رومیلار 5:10 - مُقادِّس کیتاب

¹⁰ چونکی دوشمانقاق اُغلونینگ اُلومینینگ اوستو بیلِن خودای بیلِن یاراشان بُلساق، ایندی یاراشانیمیزدان سُنگ اُنونگ یاشاییشینینگ اوستو بیلِن نِجات تاپیلجاغیمیز هِم گورّونگسیزدیر.‏

رومیلار 5:10 Referans Kwoze

رومیلار 8:32

خودای حتّیٰ اُز اُغلونی قایغیرمان، اُنی بیزینگ گونَه‌لِریمیز اوچین اُلومه تابشیران بُلسا، اُندا اُنونگ بیلِن بیرلیکده بِیلِکی زاتلارینگ بارینی هِم باغیشلامازمی نَمه؟

اِفِسُسلار 2:16

اُل صلیبدَکی اُلومینگ اوستو بیلِن دوشمانچیلیغی یُق اِتدی و ایکی اویشمِلِنگی بیر بِدِن کیمین اِدیپ، اُلاری خودای بیلِن یاراشدیردی.‏

آیانلیق 1:18

مِن دیریدیرین.‏ اُلودیم، یُنه، اینه، ایندی اِبِدیلیک دیریدیرین.‏ اُلومینگ-ده، اُلولِر دونیَه‌سینینگ-ده آچاری مِندِدیر.‏

عِبرانیلار 7:25

شِیلِلیکده، عیسی اُزونینگ اوستو بیلِن خودایا گِلیَنلِری اِبِدیلیک نِجات بِرمِگی باشاریاندیر.‏ چونکی اُلار اوچین هِمیشه خودایا تُوِلّا اِدیَر.‏

رومیلار 8:34

بیزی کیم مَحکوم اِدیپ بیلِر؟ هیچ کیم، سِبَبی اُلوپ دیرِلِن عیسی مسیح خودایینگ ساغیندا اُتوریپ، بیزینگ اوچین تُوِلّا اِدیَر.‏

رومیلار 8:7

اینسان هُوِسلِریندِن دُرِیَن فیکرلِر خودایا دوشماندیر.‏ سِبَبی اُلار خودایینگ شِریغاتینا موطیع دَلدیر، آصلیندا موطیع بُلماغی هِم باشاریان دَلدیر.‏

عِبرانیلار 2:17

شُنونگ اوچین اُل هِر طارافدان بیزلِره مِنگزِمِلی بُلدی.‏ شِیدیپ، اُل خالقینگ گونَه‌لِرینی پَکلِیَندیر و خودایینگ خیدماتیندا رِحمدار هِم اِمین باش کاهیندیر.‏

۲ قُرِنتُس‌لار 5:21

بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی.‏

رومیلار 11:28

اسرائیل خالقی خوش خاباری قابول اِتمَن، خودایا دوشمان بُلدی.‏ بو بُلسا باشغا میلِّتلِر، یَعنی سیزینگ اوچین پِیدالی بُلدی.‏ یُنه اسرائیل خالقی شُندا-دا خودایینگ سایلاپ-سِچِن خالقیدیر.‏ خودای اُلاری آتا-بابالارینینگ حاقی اوچین سُییَندیر.‏

رومیلار 5:11

موندان باشغا-دا، بیز خودایینگ تانگریمیز عیسی مسیحینگ اوستو بیلِن اِدِن ایشلِرینه بِگِنیَریس، سِبَبی اُل بیزی خودای بیلِن یاراشدیردی.‏

یوحنا 14:19

آز سالیمدان سُنگ دونیَه مِنی گُرمِز، اِمّا سیز گُرِرسینگیز.‏ مِنینگ یاشایاندیغیم اوچین، سیز-ده یاشارسینگیز.‏

یوحنا 6:57

مِنی دیری آتا ایبِردی و مِن اُنونگ اوستو بیلِن یاشایارین.‏ اِدیل شونونگ یالی، مِندِن اییمیتلِنیَن-ده مِنینگ اوستوم بیلِن یاشار.‏

یوحنا 6:40

اُغلی گُرِن و اُنگا ایمان گِتیرِن هِر بیر آدامینگ اِبِدی یاشایشا قاووشماغی آتامینگ ایسلِگیدیر.‏ مِن-ده بو آداملاری آخیرات گون قایتادان دیرِلدِرین.‏»‏

یوحنا 5:26

چونکی آتانینگ یاشاییش بِریپ بیلشی یالی، اُل اُغلا-دا یاشاییش بِرمِک ایختییارینی بِردی.‏

رومیلار 5:6

بیزینگ اُزومیزی آقلاماغا گویجومیز یُقّا، عیسی مسیح بِلِّنِن واقتیندا بیز خودایسیزلار اوچین اُلدی.‏

۲ قُرِنتُس‌لار 5:20

شُنگا گُرَه-ده، بیز عیسی مسیحینگ سِفیرلِریدیریس و خودای بیزینگ اوستومیز بیلِن چاقیریار.‏ بیز سیزه مسیحینگ خاطیراسی اوچین یالباریاریس، خودای بیلِن یاراشینگ!‏

اِفِسُسلار 2:3

بیر واقتلار بیزینگ هِمَّه‌میز شُلار یالی یاشاماغی عادات اِدیندیک.‏ بیز اینسان طِبیغاتینینگ هُوِسلِرینه، ایسلِگلِرینه و فیکرلِرینینگ ایزینا دوشدیک.‏ شِیلِلیکده، بیز-ده بِیلِکیلِر یالی، اینسان طِبیغاتیمیزا گُرَه، خودایینگ غاضابینا دوچار بُلان آداملاردیق.‏

۱ یوحنا 2:1

عزیز بالالاریم!‏ مِن سیزه شولاری گونَه اِتمِزلیگینگیز اوچین یازیارین.‏ اِمّا کیمدیر بیری گونَه اِتسه، آتانینگ حوضوریندا تُوِلّاچیمیز، عیسی مسیح بار، اُل کَمیل عادیلدیر.‏

۱ یوحنا 4:10

بیز خودایی دَل-ده، اَوَّل خودای بیزی سُیدی.‏ اُل بیزینگ گونَه‌لِریمیزی پَکلِمِک اوچین، اُز اُغلونی قربانلیق حُکمونده ایبِردی.‏ اینه، حاقیقی سُیگی شودور.‏