1RAJA-RAJA 1:34 - Susula Malalaok Hehelu Palak Ma Hehelu Beuk

³⁴ Nai naa, Zadok ma Natan muse so'un da'di mane Israel. Basa ndia soona, emi muse fuu pupuu ka ma eki mae, ‘So'dak ba'eneu Mane Salomo!’

1RAJA-RAJA 1:34 Referans Kwoze

1RAJA-RAJA 1:25

Faik ia boe, ana tunu-hotu basa bi'ilopo, sapi manem-ma sapi ana maao makadotok so. Ana ka'i basa Ama Manek ana manen-nala so. Boeo basa Ama Manek malanga solda'du matuainan-nala, ma Imam Abyatar ra. Besak ia ala feta loon, ma ala eki ma lae, ‘So'dak ba'eneu Mane Adonia!’

2 SEMUEL 15:10

Tehu beita neu fa te, nadenu hataholi neni hala heheluk fe basa leo Israel-la nae, “Metema emi mamanene pupuuk-ka liin-na soona, maloo bou-bou leon mae, ‘Absalom da'di manek nai Hebron so!’ ”

SEMUEL SUSULAK-KA ESAN-NA 10:1

Basa boema, Semuel ho'i-na kete mina setun-na, de ana po'a mina ndia neu Saul langan lain, ma ana de'in, boema nafa'da nae, “Manetualain ndo ei basa o da'di manek neu Ndia anan Israel so. Neukose o paleta anan-nala, ma masulu-mahapas leme musun-nala mai. Ta'du-tanan nde ia, nae Manetualain hele basa o da'di manek neu anan-nala:

2RAJA-RAJA 11:12

Basa ndia boema, Yoyada no Yoas leo deak leu, boema ana tao ti'ilanga manek-ka neu Yoas langan lain, ma ana fen Manetualain susula Hoholo-lananen. Yoas nanandoo eik da'di leo manek, de ala po'a-benga dede'ak ndia, neu laun-na. Basa-basas totoko liman-nala, ma eeki-latadale lae, “So'dak ba'eneu manek-ka!”

2RAJA-RAJA 9:13

No lai-laik, Yehu nonoon-nala, ala o'du heni ba'du manalun-nala, de ala belan neu e'dahuuk-ka, nai Yehu matan-na. Boema, ala puu pupuuk-ka, ma ala eki lae, “Yehu da'di manek!”

2RAJA-RAJA 9:3

fo po'a mina ia neu langan lain, soona mafa'da mae, ‘Manetualain nafa'da nae Ana so'u o, da'di mane Israel.’ O tao basan soona, lai-lai la'o leona.”

1RAJA-RAJA 19:16

Tao leondiak boe neu Yehu fo Nimsi anan-na, fo ela ana da'di mane Israel, ma neu Elisa fo Safat neme Abel-Mehola anan-na, fo ela ana da'di nabi nggati o.

2 SEMUEL 5:3

Dauk tao hehelu-balataak no mauli-malangan Israel sila-la neme Hebron, boema ala ndo ein da'di mane Israel.

SEMUEL SUSULAK-KA ESAN-NA 16:3

Boema ka'i Isai, fo neu leo feta tutunu-hohotuk ndia neu. Mahani te, Au sanga afa'da o, hata fo neukose o muse tao-no'in. Hataholi fo Au atu'dun neu o ndia, muse o ndo ein da'di manek.

2RAJA-RAJA 11:14

Ana mete nita, mane beuk ndia, napadeik nai lelesu manaleo Manetualain Uman neu, fo nai mamanak fo, ndia nanandoo eik-ka, de malanga solda'du manai lain-nala, ma manapuu pupuuk-kala, okofefeo-lan. Basa laun-na lala'en-na, eeki-latadale no namahoko-seteleek, ma ala puu pupuuk-kala. No dalek fo ta manatesa-tamak fa, Atalya sii-sii lulu'i bua papaken-na, boema ana nggasi ma nae, “Malelesik! Malelesik!”

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

YESAYA 45:1

Manetualain hele basa Kores da'di manek so; Kores nananatu'duk, soaneu ana sengi leoinak-kala ma soaneu, helu la'di manek-kala koasan-na. Neukose Manetualain soiheni kota lelesuinan-nala ba'eneun, ta ela esa boen, fo nanakenak fa. Manetualain nafa'dan nae,

MAZMUR 89:36

La'i esa losa dodoon-na, Au soo-supa nenik Au na'de malalao-malalafung-nga; neukose Au ta asapepeko-asandandali neu Dauk fa.

MAZMUR 89:20

Makahulun eli, fo nai ninitak esa dalek, O mafa'da neu O atam fo, manalilinekak mae, “Au tulu-fali basa palani tatibatu esa so, Au hele hataholi esa neme laun-na mai, de Au tao amadedeman so.

MAZMUR 45:7

Manetualain fe o koasa soaneu paleta, o koasam-ma nakatatakak losa dodoon-na; no ndoos ma matetuk, o paleta o laum-ma.

2TAWARIKH 23:11

Basa ndia boema Yoyada noo Yoas leo deak neu, boema ana tao ti'ilanga manek-ka neu langan lain, ma ana fen Manetualain susula Hoholo-lalanen. Boema Yoas nanandoo eik da'di manek. Basa boema Yoyada no anan-nala po'a mina soso'u manek-ka neu Yoas, boema basa laun-na laloo bee bou lae, “So'da-molek ba'eneu manek-ka!”

2RAJA-RAJA 9:6

Basa boema, duas leu leo uma dale leu, de nabi muli-soluk ndia, ana po'a mina setun-na neu Yehu langan lain, boema nafa'da nae, “Amak, fo Israel Manetualain-na, nafa'da nae, ‘Au so'u o da'di manek, neu Au anang Israel.

2 SEMUEL 2:4

Basa boema, hataholi Yehuda-la mai leo Hebron mai, de ala ndo-ei Dauk da'di manek neu Yehuda. Lelek Dauk namanene, lae hataholi Yabesh manai Gilead-tala, latoi heni Saul popolan-na so boema,

SEMUEL SUSULAK-KA ESAN-NA 10:24

Basa boema, Semuel nafa'da laun-nala nae, “Manetualain, hele hataholi-a nde ia, ta hapu hataholi nai ita dalek, sama-na leo hataholi ndia fa.” Leoina ndia lala'en-na, ala eki ma lae, “So'dak soaneu manek-ka!”

1RAJA-RAJA 1:35

Basa soona, la'ok benongo moon fali leo ia mai fo nangatuu au kandela mane nga, nanahu ndia nde au hele basan da'di manek nggati au fo ana paleta Israel ma Yehuda.”

1RAJA-RAJA 1:39

Basa boema Zadok ho'i na mamana mina setun fo nenin neme Manetualain Lalaa teman-na mai, boema ana ndo Salomo ein-na nenik mina ndia. Pupuu ka nanapuuk boema basa hataholi manai sila-la ala eki lae, “So'dak ba'eneu Mane Salomo!”