رومیلار 14:9 - مُقادِّس کیتاب

⁹ سِبَبی مسیح اُلولِرینگ-ده، دیریلِرینگ-ده تانگریسی بُلماق اوچین اُلوپ، دیرِلدی.‏

رومیلار 14:9 Referans Kwoze

آیانلیق 1:18

مِن دیریدیرین.‏ اُلودیم، یُنه، اینه، ایندی اِبِدیلیک دیریدیرین.‏ اُلومینگ-ده، اُلولِر دونیَه‌سینینگ-ده آچاری مِندِدیر.‏

لوقا 24:26

مسیح بو عاذاپلاری گُروپ، اُز بِییکلیگینه گیرمِلی دَلمیدی؟»‏ دییدی.‏

عِبرانیلار 12:2

گِلینگ، گُزومیزی ایمانیمیزینگ چِشمه‌سی و کَمیلِّشدیرییَنچیسی، یَعنی عیسی تیکِیلینگ.‏ اُل گِلجِکدَکی شاتلیغا قاووشماق اوچین، ماسغاراچیلیغی هیچ حاساپلاپ، صلیبدَکی اُلومه جیدادی و خودایینگ تاختینینگ ساغیندا اُتوردی.‏

۲ تیموتاوس 4:1

خودایینگ حوضوریندا، شِیله هِم دیریلِره و اُلولِره قاضیلیق اِتجِک عیسی مسیحینگ حوضوریندا، اُنونگ گِلمِگینینگ و پادیشاهلیق اِتمِگینینگ خاطیرینا سانگا شولاری قاتی تابشیریارین:‏

رِسول‍لار 10:42

عیسی اُزونینگ خودایینگ اِراداسی بیلِن دیریلِرینگ هِم، اُلولِرینگ هِم قاضیسیدیغینی خالقا واغیظ اِدیپ، شاهاتلیق اِتمِگیمیزی تابشیردی.‏

مَتّیٰ 28:18

عیسی هِم اُلارینگ یانینا گِلیپ:‏ ‏«‏آسماندا و یِرده هِمّه ایختییارلیق مانگا بِریلدی.‏

۱ پِطرُس 4:5

اِمّا دیریلِرینگ هِم، اُلولِرینگ هِم اوستوندِن حُکوم چیقارماغا تاییار دوران خودایا اُلار حاساپ بِرِرلِر.‏

۱ پِطرُس 1:21

سیز مسیحینگ اوستو بیلِن خودایا ایمان گِتیردینگیز.‏ خودای مسیحی دیرِلدیپ، اُنی بِییکلِندیردی.‏ شِیلِلیکده، ایمانینگیز و اومیدینگیز خودایدادیر.‏

۲ قُرِنتُس‌لار 5:14

اِگِر بیر آدام هِمّه‌لِر اوچین اُلِن بُلسا، اُندا هِمَّه‌میز اُلِندیریس.‏ شِیله فیکره گِلِنیمیز بَری عیسی مسیحینگ سُیگوسی بیزی حِرِکِت اِتمَگه هُوِسلِندیریَر.‏

رِسول‍لار 10:36

خودای اسرائیل خالقینا ایبِرِن بو پاراحاتلیق خوش خابارینی هِمّه‌لِرینگ خودایی بُلان عیسی مسیحینگ اوستو بیلِن اِعلان اِتدی.‏

آیانلیق 2:8

‏«‏اِزمیردَکی کِلیسانینگ پِریشده‌سینه شونی یاز:‏ ‏«‏اُلِن و دیرِلِن، اَوَّلکی و آخیرقی شِیله دییَّر:‏

یوحنا 12:24

مِن سیزه دُغروسینی آیدیارین، بوغدای دَنه‌سی یِره قاچیپ اُلمِسه، یِکه دَنه بُلوپ قالار، اِمّا اِگِر اُلَیسه، کَن حاصیل بِرِر.‏

رومیلار 10:9

شُنگا گُرَه-ده، اِگِر سِن آغزینگ بیلِن عیسی مسیحینگ تانگریدیغینی ایقرار اِتسِنگ و خودای اُنی اُلومدِن دیرِلدِنینه یورِکدِن ایمان گِتیرسِنگ، نِجات تاپارسینگ.‏

۱ تِسالونیکیلِر 4:14

بیز عیسانینگ اُلوپ دیرِلِنینه اینانیاریس.‏ شُنگا گُرَه-ده، خودایینگ عیسی مسیحه ایمان گِتیرِن یاتانلاری اُنونگ بیلِن ایزینا گِتیرجِکدیگینه-ده اینانمالیدیریس.‏

۱ تِسالونیکیلِر 5:10

عیسی مسیح بیزینگ اوچین اُلدی.‏ اُل مونی بیز یاشاساق-دا، اُلسِک-ده، اُنونگ بیلِن یاشاپ بیلمِگیمیز اوچین اِتدی.‏