رومیلار 8:2 - مُقادِّس کیتاب

² سِبَبی یاشاییش بِریَن روحونگ قانونی بیزی عیسی مسیحینگ اوستو بیلِن گونَه‌نینگ و اُلومینگ قانونیندان آزاد اِتدی.‏

رومیلار 8:2 Referans Kwoze

رومیلار 6:14

شُندا گونَه سیزه اُز حُکومینی یُریتمِز، سِبَبی سیز شِریغاتینگ ایختییاریندا دَل-ده، مِرحِمِتینگ ایختییارینداسینگیز.‏

۲ قُرِنتُس‌لار 3:17

خودای روحدیر و خودایینگ روحی نیرِده بُلسا، آزادلیق هِم شُل یِردِدیر.‏

رومیلار 6:18

گونَه‌نینگ ایختییاریندان آزاد اِدیلیپ، تاقوالیغینگ قول‍لاری بُلدونگیز.‏

۲ قُرِنتُس‌لار 3:6

اُل بیزه تَزه عَهدینگ خیدماتچیلاری بُلماق باشارجاغینی بِردی.‏ بو عَهد یازیلان شِریغاتینگ اوستو بیلِن دَل-ده، مُقادِّس روحونگ اوستو بیلِن قاییملاناندیر.‏ چونکی یازیلان شِریغات اُلومه اِلتیَر، اِمّا مُقادِّس روح بُلسا یاشاییش بِریَر.‏

۱ قُرِنتُس‌لار 15:45

چونکی مُقادِّس یازغیلاردا شِیله یازیلاندیر:‏ ‏«‏اَوَّلکی اینسان، یَعنی آدام، جانلی یاشایان بُلدی»‏.‏ آخیرقی آدام، یَعنی عیسی، یاشاییش بِریَن روح بُلدی.‏

یوحنا 8:36

شُنونگ اوچین هِم اُغول سیزی آزاد اِتسه، سیز، حاقیقاتدان هِم، آزاد بُلارسینگیز.‏

یوحنا 8:32

سیز حاقیقاتی بیلِرسینگیز، حاقیقات-دا سیزی آزاد اِدِر»‏ دییدی.‏

رومیلار 7:4

اِی عزیزلِریم، سیز باباتدا هِم شِیلِدیر.‏ سیز عیسی مسیحینگ اُلومینینگ اوستو بیلِن شِریغات اوچین اُلوسینگیز.‏ خودایا یاخشی ایشلِرینگیزینگ حاصیلینی گِتیرِر یالی، سیز ایندی باشغا بیرینه، یَعنی اُلومدِن دیرِلِن عیسی مسیحه باغلیسینگیز.‏

رومیلار 6:22

یُنه ایندی گونَه‌نینگ ایختییاریندان آزاد اِدیلیپ، خودایینگ قولی بُلدونگیز.‏ مونونگ نِتیجه‌سی مُقادِّس یاشاماقلیق، سُنگی بُلسا اِبِدی یاشاییشدیر.‏

یوحنا 6:63

یاشاییش بِریَن روحدیر، اینسان گویجونینگ پِیداسی یُقدور.‏ مِنینگ سیزه آیدیان سُزلِریم مُقادِّس روحداندیر و یاشاییش بِریَندیر.‏

یوحنا 4:14

اِمّا مِنینگ بِرجِک سووومدان ایچِن آصلا سوساماز.‏ تِرسینه، مِنینگ بِرجِک سوووم اُنونگ ایچینده اِبِدیلیک یاشاییش بِریَن چِشمَه اُورولِر»‏ دییدی.‏

یوحنا 4:10

عیسی اُنگا:‏ ‏«‏سِن خودایینگ ناغماتینی و اُزونگدِن سو دیلَنینگ کیمدیگینی بیلسِدینگ، اُزونگ اُندان سو دیلَردینگ، اُل-دا سانگا یاشاییش سووونی بِرِردی»‏ دییدی.‏

غَلاطیه‌لِر 5:1

عیسی مسیح بیزی آزاد بُلماق اوچین آزاد اِتدی.‏ شُنونگ اوچین-ده قاییم دورونگ، بِنده‌چیلیک یوغونی قایتادان بُیونا سالدیرمانگ.‏

غَلاطیه‌لِر 2:19

شِریغاتینگ اُزی مِنی اُلومه مَحکوم اِتدی.‏ شُنگا گُرَه-ده، مِن شِریغات اوچین اُلی بُلوپ، ایندی خودای اوچین یاشایاندیرین.‏

رومیلار 5:21

اُزال گونَه حُکومرانلیق سوروپ، هِمّه‌لِری اُلوم طارافا اَکیتیَردی، ایندی بُلسا خودایینگ مِرحِمِتی حُکومرانلیق سوریَر.‏ شُنگا گُرَه-ده، بیز آقلانیپ، تانگریمیز عیسی مسیحینگ اوستو بیلِن اِبِدی یاشاییشا اِیه بُلدوق.‏

رومیلار 7:21

شِیلِلیکده، مِن دورموشدا شِیله قانونینگ باردیغینی بیلدیم:‏ قاوی ایشی اِتمِکچی بُلان واقتیمدا، مِنده یامانلیق حَضیر بُلیار.‏

آیانلیق 22:1

سُنگرا پِریشده مانگا بُلور یالی ییلدارایان آرنانی گُرکِزدی.‏ بو آرنادا یاشاییش سووی آقیاردی و خودایینگ و قوزینینگ تاختیندان چیقیپ دُکولیَردی.‏

رومیلار 3:27

ایندی قووانماغا باهانامیز قالدیمی نَمه؟ آصلا قالان دَلدیر!‏ بو هایسی شِریغاتا گُرَه شِیله بُلدی؟ تابشیریقلاری بِرجای اِدیلمِلی شِریغاتا گُرَمی؟ یُق، ایمان شِریغاتینا گُرَه شِیله بُلدی.‏

آیانلیق 11:11

اِمّا اوچ گون یاریمدان سُنگ خودایینگ دیریلیک دِمی اُلارینگ بِدِنینه گیریپ، اُلار آیاغا قالدیلار.‏ مونی گُرِنلِری اولی قُرقی قاپلاپ آلدی.‏

رومیلار 7:23

بِدِنیمینگ ‌اعضالاری شُل قانونا ماییل بُلیاندیغینی گُریَرین.‏ بو قانون مِنینگ دوشونجَمدَکی قانونا قارشی اوروشیپ، بِدِنیمدَکی ‌اعضالاری گونَه قانونسینا مِنی اِسیر اِدیَر.‏

رومیلار 8:1

شِیلِلیکده، عیسی مسیحه دِگیشلی بُلانلار ایندی آصلا مَحکوم بُلماز.‏

رومیلار 16:3

عیسی مسیحده خیدمات اِدیَن هِمکَرلِریم پریسکیلا و آکیلا سالام آیدینگ.‏

غَلاطیه‌لِر 6:2

بیری-بیرینگیزه حِمایاتچی بُلونگ.‏ شِیله اِتسِنگیز، مسیحینگ یُلونی بِرجای اِتدیگینگیز بُلار.‏

یعقوب 1:25

اِمّا کیم آزادلیق بِریَن کَمیل شِریغاتا دیقّات بِریپ، اِشیدِنلِرینی یاددان چیقارمان، قایتام، اُنی قاوی عِمِل اِدیَن بُلسا، خودای اُنی هِر بیر اِدیَن ایشینده بِرِکِتلِر.‏