رومیلار 8:25 - مُقادِّس کیتاب

²⁵ اِگِر بیز گُرمِیَن زادیمیزا اومید باغلاساق، اُندا صابیرلیق بیلِن قاراشیاندیریس.‏

رومیلار 8:25 Referans Kwoze

رومیلار 12:12

اومیدینگیزینگ باردیغینا بِگِنینگ، قینچیلیقلارا جیداملی بُلونگ و دُغا-دا قاییم دورونگ.‏

عِبرانیلار 10:36

صابیر-طاقاتلی بُلوپ، خودایینگ اِراداسینی بِرجای اِدینگ، شُندا خودایینگ واعداسینا قاوشارسینگیز.‏

۱ تِسالونیکیلِر 1:3

ایمانینگ حاصیلی بُلان ایشینگیزی، سُیگودِن عِمِله گِلِن زَحمِتینگیزی، تانگریمیز عیسی مسیحه باغلان اومیدینگیزدان دُرَن جیدامینگیزی آتامیز خودایینگ اُوونده بیرسیخلی یادلایاریس.‏

کولُسیلِر 1:11

قُی، اُل سیزی بِییک قودراتی بیلِن قوواتلاندیرسین.‏ سیزینگ صابیر-طاقاتلی بُلوپ، هِمّه زادا جیداماغینیز اوچین گویچ-قووات بِرسین.‏

لوقا 21:19

جیداپ دورونگ، شُندا جانینگیزی نِجات بِرِرسینگیز.‏

۲ تِسالونیکیلِر 3:5

قُی، تانگری عیسی یورِکلِرینگیزی خودایی سُیمَگه و مسیحه صادیق بُلماغا دُغری یُلا سالسین.‏

رومیلار 8:23

دینگه بیر یارادیلیش دَل-ده، شِیله بُلسا خودایینگ روحونونگ اَوَّلکی میوه‌سی بُلان بیز هِم ایچیمیزده آخی-ناله چِکیَریس.‏ سِبَبی بیز اُزومیزینگ اُغولّیغا آلنیپ، بِدِنیمیزینگ چویریمِدِن آزاد اِدیلمِگینه صابیرسیزلیق بیلِن قاراشیاریس.‏

آیانلیق 1:9

عیسی مسیحینگ شَگیردی حُکمونده عاذاپلارا، خودایینگ پادیشاهلیغینا و جیداملیلیغا شِریکینگیز بُلان مِن یوحنا دُغانینگیز پاتموس دییِن جِزیره‌دِدیم.‏ مِن خودایینگ سُزینی واغیظ اِدیپ و عیسی مسیح حاقدا شاهاتلیق اِدِنیم سِبَپلی بو جِزیره تَبعید اِدیلیپدیم.‏

عِبرانیلار 6:12

یالتالیغا یوز اورمانگ، قایتام، ایمان هِم صابیر-طاقاتینگ اوستو بیلِن خودایینگ واعدالارینی میراث آلانلاردان نِمونه آلینگ.‏

رومیلار 2:7

خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.‏

لوقا 8:15

قاوی یِره سِپیلِنلِر بُلسا، سُزی اِشیدیپ، اُنی یاخشی هِم پَک یورِکده ساقلایانلاردیر.‏ اُلار صابیرلیلیق بیلِن میوه بِریَندیرلِر.‏

آیانلیق 14:12

شُنگا گُرَه-ده، خودایینگ حُکوملِرینی بِرجای اِدیپ، عیسی مسیحه وِفادار بُلوپ قالیانلار صابیرلی بُلمالیدیر.‏

آیانلیق 13:10

اِگِر بیری اِسیر اِدیلمِلی بُلسا، اِسیر اِدیلِر.‏ اِگِر بیری قیلیچدان اُلمِلی بُلسا، قیلیچدان اُلِر.‏ خودایینگ خالقینینگ صابیرلیغی و وِفادارلیغی، اینه، شو یِرده گِرِکدیر.‏

عِبرانیلار 6:15

شِیلِلیکده، ابراهیم صابیر-طاقات بیلِن قاراشیپ، بِرلِن واعدا یِتدی.‏