رومیلار 6:23 - مُقادِّس کیتاب

²³ چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

رومیلار 6:23 Referans Kwoze

یوحنا 3:36

اُغلا ایمان گِتیرِن آدام اِبِدی یاشایشا اِیه بُلیار، اِمّا ایمان گِتیرمِیَن اِبِدی یاشایشا قاووشماز، اُندان باشغا اُل خودایینگ غاضابینا دوچار بُلیار.‏»‏

رومیلار 5:12

بیر اینسان، یَعنی آدام آتانینگ اوستو بیلِن گونَه دونیَه گیردی و گونَه‌نینگ اوستو بیلِن اُلومینگ گِلمِگینه سِبَپ بُلدی.‏ اینسانلارینگ هِمّه‌سی گونَه‌لی بُلانی اوچین، اُلوم هِم اُلارینگ آراسیندا یایراپ باشلادی.‏

یعقوب 1:15

اُنسُنگ هُوِس گُورِلی بُلوپ، گونَه‌نی دُغوریار، گونَه هِم یِتیشیپ، اُلومی دُغوریاندیر.‏

یوحنا 6:40

اُغلی گُرِن و اُنگا ایمان گِتیرِن هِر بیر آدامینگ اِبِدی یاشایشا قاووشماغی آتامینگ ایسلِگیدیر.‏ مِن-ده بو آداملاری آخیرات گون قایتادان دیرِلدِرین.‏»‏

مَتّیٰ 25:46

بولار اِبِدی جِزا، دُغری آداملار بُلسا اِبِدی یاشایشا یِتِرلِر.‏»‏

یوحنا 5:24

‏«‏سیزه دُغروسینی آیدیارین، مِنینگ سُزلِریمی دینگلَپ، مِنی ایبِرِنه ایمان گِتیرِن آدام اِبِدی یاشایشا اِیه بُلیاندیر، اُل آصلا مَحکوم بُلماز.‏ اُل اُلومدِن یاشایشا گِچِندیر.‏

رومیلار 5:21

اُزال گونَه حُکومرانلیق سوروپ، هِمّه‌لِری اُلوم طارافا اَکیتیَردی، ایندی بُلسا خودایینگ مِرحِمِتی حُکومرانلیق سوریَر.‏ شُنگا گُرَه-ده، بیز آقلانیپ، تانگریمیز عیسی مسیحینگ اوستو بیلِن اِبِدی یاشاییشا اِیه بُلدوق.‏

رومیلار 2:7

خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.‏

یوحنا 10:28

مِن اُلارا اِبِدی یاشاییش بِریَرین.‏ اُلار آصلا هِلَک بُلماز، هیچ کیم اُلاری مِنینگ اِلیمدِن قاقیپ آلماز.‏

آیانلیق 21:8

اِمّا قُرقیانلارینگ، ایمانسیزلارینگ، فاسیقلارینگ، قاتل‍لارینگ، زیناکَرلِرینگ، جادوگَرلِرینگ، بُت‌پَرَستلِرینگ و هِمّه یالانچیلارینگ جایلاری یانیپ دوران کوکورت و اُدلی دِریاچا بُلار.‏ ایکینجی اُلوم، اینه، بودور.‏»‏

تیتوس 1:2

خودایینگ بو یُلی باقی یاشاییش اومیدینی بِریَر.‏ سُزونده آصلا یالان بُلمادیق خودای بو یاشایشی دونیَه یارادیلمازدان اُنگ واعدا بِریپ،

رومیلار 5:17

چونکی بیر آدامینگ گونَه‌سینینگ اوستو بیلِن و شُل آدامینگ اوستو بیلِن اُلوم حُکوم سوروپ باشلادی.‏ اِمّا خودایینگ اِندازاسیز مِرحِمِتی بیلِن آقلانما ناغماتینینگ بُلّوغینی آلانلارینگ باری ایندی بیر آدام، یَعنی عیسی مسیحینگ اوستو بیلِن اِبِدی یاشاییشدا حُکوم سورِرلِر.‏

رومیلار 6:16

اُندا سیز اُزونگیزی کیمینگ موطیع‌لیغینا تابشیرسانگیز، شُنونگ-دا قولونا اُورولیَندیگینگیزی بیلمِیَنگیزمی نَمه؟ اُلومه اِلتیَن گونَه‌نینگ قولی، یا-دا تاقوالیغا اِلتیَن موطیع‌لیغینگ قولی بُلوپ بیلِرسینگیز.‏

یوحنا 17:2

سِن اُغلا هِمّه اینسانلارینگ اوستوندِن ایختییار بِردینگ.‏ دِگمه، اُغول هِم سِنینگ اُنگا تابشیران هِمّه اینسانلارینگا اِبِدی یاشاییش بِرسین.‏

یوحنا 6:68

شمعون پِطرُس اُنگا:‏ ‏«‏آقام، بیز سِنی تِرک اِدیپ، باشغا کیمه بارایلی؟ اِبِدی یاشاییش سُزلِری دینگه سِنده بار آخیرین.‏

یوحنا 6:27

ضایالانیان اییمیت اوچین دَل-ده، اِبِدی یاشاییش بِریَن اییمیت اوچین ایخلاص اِدینگ، اُنی سیزه اینسان اُغلی بِرِر.‏ چونکی آتامیز خودایینگ اُزی بو ایشی اُنگا تابشیراندیر»‏ دییّپ جُغاپ بِردی.‏

۱ یوحنا 2:25

چونکی مسیح بیزه اِبِدی یاشایشی واعدا بِردی.‏

غَلاطیه‌لِر 3:10

اِمّا هِمّه شِریغاتی بِرجای اِتمِلیدیپ فیکرلینیپ، اُنگا دایانیانلار لَعنِت آشاغیندادیر.‏ چونکی:‏ ‏«‏بو شِریغات کیتابینی تامام یِرینه یِتیرمِدیک آداما، قُی، لَعنِت بُلسون!‏»‏ دییّپ یازیلاندیر.‏

یوحنا 4:14

اِمّا مِنینگ بِرجِک سووومدان ایچِن آصلا سوساماز.‏ تِرسینه، مِنینگ بِرجِک سوووم اُنونگ ایچینده اِبِدیلیک یاشاییش بِریَن چِشمَه اُورولِر»‏ دییدی.‏

یوحنا 4:36

اُراقچی هِم حاقینی آلیار، هِم-ده اِبِدی یاشاییش اوچین حاصیل ییغنایار.‏ شِیدیپ، اِکیَن-ده، اُریان-دا بیلِلیکده شاتلانیار.‏

رومیلار 1:32

اُلار خودایینگ عادالاتلی حُکمونه گُرَه شِیله ایشلِری اِدیَنلِرینگ اُلومه سِزاواردیغینی بیلسِلِر-ده، اُز اِدیَن ایشلِرینده اُوه گیدیَرلِر.‏ مونونگ بیلِن قاناغات اِتمَن، باشغالارینگ هِم شِیله اِتمِگینی دُغری بیلیَرلِر.‏

رومیلار 6:21

اُزال اِدِن ایشلِرینگیزدِن، یَعنی ایندی اوتانیان ایشلِرینگیزدِن نَمه پِیدا گُردونگیز؟ شِیله ایشلِرینگ سُنگی اُلومدیر.‏

رومیلار 8:6

اینسان هُوِسلِریندِن دُرِیَن فیکرلِر آدامی اُلومه اِلتیَر.‏ اِمّا روحدان دُرِیَن فیکرلِر بُلسا یاشاییش و پاراحاتلیق بِریَر.‏

رومیلار 8:13

اِگِر سیز اینسان هُوِسلِرینینگ ایسلِگلِرینه گُرَه یاشاسانگیز، اُلِرسینگیز.‏ اِمّا اینسان هُوِسلِرینینگ تِلِکه ایشلِرینی روحونگ گویجینینگ اوستو بیلِن یُق اِتسِنگیز، یاشارسینگیز.‏

رومیلار 8:38

سِبَبی مِن نه اُلومینگ، نه-ده یاشاییشینگ، نه پِریشده‌لِرینگ، نه-ده جینلارینگ، نه حَضیرکی، نه گِلِجِکّی یاغدایلارینگ، نه-ده هیچ بیر گویچلِرینگ،

رومیلار 8:39

نه بِییکلیگینگ، نه-ده آشاقلیغینگ و یارادیلان زاتلارینگ بیرینینگ-ده بیزی تانگریمیز عیسی مسیحینگ اوستو بیلِن آیان بُلان خودایینگ سُیگوسیندِن آیریپ بیلمِجِکدیگینه قاتی اینانیارین.‏