رومیلار 6:3 - مُقادِّس کیتاب

³ یا-دا سیز تَعمید بِریلمِگینگ اوستو بیلِن عیسی مسیح بیلِن بیرلِشیپ، ایندی اُنونگ اُلومینه شِریک بُلیاندیغیمیزی بیلمِیَنگیزمی نَمه؟

رومیلار 6:3 Referans Kwoze

غَلاطیه‌لِر 3:27

چونکی عیسی مسیحینگ آدی بیلِن تَعمید بِرلِن سیزینگ بارینگیز ایندی اُنگا شایلانانسینگیز.‏

رومیلار 6:8

اِگِر بیز مسیح بیلِن اُلِن بُلساق، اُندا اُنونگ بیلِن یاشاجاقدیغیمیزا هِم اینانیاریس.‏

۱ قُرِنتُس‌لار 12:13

چونکی بیز کیم بُلساق-دا:‏ یَهودیمی، یَهودی دَلمی، قولمی، آزادمی – تَفاوُتی یُق، باریمیز بیر بِدِن بُلماق اوچین، بیر مُقادِّس روحا تَعمیدلِندیک.‏ بیزینگ باریمیز بیر مُقادِّس روحی قابول اِتدیک.‏

۱ پِطرُس 3:21

اینه، بو سو حَضیر سیزی نِجات بِریَن تَعمیدینگ نیشانیدیر.‏ سیز بِدِنینگیزینگ کیری یوولاندیغی اوچین دَل-ده، عیسی مسیحینگ دیرِلمِسینینگ اوستو بیلِن و پَک وِجدان بیلِن خودایا طاراف اُورولِندیگینگیز اوچین نِجات تاپدینگیز.‏

رِسول‍لار 2:38

پِطرُس اُلارا شِیله دییدی:‏ ‏«‏توبا اِدینگ، هِر بیرینگیز عیسی مسیحینگ آدی بیلِن تَعمید آلینگ.‏ شُندا سیزینگ گونَه‌لِرینگیز باغیشلانار و مُقادِّس روحونگ واعداسینی آلارسینگیز.‏

مَتّیٰ 28:19

شُنونگ اوچین هِم گیدینگ-ده، هِمّه میلِّتلِری مِنینگ شَگیردیم اِدینگ، اُلاری آتا، اُغول و مُقادِّس روحونگ آدیندان تَعمید بِرینگ.‏

یعقوب 4:4

اِی بیوِفالار، دونیَه بیلِن دُستلوق خودایا دوشمان بُلیاندیغینی بیلمِیَرسینگیزمی؟ کیم دونیَه بیلِن دُست بُلسا، خودایا دوشمان بُلیاندیر.‏

۱ قُرِنتُس‌لار 9:13

عیباداتخانادا خیدمات اِدیَنلِر اُز اییجِگینی عیباداتخانادان آلیارلار.‏ قربانلیق جاییندا خیدمات اِدیَنلِر-ده قربانلیق صاداقالاریندان پای آلیارلار.‏ بولاری اُزونگیز هِم بیلیَنسینگیز.‏

رومیلار 7:1

اِی عزیزلِر، سیزه شِریغاتی بیلیَن آداملار حُکمونده آیدیارین.‏ اُندا سیز بو شِریغاتینگ دینگه دیری آداما اُز حُکومینی یُرِدیَندیگینی بیلمِیَنگیزمی نَمه؟

رومیلار 6:16

اُندا سیز اُزونگیزی کیمینگ موطیع‌لیغینا تابشیرسانگیز، شُنونگ-دا قولونا اُورولیَندیگینگیزی بیلمِیَنگیزمی نَمه؟ اُلومه اِلتیَن گونَه‌نینگ قولی، یا-دا تاقوالیغا اِلتیَن موطیع‌لیغینگ قولی بُلوپ بیلِرسینگیز.‏

رِسول‍لار 19:5

اُلار مونی اِشیدیپ، تانگریمیز عیسانینگ آدینا تَعمید آلدیلار.‏

۱ قُرِنتُس‌لار 6:9

اُندا سیز، ظالیم آداملار خودایینگ پادیشاهلیغینی میراث آلماجاقدیغینی بیلمِیَرسینگیزمی نَمه؟ اُز-اُزونگیزی آلدامانگ!‏ نه آخلاقسیزلار، نه-ده بُت‌پَرَستلِر، نه زیناکَرلِر، نه-ده بیری-بیری بیلِن تِلِکه ایش اِدیَن اِرکِکلِر،

۱ قُرِنتُس‌لار 5:6

سیزینگ قابارماغینگیز هیچ قاوی دَلدیر.‏ شِیله بُلسا سیز آزاجیق خامیرمایانینگ هِمّه خامیری تورشودیاندیغینی بیلمِیَرسینگیزمی؟

رِسول‍لار 8:16

سِبَبی مُقادِّس روح هِنیز اُلارینگ هیچ بیرینینگ اوستونه اینمَندی، اُلار دینگه تانگریمیز عیسانینگ آدی بیلِن تَعمیدلِنیپدیلِر.‏

۲ قُرِنتُس‌لار 13:5

ایماندا قاییم دوروپ-دورمایانیلیغینگیزی بیلمِک اوچین، اُزونگیزی ایمتِحان اِدیپ گُرونگ.‏ اُندا سیز عیسی مسیحینگ آرانگیزدادیغینی بیلمِیَنگیزمی نَمه؟ یا-دا سیز ایمتِحاندان گِچمِیَنلِردِنمی؟

۱ قُرِنتُس‌لار 15:29

اِگِر دیرِلیش یُق بُلسا، اُلولِره دِرِک تَعمید آلانلار نَمه اِدِرکَه؟ اِگِر اُلولِر هیچ هاچان دیرِلمِجِک بُلسا، آداملار نَمه اوچین اُلارا دِرِک تَعمید آلیارقا؟

۱ قُرِنتُس‌لار 3:16

اُندا سیز اُزونگیزینگ خودایینگ عیباداتخاناسیدیغینگیزی و آرانگیزدا خودایینگ روحونینگ یاشایاندیغینی بیلمِیَرسینگیزمی نَمه؟

۱ قُرِنتُس‌لار 6:19

اُندا سیز اُز بِدِنینگیزینگ مُقادِّس روحونگ یاشایان عیباداتخاناسیدیغینی بیلمِیَرسینگیزمی؟ سیز بو روحی خودایدان آلدینگیز و سیز دینگه اُزونگیزینگکی دَلسینگیز.‏

۱ قُرِنتُس‌لار 9:24

یاریش مِیداندا یُرتیانلارینگ هِمّه‌سی یُرتسا-دا، بایراغی دینگه بیری آلیاندیغینی بیلمِیَنگیزمی؟ شُندا سیز-ده بایراق آلار یالی شِیله یُرتینگ.‏

۱ قُرِنتُس‌لار 10:2

اُلارینگ باری بولودا و دِریادا تَعمیدلِندیریپ، موسانینگ ایزینا دوشدولِر.‏