رومیلار 8:29 - مُقادِّس کیتاب

²⁹ چونکی خودای اُلاری اُووندِن سایلاپ-سِچدی و ‏«‏مِنینگ اُغلوما مِنگزِسینلِر»‏ دییّپ، اُنگدِن بِلَّپ قُیدی.‏ اُل مونی عیسی مسیحینگ کَن اِرکِک و آیال دُغانلارینینگ آراسیندا باشداقی بُلماغی اوچین عِمِل اِتدی.‏

رومیلار 8:29 Referans Kwoze

اِفِسُسلار 1:11

هِمّه زادی اُز ایسلِگینه لاییقلیقدا یِرینه یِتیریَن خودای اُز نییِتینه گُرَه بیزی اُودِن بِلَّپ، مسیحینگ اوستو بیلِن سایلاپ-سِچدی.‏ اُل مونی بیزینگ، یَعنی عیسی مسیحه اَوَّلکی بُلوپ ایمان گِتیرِنلِرینگ خودایینگ جِلالینی عارشا گُتِرمِگیمیز اوچین عِمِل اِتدی.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

۱ پِطرُس 1:20

مسیح دونیَه یارادیلمازدان اُنگ بِلِّنِن هِم بُلسا، سیزینگ خاطیرانگیزا بو زامانلارینگ آخیریندا آیان بُلدی.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

۲ تیموتاوس 2:19

اِمّا هِر نَهیلی بُلسا-دا، خودایینگ توتان بُنیادی قاییم دوراندیر.‏ بو بُنیاد ‏«‏خودای اُزونینگکیلِری تانییاندیر»‏ و ‏«‏خودایینگ آدینی ایقرار اِدیَن هِر کِس یامانلیقدان اوزاق دورسون»‏ دییِن سُزلِر بیلِن مُهورلِنِندیر.‏

۱ قُرِنتُس‌لار 2:7

بیز خودایینگ سیرلی و گوزگین ساقلانان حِکمِتینی آیدیاریس.‏ خودای بو حِکمِتی بیزینگ هِم اُنونگ بِییکلیگینَه شِریک بُلماغیمیز اوچین، اُنی دونیَه یارادیلمازدان اُنگ قارار اِدیپدی.‏

۱ پِطرُس 1:2

سیز آتامیز خودایینگ اُنگدِن اِدِن قارارینا گُرَه سایلاندینگیز و مُقادِّس روحونگ اوستو بیلِن مُقادِّس خالق بُلدونگیز.‏ خودای مونی سیزینگ عیسی مسیحه موطیع بُلوپ، اُنونگ سِپیلِن قانی بیلِن پَکلِنمِگینگیز اوچین اِتدی.‏ بُلدان-بُل مِرحِمِت و پاراحاتلیق سیزه بُلسون.‏

۱ قُرِنتُس‌لار 15:49

بیز تُپراقدان یارادیلان اینسانا نَهیلی مِنگزَن بُلساق، آسماندان بُلانا هِم شِیله مِنگزَریس.‏

رومیلار 9:23

خودای اُزونینگ اُنگدِن بِییکلیک اوچین تاییارلاپ، مِرحِمِت اِدِنلِرینه اُز اولی بِییکلیگینی بیلدیرمِک اوچین شِیله صابیر-طاقاتلی بُلیاندیر.‏

۱ یوحنا 3:2

عزیزلِریم، بیز ایندی خودایینگ فِرزِنتلِریدیریس.‏ بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس.‏

۲ قُرِنتُس‌لار 3:18

بیز هِم یوزومیزی باسیرمان، خودایینگ بِییکلیگینینگ یالقیمینی گُریَریس.‏ خودایینگ روحی هِمَّه‌میزی گیتدیگیچه نورلاندیریپ، بیزی اُز صوراتینا اویتگِدیَر.‏

رومیلار 11:2

خودای اُزونینگ اُنگدِن سایلاپ-سِچِن خالقینی رِد اِدِنُق.‏ یا-دا مُقادِّس یازغیلاردا اِلیاس پیغامبار بارادا یازیلانلار یادینگیزدا دَلمی؟ اُل خودایا اسرائیل خالقی بارادا عارض اِدیپ، شِیله دییَّر:‏

یوحنا 17:16

مِنینگ بو دونیَه‌دِن بُلمایشیم یالی، اُلار-دا بو دونیَه‌دِن دَلدیرلِر.‏

فیلیپیلِر 3:21

سِبَبی عیسی مسیح بیزینگ اِجیز و اَهمییِتسیز بِدِنلِریمیزی اویدگِدیپ، اُز بِییک بِدِنینه مِنگزِدِر.‏ اُل مونی هِر زادی اُزونه موطیع اِتمِگی باشاریان گویجی بیلِن یِرینه یِتیرِر.‏

اِفِسُسلار 4:24

حاقیقی تاقوالیق و مُقادِّسلیک بیلِن خودای کیمین یارادیلان تَزه اینسانییِتلیگه گِین‍نینگ.‏

مَتّیٰ 12:50

آسمانداقی آتامینگ ایسلِگینی کیم بِرجای اِتسه، شُل مِنینگ دُغانیم، آیال دُغانیم هِم اِنه‌مدیر»‏ دییدی.‏

یوحنا 17:26

مانگا بُلان سُیگینگ اُلاردا-دا بُلسون، مِن هِم اُلاردا بُلایین دییّپ، سِنینگ آدینگی اُلارا تانیتدیم و تانیتماغی دُوام اِدِرین.‏»‏

رومیلار 13:14

اینسان هُوِسلِرینگیزی نَدیپ راضیلاندیرارقام دییّپ فیکرلِنمِنگ-ده، قایتام، تانگریمیز عیسی مسیحه گِیینینگ.‏

مَتّیٰ 7:23

شُندا مِن اُلارا:‏ ‏”‏اِی تِلِکه‌لیک اِدیَنلِر، مِن سیزی آصلا تانییامُق، یُق بُلونگ یانیمدان!‏“‏ دییّپ، آچیق آیدارین.‏

یوحنا 20:17

عیسی اُنگا:‏ ‏«‏مانگا قُلایلاشما، سِبَبی مِن هِنیز آتامینگ یانینا چیقامُق.‏ سِن دُغانلاریمینگ یانینا گیدیپ، اُلارا مِن آسمانا، آتامینگ و خوداییمینگ یانینا باریانیمی آیت.‏ اُل سیزینگ-ده آتانگیزدیر و خودایینگیزدیر»‏ دییدی.‏

یوحنا 17:19

اُلار اوچین، مِن اُزومی سانگا باغیش اِتیَم، شِیدیپ، اُلار هِم حاقیقات بیلِن اُزلِرینی سانگا باغیش اِدِرلِر.‏

مَتّیٰ 25:40

پادیشاه اُلارا:‏ ‏”‏سیزه دُغروسینی آیدیارین، مِنینگ بو اینگ کیچی حاساپلانیان دُغانلاریمدان بیرینه اِدِنینگیزی مانگا اِدِنسینگیز“‏ دییّپ جُغاپ بِردی.‏

مَتّیٰ 28:10

سُنگرا عیسی اُلارا:‏ ‏«‏قُرقمانگ!‏ بارینگ، دُغانلاریما آیدینگ، جلیلَه گیتسینلِر.‏ مِنی شُل یِرده گُرِرلِر»‏ دییدی.‏

۱ قُرِنتُس‌لار 8:3

اِمّا کیم خودایی سُییَن بُلسا، اُل خودای طارافیندان تانیلیاندیر.‏

کولُسیلِر 3:10

ایندی یارادانینگ صوراتینا مِنگزِمِکده و اُنی کَمیل تانیماقدا تَزه یارادیلیشا گِیینینگ.‏