رومیلار 8:1 - مُقادِّس کیتاب

¹ شِیلِلیکده، عیسی مسیحه دِگیشلی بُلانلار ایندی آصلا مَحکوم بُلماز.‏

رومیلار 8:1 Referans Kwoze

۲ قُرِنتُس‌لار 5:17

شُنگا گُرَه-ده، کیم عیسی مسیحده بُلسا، اُل تَزه یارادیلیشدیر.‏ کُهنه زاتلار گِچیپ گیتدی، ایندی هِمّه زات تَزه بُلدی!‏

غَلاطیه‌لِر 3:13

مسیح شِریغاتینگ اِعلان اِدِن لَعنِتینی اُز اوستونه آلیپ، بیزی شُل شِریغاتینگ لَعنِتدِن آزاد اِتدی.‏ چونکی تُورات‌دا:‏ ‏«‏آغاچدان آسیلان هِر کِس لَعنِتلِنِندیر»‏ دییّپ یازیلاندیر.‏

رومیلار 5:1

شِیلِلیکده، بیز ایمانیمیز بیلِن آقلانیپ، تانگریمیز عیسی مسیحینگ اوستو بیلِن خودای بیلِن یاراشدیق.‏

۱ قُرِنتُس‌لار 1:30

چونکی سیز عیسی مسیح بیلِن دینگه خودایینگ اوستو بیلِن بیرلِشِنسینگیز.‏ عیسی مسیح بیزینگ اوچین خودایینگ حِکمِتینی، یَعنی تاقوالیغیمیز، مُقادِّسلیگیمیز و آزادلیغیمیز بُلدی.‏

رومیلار 8:34

بیزی کیم مَحکوم اِدیپ بیلِر؟ هیچ کیم، سِبَبی اُلوپ دیرِلِن عیسی مسیح خودایینگ ساغیندا اُتوریپ، بیزینگ اوچین تُوِلّا اِدیَر.‏

یوحنا 5:24

‏«‏سیزه دُغروسینی آیدیارین، مِنینگ سُزلِریمی دینگلَپ، مِنی ایبِرِنه ایمان گِتیرِن آدام اِبِدی یاشایشا اِیه بُلیاندیر، اُل آصلا مَحکوم بُلماز.‏ اُل اُلومدِن یاشایشا گِچِندیر.‏

یوحنا 15:4

مِنده یاشانگ، مِن هِم سیزده یاشایین.‏ اوزوم باغیندان آیریلان شاخا اُز-اُزوندِن میوه بِریپ بیلمِیشی یالی، مِندِن آیریلسانگیز، سیز هِم میوه بِریپ بیلمِرسینگیز.‏

فیلیپیلِر 3:9

مِن شِریغاتا دایانیان اُز تاقوالیغیما دَل، شِیله بُلسا مسیحه بُلان ایمانا دایانیان، ایمانینگ اوستو بیلِن خودایدان بُلان تاقوالیغا اِیه بُلاسیم گِلیَر.‏

رومیلار 8:14

سِبَبی خودایینگ روحونونگ طارافیندان هِدایت بُلیان آداملار خودایینگ فِرزِنتلِریدیر.‏

۱ قُرِنتُس‌لار 15:22

آدام آتانینگ نِسیل‍لِرینینگ هِمّه‌سی اُلیَر.‏ شونونگ یالی، عیسی مسیحه دِگیشلی بُلانلارینگ-دا هِمّه‌سی یاشایشا قاوشار.‏

غَلاطیه‌لِر 5:16

سیزه شونی آیداسیم گِلیَر:‏ مُقادِّس روحونگ اُغروندان یُرینگ.‏ شُندا سیز اینسان هُوِسلِرینی بِرجای اِتمِرسینگیز.‏

رومیلار 8:4

خودای مونی شِریغاتینگ عادالاتلی ایسلِگلِرینینگ بیزده بِرجای بُلماغی اوچین عِمِل اِتدی.‏ شونلوقدا، بیز ایندی اینسان هُوِسلِریمیزه گُرَه دَل-ده، روحا گُرَه یاشایاریس.‏

رومیلار 8:39

نه بِییکلیگینگ، نه-ده آشاقلیغینگ و یارادیلان زاتلارینگ بیرینینگ-ده بیزی تانگریمیز عیسی مسیحینگ اوستو بیلِن آیان بُلان خودایینگ سُیگوسیندِن آیریپ بیلمِجِکدیگینه قاتی اینانیارین.‏

غَلاطیه‌لِر 5:25

اِگِر مُقادِّس روحا گُرَه یاشایان بُلساق، اُندا روحا گُرَه-ده گِزِیلینگ.‏

غَلاطیه‌لِر 3:28

ایندی نه یَهودی، نه-ده یونانی، نه قول، نه-ده آزاد آدام، نه اِرکِک، نه-ده آیال بار، چونکی سیزینگ بارینگیز عیسی مسیحده بیرسینگیز.‏

یوحنا 14:20

شُل گون مِن آتامدادیغیما، سیز مِندِدیگینگیزه و مِن هِم سیزدِدیگیمه گُز یِتیرِرسینگیز.‏

رومیلار 7:20

اِگِر ایسلِمِیَنیمی اِدیَن بُلسام، اُندا اُنی ایندی مِن دَل-ده، ایچیمده مِسکِن توتان گونَه اِدیَندیر.‏

رومیلار 7:17

اِگِر شِیله بُلسا، اُندا اِدیَنلِریمی مِن دَل-ده، مِنده مِسکِن توتان گونَه اِدیَندیر.‏

۲ قُرِنتُس‌لار 12:2

مِن مسیحده بیر آدامی تانییارین، اُل اُن دُرت ییل موندان اُزال آسمانلارینگ اوچونجی آسمانینا اَکیدیلدی.‏ بو بُلوشی بِدِنده یا-دا بِدِندِن داشاردا بُلوپمی – بیلِمُق، مونی خودای بیلیَر.‏

رومیلار 16:7

مِنینگ بیلِن زینداندا بُلان قارینداشلاریم آندرونیکوس بیلِن یونیاسا سالام آیدینگ.‏ اُلار رِسول‍لارینگ آراسیندا آد-آبرای قازانیپ، مسیحه مِندِن اُنگ ایمان گِتیریپدیلِر.‏

رومیلار 16:3

عیسی مسیحده خیدمات اِدیَن هِمکَرلِریم پریسکیلا و آکیلا سالام آیدینگ.‏

رومیلار 5:16

هاووا، خودایینگ ناغمات بِرِن مِرحِمِتی آدام آتانینگ گونَه‌سی یالی دَلدیر.‏ سِبَبی بیر گونَه جِزالاندیریلیپ، مَحکوم اِدیلمَه سِزاوار اِتدی.‏ اِمّا کَن گونَه‌لِردِن سُنگ ناغمات بِرلِن مِرحِمِت آقلانمانی گِتیردی.‏

رومیلار 8:2

سِبَبی یاشاییش بِریَن روحونگ قانونی بیزی عیسی مسیحینگ اوستو بیلِن گونَه‌نینگ و اُلومینگ قانونیندان آزاد اِتدی.‏

رومیلار 8:9

اِگِر خودایینگ روحی دُغرودان-دا قالبینگیزدا مِسکِن توتان بُلسا، سیز اینسان هُوِسلِرینینگ ایختییاریندا دَلسینگیز، سیز روحونگ ایختییارینداسینگیز.‏ کیمده مسیحینگ روحی بُلماسا، اُل مسیحه دِگیشلی دَلدیر.‏

رومیلار 8:11

اِگِر عیسی مسیحی اُلومدِن دیرِلدِنینگ روحی قالبینگیزدا یاشایان بُلسا، مسیحی اُلولِردِن دیرِلدِن خودای حتّیٰ فانی بِدِنلِرینگیزه-ده یاشاییش بِرِر.‏ اُل مونی سیزده یاشایان روحونینگ اوستو بیلِن اِدِر.‏

غَلاطیه‌لِر 3:26

سیزینگ بارینگیز عیسی مسیحه باغلی بُلوپ، اُنگا بُلان ایمانینگیزینگ اوستو بیلِن خودایینگ فِرزِنتلِریسینگیز.‏

اِفِسُسلار 1:1

خودایینگ اِراداسی بیلِن عیسی مسیحینگ رِسولی بُلان مِن پولسدِن اِفِسُسداقی مُقادِّسلِره، یَعنی عیسی مسیحده وِفادارلارا، دُغایی سالام!‏