رومیلار 9:23 - مُقادِّس کیتاب

²³ خودای اُزونینگ اُنگدِن بِییکلیک اوچین تاییارلاپ، مِرحِمِت اِدِنلِرینه اُز اولی بِییکلیگینی بیلدیرمِک اوچین شِیله صابیر-طاقاتلی بُلیاندیر.‏

رومیلار 9:23 Referans Kwoze

رومیلار 2:4

یا-دا سِن خودایینگ اولی رِحم-شِپاقاتینا، یاخشیلیغینا، صابیر-طاقادینا اَهمییِتسیز حاساپلایارسینگمی؟ اُنونگ رِحمینینگ سِنی توبا طارافا اِلتیَندیگینه دوشونمِیَرسینگمی نَمه؟

اِفِسُسلار 3:16

قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین.‏

اِفِسُسلار 2:10

سِبَبی خودای بیزی عیسی مسیحینگ اوستو بیلِن یاراتدی.‏ اُل بیزی اُوالدان تاییارلاپ قُیان یاخشی ایشلِرینی اِتمِگیمیز اوچین یاراتدی.‏

۲ تیموتاوس 2:21

ایماندارلار باباتدا هِم شِیله:‏ اُزونی هِر تویسلی یامانلیقدان ساقلایان ایماندار آیراتین سایلانیلیپ، آقاسی اوچین یارایان مُقادِّس قاپ کیمین بُلار.‏ اُل ایسلِندیک یاخشی ایشلِر اوچین تاییاردیر.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

اِفِسُسلار 2:7

اُل مونی عیسی مسیحینگ اوستو بیلِن بیزه اِدِن مِرحِمِتینینگ و یاخشیلیغینینگ اِندازاسیز بایلیغینی گِلجِک زاماندا گُرکِزمِک اوچین اِتدی.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

رومیلار 8:29

چونکی خودای اُلاری اُووندِن سایلاپ-سِچدی و ‏«‏مِنینگ اُغلوما مِنگزِسینلِر»‏ دییّپ، اُنگدِن بِلَّپ قُیدی.‏ اُل مونی عیسی مسیحینگ کَن اِرکِک و آیال دُغانلارینینگ آراسیندا باشداقی بُلماغی اوچین عِمِل اِتدی.‏

لوقا 1:17

اُل اِلیاس پیغامبارینگ روحی و قودراتی بیلِن مسیحینگ اُوونده یُریپ آتالارینگ یورِکلِرینی اُغول‍لارا و موطیع‌سیزلاری تاقوالیلارینگ حِکمِتینه طارافا اُوریپ خودایا لاییق خالقی تاییارلار.‏»‏

کولُسیلِر 1:12

نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ.‏

اِفِسُسلار 3:8

مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی.‏

رِسول‍لار 9:15

اِمّا تانگری اُنگا:‏ ‏«‏بار، یُلا دوش!‏ بو آدام مِنینگ سایلاپ سِچِنیمدیر.‏ اُل باشغا میلِّتلِرینگ، پادیشاهلارینگ و اسرائیل خالقینینگ اُوونده مِنینگ آدیمی اِعلان اِدِر.‏

رومیلار 8:30

خودای اُنگدِن بِلَّنلِرینی چاغیردی، چاغیرانلارینی آقلادی و آقلانلارینی بِییکلیگَه گِییندیردی.‏