رومیلار 7:5 - مُقادِّس کیتاب

⁵ بیز اینسان طِبیغاتیمیزا گُرَه یاشایارقاق، بو شِریغات بیزینگ بِدِن ‌اعضالاریمیزدا گونَه‌لی هُوِسلِری توروزیاردی.‏ بو هُوِسلِر بیزی گونَه‌لی ایشلِری قاوی گُرکِزدیریپ، اُلوم حاصیلی گِتیریَردی.‏

رومیلار 7:5 Referans Kwoze

اِفِسُسلار 2:3

بیر واقتلار بیزینگ هِمَّه‌میز شُلار یالی یاشاماغی عادات اِدیندیک.‏ بیز اینسان طِبیغاتینینگ هُوِسلِرینه، ایسلِگلِرینه و فیکرلِرینینگ ایزینا دوشدیک.‏ شِیلِلیکده، بیز-ده بِیلِکیلِر یالی، اینسان طِبیغاتیمیزا گُرَه، خودایینگ غاضابینا دوچار بُلان آداملاردیق.‏

غَلاطیه‌لِر 5:24

عیسی مسیحه باغلی بُلانلار اُز اینسان هُوِسلِرینی و ایسلِگلِرینی صلیبه چویلَندیرلِر.‏

غَلاطیه‌لِر 3:10

اِمّا هِمّه شِریغاتی بِرجای اِتمِلیدیپ فیکرلینیپ، اُنگا دایانیانلار لَعنِت آشاغیندادیر.‏ چونکی:‏ ‏«‏بو شِریغات کیتابینی تامام یِرینه یِتیرمِدیک آداما، قُی، لَعنِت بُلسون!‏»‏ دییّپ یازیلاندیر.‏

رومیلار 6:13

بِدِن ‌اعضالارینگیزی یامانلیق وِسیله‌سی حُکمونده گونَه‌نینگ ایختییارینا تابشیرمانگ.‏ تِرسینه، اُلومدِن دیرِلِن حُکمونده اُزونگیزی خودایا تابشیرینگ.‏ قُی، بِدِنینگیزینگ هِر بیر ‌اعضاسی خودایینگ دُغرولیق وِسیله‌سی بُلسون.‏

رومیلار 6:21

اُزال اِدِن ایشلِرینگیزدِن، یَعنی ایندی اوتانیان ایشلِرینگیزدِن نَمه پِیدا گُردونگیز؟ شِیله ایشلِرینگ سُنگی اُلومدیر.‏

۱ یوحنا 3:4

گونَه اِدیَن آدام شِریغاتی پُزیاندیر.‏ سِبَبی گونَه اِتمِک شِریغاتا قارشی چیقماق آخیری.‏

کولُسیلِر 3:5

شُنونگ اوچین هِم دونیِوی طِبیغاتینگیزا دِگیشلی بُلان آزماغی، زیناکَرلیگی، پَکسیزلیگی، حارام کِیپی، تِلِکه هُوِسلِری و بُت‌پَرَستلیک بیلِن دِنگ حاساپلانیان حِریصچیلیگی اُلدورینگ.‏

۱ قُرِنتُس‌لار 15:56

اُلومینگ زَهِرلی نیشی گونَه‌دیر و گونَه‌نینگ گویچ-قوواتی شِریغاتدیر.‏

یعقوب 4:1

آرانگیزداقی اوروشلار و داعوا-جِنجِل‍لِر نیرِدِن دُرِیَر؟ یورِگینگیزده جِنگ اِدیَن یامان هُوِسلِرینگیزدِن دَلمی؟

یعقوب 1:15

اُنسُنگ هُوِس گُورِلی بُلوپ، گونَه‌نی دُغوریار، گونَه هِم یِتیشیپ، اُلومی دُغوریاندیر.‏

تیتوس 3:3

بیز هِم دوشونجِسیز، موطیع‌سیز بُلوپ، یُلدان آزاشیپدیق، هِر هیلی هُوِسلِرینگ و کِیپی-صاپانینگ قول‍لارینا اُورولیپدیک، قاهارجانگدیق، باخیلدیق و بیری-بیریمیزدِن ییگرِنیَردیک.‏

اِفِسُسلار 2:11

شُنونگ اوچین، اِی یَهودی بُلمان دونیَه گِلِنلِر!‏ شونی یادینگیزا سالینگ، بِدِنده آدام اِلی بیلِن عِمِله گِلِن سونِّتلیلیک بیلِن سونِّتلی دییّپ آیدیانلارینگ طارافیندان سونِّتسیز دییلِن سیز.‏

رومیلار 7:23

بِدِنیمینگ ‌اعضالاری شُل قانونا ماییل بُلیاندیغینی گُریَرین.‏ بو قانون مِنینگ دوشونجَمدَکی قانونا قارشی اوروشیپ، بِدِنیمدَکی ‌اعضالاری گونَه قانونسینا مِنی اِسیر اِدیَر.‏

رومیلار 6:23

چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

رومیلار 6:19

سیزینگ اینسان ناتووانلیغینگیزی ناظارا آلیپ، سیزه سادا سُزلِر بیلِن آیدیارین:‏ سیز اُزال اُزونگیزی تِلِکه‌لیگه و گیتدیگیچه آرتیان یامانلیغینگ قولّوغینا تابشیریپدینگیز.‏ ایندی بُلسا اُزونگیزی مُقادِّس یاشاییشا اِلتیَن تاقوالیغینگ قولّوغینا تابشیرینگ.‏

رومیلار 5:20

گونَه‌نینگ اَشکَر بُلماغی اوچین، شِریغات آرا گیردی.‏ یُنه آداملار گونَه‌نی کَندِن-کَن اِتدیگیتچَه، خودایینگ مِرحِمِتی خاص-دا آرتدی.‏

رومیلار 4:15

سِبَبی بو شِریغاتینگ پُزولماغی خودایی غاضابلاندیریار.‏ اِمّا شِریغاتینگ بُلمادیق یِرینده شِریغاتی پُزماقلیق-دا یُقدور.‏

رومیلار 3:20

شِیلِلیکده، شِریغاتینگ تابشیریقلارینی بِرجای اِتمِگینگ اوستو بیلِن خودایینگ حوضوریندا هیچ کیم آقلانیپ بیلمِز.‏ تِرسینه، بو شِریغاتینگ اوستو بیلِن آدام اُزونینگ گونَه‌لیدیگینه قاوی بیلیَر.‏

رومیلار 1:26

هاووا، اُلار حاقیقاتی رِد اِدِنسُنگلار، خودای اُلاری اُزلِرینینگ اوتانچلی هُوِسلِرینه تابشیردی.‏ حتّیٰ آیال‍لاری هِم طِبیغی قاتناشیغینی رِد اِتدیلِر.‏ اُلار طِبیغی بُلمادیق قاتناشیقلارا یوز اوروپ، بیری-بیرلِری بیلِن یاتیپ توردیلار.‏

یوحنا 3:6

بِدِندِن دُغان بِدِندیر، روحدان دُغان روحدیر.‏

مَتّیٰ 15:19

آدامینگ یورِگیندِن تِلِکه فیکرلِر، قاتل‍لیق، زیناکَرلیک، آخلاقسیزلیق، اُغورلیق، یالان شاهاتلیق و تُهمِت چیقیاندیر.‏

۲ قُرِنتُس‌لار 10:3

بیز بو دونیَه‌ده یاشاساق-دا، دونیَه‌نینگ یُل‍لارینا گُرَه اوروشمایاریس.‏