رومیلار 7:23 - مُقادِّس کیتاب

²³ بِدِنیمینگ ‌اعضالاری شُل قانونا ماییل بُلیاندیغینی گُریَرین.‏ بو قانون مِنینگ دوشونجَمدَکی قانونا قارشی اوروشیپ، بِدِنیمدَکی ‌اعضالاری گونَه قانونسینا مِنی اِسیر اِدیَر.‏

رومیلار 7:23 Referans Kwoze

غَلاطیه‌لِر 5:17

چونکی اینسان هُوِسلِری مُقادِّس روحا قارشیدیر.‏ مُقادِّس روح هِم اینسان هُوِسلِرینه قارشیدیر.‏ اُلار بیری-بیری بیلِن هیچ اُنگوشمایارلار.‏ شُنونگ اوچین-ده، سیز اُز ایسلَن زادینگیزی اِدیپ بیلمِیَرسینگیز.‏

یعقوب 4:1

آرانگیزداقی اوروشلار و داعوا-جِنجِل‍لِر نیرِدِن دُرِیَر؟ یورِگینگیزده جِنگ اِدیَن یامان هُوِسلِرینگیزدِن دَلمی؟

رومیلار 8:2

سِبَبی یاشاییش بِریَن روحونگ قانونی بیزی عیسی مسیحینگ اوستو بیلِن گونَه‌نینگ و اُلومینگ قانونیندان آزاد اِتدی.‏

رومیلار 6:19

سیزینگ اینسان ناتووانلیغینگیزی ناظارا آلیپ، سیزه سادا سُزلِر بیلِن آیدیارین:‏ سیز اُزال اُزونگیزی تِلِکه‌لیگه و گیتدیگیچه آرتیان یامانلیغینگ قولّوغینا تابشیریپدینگیز.‏ ایندی بُلسا اُزونگیزی مُقادِّس یاشاییشا اِلتیَن تاقوالیغینگ قولّوغینا تابشیرینگ.‏

رومیلار 7:25

خودایا شوکور!‏ اُل بیزی تانگریمیز عیسی مسیحینگ اوستو بیلِن آزاد اِدِر!‏ شونلوقدا، دوشونجَم بیلِن خودایینگ شِریغاتینا قولّوق اِتسِم-ده، اینسان طِبیغاتیما گُرَه گونَه قانونینینگ قولودیرین.‏

۱ پِطرُس 2:11

عزیز دُستلار، روحونگیزا قارشی اوروشیان گونَه‌لی هُوِسلِردِن داش دورونگ دییّپ یالباریارین.‏ چونکی سیز بو دونیَه‌ده کِسِکی هِم بیگانه‌سینگیز.‏

عِبرانیلار 12:4

گونَهَه قارشی اوروشینگیزدا، سیز هِنیز قانینگیز دُکولیَنچَه جیداملیق گُرکِزمِدینگیز.‏

رومیلار 7:21

شِیلِلیکده، مِن دورموشدا شِیله قانونینگ باردیغینی بیلدیم:‏ قاوی ایشی اِتمِکچی بُلان واقتیمدا، مِنده یامانلیق حَضیر بُلیار.‏

رومیلار 7:5

بیز اینسان طِبیغاتیمیزا گُرَه یاشایارقاق، بو شِریغات بیزینگ بِدِن ‌اعضالاریمیزدا گونَه‌لی هُوِسلِری توروزیاردی.‏ بو هُوِسلِر بیزی گونَه‌لی ایشلِری قاوی گُرکِزدیریپ، اُلوم حاصیلی گِتیریَردی.‏

رومیلار 6:13

بِدِن ‌اعضالارینگیزی یامانلیق وِسیله‌سی حُکمونده گونَه‌نینگ ایختییارینا تابشیرمانگ.‏ تِرسینه، اُلومدِن دیرِلِن حُکمونده اُزونگیزی خودایا تابشیرینگ.‏ قُی، بِدِنینگیزینگ هِر بیر ‌اعضاسی خودایینگ دُغرولیق وِسیله‌سی بُلسون.‏

رومیلار 7:14

بیز شِریغاتینگ روحانیدیغینی بیلیَریس.‏ یُنه مِن نِفسانی بُلوپ گونَه‌نینگ قولی حُکمونده ساتیلاندیرین.‏

یعقوب 3:2

بیزینگ هِمَّه‌میز هِم کَن خاطا اِدیَریس.‏ اِمّا اِگِر بیری سُزونده خاطا اِتمَن، دیلینی ساقلاپ بیلیَن آدام بُلسا، کَمیل بُلوپ، هِمّه بِدِنینه ساقچیلیق اِدیپ بیلیَندیر.‏