رومیلار 8:28 - مُقادِّس کیتاب

²⁸ بیز خودایی سُییَنلِر و اُنونگ ماقصادینا گُرَه چاغیریلانلار اوچین هِمّه زاد پِیداسینا اِدیلیَندیگینی بیلیَریس.‏

رومیلار 8:28 Referans Kwoze

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

یعقوب 1:12

ایمتِحانا جیدایان آدام خوشواقتدیر، سِبَبی اُل ایمتِحاندان گِچِندِن سُنگ، یاشاییش تاجینی آلار.‏ خودای بو یاشاییش تاجینی اُنی سُیِنلِره واعدا بِردی.‏

۱ قُرِنتُس‌لار 2:9

اِمّا مُقادِّس یازغیلاردا یازیلیشی یالی:‏ ‏«‏خودایی سُییَنلِر اوچین اُنونگ تاییارلان زاتلارینی نه گُز گُروپدی، نه-ده قولاق اِشیدیپدی، نه-ده اینسان عاقیلی یِتیپدی.‏»‏

رومیلار 8:30

خودای اُنگدِن بِلَّنلِرینی چاغیردی، چاغیرانلارینی آقلادی و آقلانلارینی بِییکلیگَه گِییندیردی.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

۱ قُرِنتُس‌لار 1:9

سیزی اُز اُغلی، تانگریمیز عیسی مسیح بیلِن قاتناشیقدا بُلماغا چاغیران خودای اِمیندیر.‏

آیانلیق 3:19

مِن اُز سُییَنلِریمه کَییپ، اُلاری تِربیِتلِیَرین.‏ شُنونگ اوچین-ده، قایراتلی بُل و توبا اِت!‏

غَلاطیه‌لِر 1:15

اِمّا خودای مِرحِمِت اِدیپ، مِنی اِنه‌دِن دُغماقام سایلاپ چاغیردی.‏ اُل خوش خاباری بیگانه میلِّتلِره واغیظ اِتمِگیم اوچین، مانگا اُز اُغلونی اَشکَر اِتمِگی دُغری بیلدی.‏ شُندا مِن هیچ کیمه ماصلاحاتلاشمادیم

مَرقُس 12:30

تانگری خودایینگیزی هِمّه یورِگینگیز، هِمّه جان-تِنینگیز، بار دوشونجَنگیز و هِمّه گویجونگیز بیلِن سُیونگ.‏

اِفِسُسلار 3:11

بو خودایینگ اُزال-باشدان بَری بَرنامه‌سی بُلوپ، اُنی تانگریمیز عیسی مسیحینگ اوستو بیلِن یِرینه یِتیردی.‏

یعقوب 2:5

قولاق آسینگ، اِی عزیزلِریم!‏ خودای بو دونیَه‌ده قاریپلاری ایماندا بای بُلماقلاری اوچین سایلامادیمی؟ خودای اُزونی سُییَنلِره واعدا بِرشی یالی، قاریپلاری پادیشاهلیغینی میراث آلماقلاری اوچین سایلامادیمی نَمه؟

۱ یوحنا 4:19

بیز خودایی سُییَریس، سِبَبی اَوَّل اُل بیزی سُیدی.‏

۲ تیموتاوس 2:19

اِمّا هِر نَهیلی بُلسا-دا، خودایینگ توتان بُنیادی قاییم دوراندیر.‏ بو بُنیاد ‏«‏خودای اُزونینگکیلِری تانییاندیر»‏ و ‏«‏خودایینگ آدینی ایقرار اِدیَن هِر کِس یامانلیقدان اوزاق دورسون»‏ دییِن سُزلِر بیلِن مُهورلِنِندیر.‏

۱ یوحنا 4:10

بیز خودایی دَل-ده، اَوَّل خودای بیزی سُیدی.‏ اُل بیزینگ گونَه‌لِریمیزی پَکلِمِک اوچین، اُز اُغلونی قربانلیق حُکمونده ایبِردی.‏ اینه، حاقیقی سُیگی شودور.‏

رومیلار 9:11

یُنه اِکیز فِرزِنتلِر هِنیز دُغولمانقا، هِنیز یامانلیق یا یاخشیلیق ایش اِتمَکَه، خودای رِبِکا ‏«‏اولوسی کیچیسینه خیدمات اِدِر»‏ دییّپ آیدیپدی.‏ بو سُزلِر سایلانیپ-سِچیلمَنینگ اینسان ایشلِرینه دَل-ده، دینگه چاغیرانا باغلیدیغینی معلیم اِتمِک اوچین آیدیلیپدی.‏

۲ قُرِنتُس‌لار 5:1

بیزینگ ایندی یاشایان فانی چادیریمیز، یَعنی بِدِنیمیز هِر هاچان وِیران بُلسا-دا، آسماندا اِل بیلِن بِجِریلمِدیک، خودایینگ بِلَّن اِبِدی مِسکِنیمیزینگ باردیغینی بیلیَریس.‏

غَلاطیه‌لِر 5:8

سیزی بو ایناندیرما چاغیریان خودایدان دَلدیر!‏

رِسول‍لار 13:48

میلِّتلِر مونی اِشیدِنلِرینده شاتلانیپ، خودایینگ سُزونَه اولی حُرمات قُیدولار.‏ شِیلِلیکده، اِبِدی یاشاییش اوچین سایلانانلارینگ هِمّه‌سی ایمان گِتیردیلِر.‏

رومیلار 11:29

چونکی خودای بِرِن ناغماتلارینی و اُز چاغیریشینی ایزینا قایتاریپ آلمایار.‏

۱ قُرِنتُس‌لار 1:2

خودایینگ مُقادِّسلیگینه چاغیرلیپ و عیسی مسیحده مُقادِّس خالقی اِدیلِن قُرِنتُس‌داقی کِلیساسینا دُغایی سالام.‏ شِیله-ده هِر یِرده هِم اُلارینگ هِم-ده بیزینگ تانگریمیز عیسی مسیحینگ آدینی توتیانلارینگ هِمّه‌سینه دُغایی سالام.‏

۱ قُرِنتُس‌لار 1:24

اِمّا چاغیریلانلار اوچین:‏ یَهودی بُلسا یا یونانی بُلسا مسیح خودایینگ قودراتی و حِکمِتیدیر.‏

غَلاطیه‌لِر 1:6

مِن عیسی مسیحینگ مِرحِمِتی بیلِن سیزی چاغیران خودایدان بِیله تیز دَنیپ، باشغا بیر خوش خاباری قابول اِدیشینگیزه خاص حایران قالیارین.‏

اِفِسُسلار 4:1

عیسی مسیحینگ اوغروندا زینداندا بُلان مِن سیزدِن خودایدان آلان چاغیریلیشینگیزا میناسیپ یاشاماغینگیزی خاییش اِدیَرین.‏

فیلیپیلِر 3:14

مِن خودایینگ عیسی مسیحده آسمانداقی یاشایشا چاغیریان بایراغینی آلماق اوچین، ماقصادیما طاراف تاقالّا اِدیپ یُرتیارین.‏

عِبرانیلار 9:15

شو سِبَپلی هِم چاغیریلانلاری خودایینگ واعدا اِدِن اِبِدی میراثینا قاوشورماق اوچین، عیسی مسیح تَزه عَهدینگ بُنیادچیسی بُلدی.‏ اُلاری اَوَّلکی عَهد زاماندا اِدِن گونَه‌لِرینینگ جِزاسیندان آزاد اِتمِک اوچین اُل قربانی بُلدی.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

۱ پِطرُس 3:9

یامانلیغا یامانلیق، سِوِنه سِومِک بیلِن جُغاپ بِرمَنگ.‏ عُوِضینه، بِرِکِت دیلِمِک بیلِن جُغاپ بِرینگ، سِبَبی سیز بِرِکِتینگ میراثی بُلماق اوچین مونگا چاغیریلانسینگیز.‏