رومیلار 2:4 - مُقادِّس کیتاب

⁴ یا-دا سِن خودایینگ اولی رِحم-شِپاقاتینا، یاخشیلیغینا، صابیر-طاقادینا اَهمییِتسیز حاساپلایارسینگمی؟ اُنونگ رِحمینینگ سِنی توبا طارافا اِلتیَندیگینه دوشونمِیَرسینگمی نَمه؟

رومیلار 2:4 Referans Kwoze

۲ پِطرُس 3:9

کَبیرلِری خودای اُز بِرِن واعداسینی بِرجای اِتمِگی گیجَه قالدیریار دییّپ حاساپ اِتسِلِر-ده، اُل گیجَه قالدیرماز.‏ خودای سیزینگ اوچین صابیر اِدیَندیر، سِبَبی اُل هیچ کیمینگ هِلَک بُلمان، هِمّه‌لِرینگ توبا اِتمِگینی ایسلِیَر.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

اِفِسُسلار 2:7

اُل مونی عیسی مسیحینگ اوستو بیلِن بیزه اِدِن مِرحِمِتینینگ و یاخشیلیغینینگ اِندازاسیز بایلیغینی گِلجِک زاماندا گُرکِزمِک اوچین اِتدی.‏

اِفِسُسلار 1:7

خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

رومیلار 3:25

خودای اُز عادالاتینی گُرکِزمِک اوچین عیسی مسیحی قربانی حُکمونده ایبِریپ، اُنونگ دُکولِن قانینینگ اوستو بیلِن ایمان گِتیریَنلِری اُزی بیلِن یاراشدیردی.‏ خودای اُزالقی زاماندا اِدیلِن گونَه‌لِردِن گِچدی.‏ ایندی بُلسا عیسی مسیحه ایمان گِتیریَن هِر کِسی آقلایار.‏ و شِیدیپ، اُل اُزونینگ عادالاتلیدیغینی تاصدیق اِدیَر.‏

۲ پِطرُس 3:15

شِیله هِم شونی یاددا ساقلانگ، خوداییمیز سیزینگ نِجات تاپماغینگیز اوچین صابیر اِدیَر.‏ عزیز دُغانیمیز پولس هِم اُزونه بِرلِن حِکمِته گُرَه سیزه بو حاقدا یازیپدی.‏

رومیلار 11:33

خودایینگ بایلیغی، حِکمِتی و بیلیمی ناقادار چونگّوردیر!‏ اُنونگ ماقصاتلارینی کیم دوشونیپ بیلِر؟ اُنونگ یُل‍لارینا کیم عاقیل یِتیریپ بیلِر؟

رومیلار 11:22

خودایینگ رِحمدارلیغی و قاتیلیغی بارادا گُز اُوونه گِتیرینگ.‏ اُل موطیع‌سیزلار اوچین قاتیدیر، سیزینگ اوچین بُلسا رِحمداردیر.‏ اِگِر سیز اُنونگ رِحمدارلیغینا قاییم دورسونگیز، اُل هِم سیزه رِحمدار بُلار.‏ اِگِر دورماسینگیز، سیز هِم کِسیلیپ زینگیلارسینگیز.‏

اِفِسُسلار 2:4

اِمّا گونَه‌لِریمیز سِبَپلی اُلی هِم بُلساق، رِحمدارلیغا بای خودای اُزونینگ اولی سُیگوسینی گُرکِزیپ، بیزی مسیح بیلِن بیلِلیکده دیرِلتدی.‏ سیز خودایینگ مِرحِمِتی بیلِن نِجات تاپدینگیز.‏

۲ پِطرُس 3:3

هِمّه زاتدان اَوَّل شونی بیلینگ:‏ آخیرقی گونلِرده اُز هُوِسلِرینه گِزیَن بیحایا ماسغاراجیلار گُرونِر.‏

۱ پِطرُس 3:20

بو روحلار قادیم زاماندا نوحونگ کِشتیسی بِجِرلیپ دورقا، خودای هِنیز صابیر-طاقاتلیق اِدیپ قاراشیارقا، اُنگا موطیع بُلمادیلار.‏ شُل کِشتیده بُلسا آز آدام، سانی سِکیز آدام سووونگ اوستو بیلِن نِجات تاپدی.‏

۱ تیموتاوس 6:17

بو زامانینگ بایلارینا مَغرور بُلمازلیغی تابشیر.‏ قُی، اُلار اینامسیز و قیسغا بایلیغا دَل-ده، لِذِّت آلماغیمیز اوچین هِر زادی بُل یِتیریَن خودایا بیل باغلاسینلار.‏

فیلیپیلِر 4:19

بِییک خوداییم اُز بایلیغی بیلِن سیزینگ، یَعنی عیسی مسیحه باغلی بُلانلارینگ اوچین هِمّه مَحتَجلیکلِرینینگ عُوِضینی دُلدولار.‏

آیانلیق 3:20

اینه، مِن قاپیدا دورین، قاپینی قاقیارین.‏ سِسیمی اِشیدیپ، قاپینی آچانینگ اُیونه گیرِرین.‏ مِن اُنونگ بیلِن، اُل هِم مِنینگ بیلِن بیر سُفره‌دا اُتورار.‏

۱ تیموتاوس 1:16

اِمّا عیسی مسیح مانگا رِحم اِتدی و اُز اِندازاسیز صابیرینی گُرکِزدی.‏ و اُزونه ایمان گِتیرجِکلِرینگ و باقی یاشایشا قاووشجاقلارینگ هِمّه‌سی اوچین مِنی نِمونه حُکمونده پِیدالاندی.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

رومیلار 6:15

ایندی نَمه؟ بیز ایندی شِریغاتینگ ایختییاریندا دَل-ده، مِرحِمِتینگ ایختییاریندا دییّپ، گونَه اِدیبِرمِلیمی نَمه؟ اِلبِتّه، یُق!‏

رومیلار 6:1

اُندا نَمه، خودای اُز مِرحِمِتینی بیزه کَندِن-کَن گُرکِزسین دییّپ، گونَه اِدیبِرمِلیمی نَمه؟

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

اِفِسُسلار 3:16

قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین.‏

اِفِسُسلار 3:8

مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی.‏

رومیلار 10:12

بو یَهودیلِره-ده، یَهودی دَل‍لِره-ده دِگیشلیدیر.‏ سِبَبی تانگری هِمّه‌لِرینگ تانگریسیدیر، اُل اُزونی چاغیریانلارینگ بارینا بِرِکِت بِریَندیر.‏

۲ قُرِنتُس‌لار 8:2

اُلار آغیر قینچیلیقلاردا ایمتِحان اِدیلسه-ده، گویچلی شاتلیقدان دُلوپ-جُشارلار و قاریپلیغی قاتی آغیر بُلسا-دا، ساخیلیغا بایدیرلار.‏

۲ پِطرُس 1:11

شُندا تانگریمیز و نِجات بِریَنچیمیز عیسی مسیحینگ اِبِدی پادیشاهلیغینا گیرمِک سیزه بُلدان-بُل بِرلِر.‏

آیانلیق 2:21

مِن اُنگا توبا اِتمَگه واقت بِردیم، اِمّا اُل آخلاقسیزلیغیندان یوز اُورِسی گِلِنُق.‏