رومیلار 8:30 - مُقادِّس کیتاب

³⁰ خودای اُنگدِن بِلَّنلِرینی چاغیردی، چاغیرانلارینی آقلادی و آقلانلارینی بِییکلیگَه گِییندیردی.‏

رومیلار 8:30 Referans Kwoze

آیانلیق 17:14

اُلار قوزی بیلِن اوروشارلار، یُنه قوزی اُلاری یِنگِر.‏ چونکی قوزی تانگریلارینگ تانگریسی و پادیشاهلارینگ پادیشاهسیدیر.‏ اُنونگ چاغیرانلاری، سایلانلاری و وِفادارلاری اُنونگ بیلِن بُلارلار.‏»‏

رومیلار 8:28

بیز خودایی سُییَنلِر و اُنونگ ماقصادینا گُرَه چاغیریلانلار اوچین هِمّه زاد پِیداسینا اِدیلیَندیگینی بیلیَریس.‏

اِفِسُسلار 1:11

هِمّه زادی اُز ایسلِگینه لاییقلیقدا یِرینه یِتیریَن خودای اُز نییِتینه گُرَه بیزی اُودِن بِلَّپ، مسیحینگ اوستو بیلِن سایلاپ-سِچدی.‏ اُل مونی بیزینگ، یَعنی عیسی مسیحه اَوَّلکی بُلوپ ایمان گِتیرِنلِرینگ خودایینگ جِلالینی عارشا گُتِرمِگیمیز اوچین عِمِل اِتدی.‏

عِبرانیلار 9:15

شو سِبَپلی هِم چاغیریلانلاری خودایینگ واعدا اِدِن اِبِدی میراثینا قاوشورماق اوچین، عیسی مسیح تَزه عَهدینگ بُنیادچیسی بُلدی.‏ اُلاری اَوَّلکی عَهد زاماندا اِدِن گونَه‌لِرینینگ جِزاسیندان آزاد اِتمِک اوچین اُل قربانی بُلدی.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

۱ قُرِنتُس‌لار 6:11

سیزینگ-ده کَبیرلِرینگیز اُزال شُلار یالیدینگیز.‏ یُنه سیز تانگریمیز عیسی مسیحینگ آدی بیلِن و خوداییمیزینگ روحونینگ اوستو بیلِن یووولدینگیز و خودایینگ تاقوالی خالقی بُلوپ، پَکلِندینگیز.‏

۱ پِطرُس 3:9

یامانلیغا یامانلیق، سِوِنه سِومِک بیلِن جُغاپ بِرمَنگ.‏ عُوِضینه، بِرِکِت دیلِمِک بیلِن جُغاپ بِرینگ، سِبَبی سیز بِرِکِتینگ میراثی بُلماق اوچین مونگا چاغیریلانسینگیز.‏

یوحنا 17:22

مانگا بِرِن بِییکلینگی اُلارا-دا بِردیم.‏ بیزینگ بیر بُلشومیز یالی، اُلار-دا بیر بُلسون.‏

۲ پِطرُس 1:10

شُنونگ اوچین هِم، اِی عزیزلِر، خودای طارافیندان چاغیریلاندیغینگیزی و سایلاناندیغینگیزی بِلّی اِتمَگه ایخلاص اِدینگ.‏ شِیله اِتسِنگیز، آصلا ایماندا بودریمِرسینگیز.‏

۱ قُرِنتُس‌لار 1:9

سیزی اُز اُغلی، تانگریمیز عیسی مسیح بیلِن قاتناشیقدا بُلماغا چاغیران خودای اِمیندیر.‏

۱ قُرِنتُس‌لار 1:2

خودایینگ مُقادِّسلیگینه چاغیرلیپ و عیسی مسیحده مُقادِّس خالقی اِدیلِن قُرِنتُس‌داقی کِلیساسینا دُغایی سالام.‏ شِیله-ده هِر یِرده هِم اُلارینگ هِم-ده بیزینگ تانگریمیز عیسی مسیحینگ آدینی توتیانلارینگ هِمّه‌سینه دُغایی سالام.‏

۲ تیموتاوس 2:11

اینه، شو سُزلِر خاص دُغری آیدیلان سُزلِردیر:‏ اُنونگ بیلِن بیله بیز اُلِن بُلساق، اُنونگ بیلِن بیله هِم یاشاجاقدیریس.‏

آیانلیق 19:9

اُنسُنگ پِریشده مانگا شِیله دییدی:‏ ‏«‏شولاری یاز:‏ قوزینینگ ضیافات طُویونا چاغیریلانلار خوشواقتدیر!‏»‏ اُل سُزونی دُوام اِدیپ:‏ ‏«‏اینه، بولار خودایینگ حاقیقی سُزلِریدیر»‏ دییدی.‏

یوحنا 17:24

اِی آتا، سِنینگ مانگا بِرِن اینسانلارینگ-دا مِنینگ بیلِن بیر یِرده بُلماقلارینی ایسلِیَرین.‏ شِیله هِم، دِگمه، اُلار مِنینگ بِییکلیگیمی و سِنینگ مانگا بِرِن بِییکلینگی گُرسونلِر.‏ چونکی سِن مِنی دونیَه یارادیلمازدان اُنگ سُییَردینگ.‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

کولُسیلِر 3:4

مسیح سیزینگ یاشاییشینگیزدیر.‏ اُل آیان بُلاندا، سیز هِم اُنونگ بیلِن بیله بِییکلیکدَه آیان بُلارسینگیز.‏

اِفِسُسلار 4:4

سیز بیر بِدِنه، بیر روحا شِریک بُلیارسینگیز، خودای هِمَّه‌نگیزی بیر اومیدا چاغیراندیر.‏

۲ قُرِنتُس‌لار 4:17

چونکی واقتلایین و یِنگیل قینچیلیقلاریمیز بیزه خاص عجاییپ، اولی و اِبِدی بِییکلیک قازاندیرار.‏ شُندا بو قینچیلیقلار اِدیل بُلمادیق یالی بُلار.‏

یوحنا 5:24

‏«‏سیزه دُغروسینی آیدیارین، مِنینگ سُزلِریمی دینگلَپ، مِنی ایبِرِنه ایمان گِتیرِن آدام اِبِدی یاشایشا اِیه بُلیاندیر، اُل آصلا مَحکوم بُلماز.‏ اُل اُلومدِن یاشایشا گِچِندیر.‏

اِفِسُسلار 2:6

هاووا، خودای بیزی مسیح بیلِن بیله دیرِلتدی و اُنونگ اوستو بیلِن بیزی آسمانداقی عالِمده اُتورتدی.‏

رومیلار 8:1

شِیلِلیکده، عیسی مسیحه دِگیشلی بُلانلار ایندی آصلا مَحکوم بُلماز.‏

رومیلار 1:6

سیز هِم عیسی مسیحه باغلی بُلماغا چاغیریلان شُل میلِّتلِرینگ آراسینداسینگیز.‏

رومیلار 11:29

چونکی خودای بِرِن ناغماتلارینی و اُز چاغیریشینی ایزینا قایتاریپ آلمایار.‏

۱ قُرِنتُس‌لار 2:7

بیز خودایینگ سیرلی و گوزگین ساقلانان حِکمِتینی آیدیاریس.‏ خودای بو حِکمِتی بیزینگ هِم اُنونگ بِییکلیگینَه شِریک بُلماغیمیز اوچین، اُنی دونیَه یارادیلمازدان اُنگ قارار اِدیپدی.‏

غَلاطیه‌لِر 1:6

مِن عیسی مسیحینگ مِرحِمِتی بیلِن سیزی چاغیران خودایدان بِیله تیز دَنیپ، باشغا بیر خوش خاباری قابول اِدیشینگیزه خاص حایران قالیارین.‏

غَلاطیه‌لِر 1:15

اِمّا خودای مِرحِمِت اِدیپ، مِنی اِنه‌دِن دُغماقام سایلاپ چاغیردی.‏ اُل خوش خاباری بیگانه میلِّتلِره واغیظ اِتمِگیم اوچین، مانگا اُز اُغلونی اَشکَر اِتمِگی دُغری بیلدی.‏ شُندا مِن هیچ کیمه ماصلاحاتلاشمادیم

غَلاطیه‌لِر 5:8

سیزی بو ایناندیرما چاغیریان خودایدان دَلدیر!‏

اِفِسُسلار 3:11

بو خودایینگ اُزال-باشدان بَری بَرنامه‌سی بُلوپ، اُنی تانگریمیز عیسی مسیحینگ اوستو بیلِن یِرینه یِتیردی.‏