualain paletan-nala, ma ta lilineka neu hehelu-balataak, fo Ana tao basan no sila bei-ba'ikain-nala fa. Ala ta taoafik neu kekena-kaka'in fa, tehu ala songo neu sosongo-tatangok, sosoa-ndandaa taak-ka, nalosa sila boeo, da'di sosoa-ndandaa taak. Ala tunga leoina manai sila boboan kaisun-nala, ei tata'bun-na, leomae Manetualain kena-ka'i basan so.

YUNUS 2:9

Tehu neukose au akamee nakamee kokoa-kikiok ba'eneu O ma au tunu-hotu tutunu-hohotuk soaneu O. Neukose, au tao atetu au hehelu-balatang lala'en-na O nde Manetualain fo manasoi-tefa.”