رومیلار 14:19 - مُقادِّس کیتاب

¹⁹ شُنونگ اوچین-ده، پاراحاتلیغا و بیری-بیریمیزی ایماندا گویچلِندیرمَگه یاردیم اِتجِک ایشلِری اِتمَگه چالیشایلینگ.‏

رومیلار 14:19 Referans Kwoze

اِفِسُسلار 4:29

آغزینگیزدان هیچ هاچان بیدِرِک سُز چیقماسین.‏ قایتام، دینگلِیَنلِرینگ مَحتَجلیکلِرینه گُرَه، گِرِکلی سُزلِری آیدیپ، اُلاری قوواتلاندیرینگ، شُندا آیدانلارینگیز اُلارا پِیدا گِتیرِر.‏

رومیلار 12:18

باشاردیغینگیزدان هِمّه‌لِر بیلِن پاراحاتلیقدا یاشاجاق بُلونگ.‏

رومیلار 15:2

بیزینگ هِر بیریمیز اُز هِمسایاسینینگ ایمانینی گویچلِندیرجِک زاتلارینگ فیکرینی اِدیپ، اُنونگ ایسلِگینینگ ایزیندا بُلمالیدیریس.‏

عِبرانیلار 12:14

هِمّه‌لِر بیلِن پاراحاتلیقدا بُلونگ و مُقادِّس یاشاماغا چالیشینگ.‏ یُغسا مُقادِّس بُلان خودایی گُروپ بیلمِرسینگیز.‏

۲ قُرِنتُس‌لار 13:11

شونلوقدا، اِی عزیزلِر، شاتلانینگ!‏ اُسمِگینگیز و کَمیلِّشمِگینگیز اوچین چالیشینگ، آیدیانلاریما قولاق آسینگ، بیر فیکرده بُلونگ، پاراحات یاشانگ.‏ شُندا سُیگی و پاراحاتلیق خودایی سیزینگ بیلِن بُلار.‏

مَرقُس 9:50

دوز قاوی زاتدیر، یُنه دوز طاغامینی ییتیرسه، اُندا اُل نَمه بیلِن دوزلانار؟ دوز یالی طاغاملی بُلونگ، اُزآرانگیزدا پاراحاتلیقدا یاشانگ.‏»‏

مَتّیٰ 5:9

پاراحاتلیق دُرِدیَنلِر خوشواقتدیر، چونکی اُلارا خودایینگ اُغول‍لاری دییلِر.‏

۱ پِطرُس 3:11

یامانلیقدان یوز اُوورسین، یاخشیلیق اِتسین، آراملیغینگ و پاراحاتلیغینگ ایزیندا بُلسون.‏

۱ قُرِنتُس‌لار 14:26

اِی عزیزلِر، موندان نَهیلی نِتیجه آلساق بُلار؟ سیز بیر یِره اویشِنینگیزده، هِر بیرینگیزده آیدیم، تَعلیم سُزی، آیانلیق، بِلّی دَل دیل‍لِرده گورلِمِک یا-دا اُنی مَعنیلِندیرمِک باردیر.‏ دِگمه، بولارینگ باری کِلیسانی قوواتلاماق اوچین بُلسون.‏

۱ قُرِنتُس‌لار 10:33

چونکی مِن اُز پِیدامی گُزلِمَن، کَن آداملارینگ نِجات تاپماغی اوچین اُلارینگ پِیداسینی گُزلِیَرین، هِر زاتدا هِر کیمی راضی اِتمَگه چالیشیارین.‏

۲ تیموتاوس 2:22

جُوانلیق هُوِسلِریندِن قاچ.‏ پَک یورِکدِن خودایا عیبادات اِدیَنلِر بیلِن بیرلیکده تاقوالیق، ایمان، سُیگی و پاراحاتلیق یُل‍لارینینگ ایزینا دوش.‏

۱ تیموتاوس 1:4

قُی، اُلار قادیمی رِوایاتلارا، توکِنمِیَن نِسل شِجِره‌لِرینه یورِک بِرمِسینلِر.‏ بولار داعوا-جِنجِل‍لِرینگ دُرِمِگینه سِبَپ بُلوپ، خودایینگ ایشلِرینینگ ایمان بیلِن عِمِله گِچیریلمِگینه پَسگِل بِریَندیر.‏

۲ قُرِنتُس‌لار 12:19

هَه، سیز هِنیز-ده اُزومیزی سیزینگ اُوونگیزده آقلایاندیریس دییّپ گومَن اِدیَنگیزمی نَمه؟ یُق، بیز مسیحه دِگیشلی بُلوپ، خودایینگ حوضوریندا سیزه شونی آیدیاریس:‏ اِی سُیگولی دُستلار، بیزینگ هِمّه اِدیَنلِریمیز سیزی گویچلِندیرمِک اوچیندیر.‏

۱ قُرِنتُس‌لار 7:15

اِمّا ایمان گِتیرمِدیک یانیُلداش طالاق آلجاق بُلسا، قُی، طالاق آلسین.‏ ایماندار اَر یا-دا آیال شِیله یاغدایلاردا بِرگیلی دَلدیر.‏ یُنه خودای بیزی بیلِلیکده پاراحاتلی یاشاماغا چاغیراندیر.‏

۱ قُرِنتُس‌لار 8:1

ایندی بُلسا بُتلارا قربانلیق بِریلیَن اِت بارادا شولاری آیتماقچی.‏ سیزینگ:‏ ‏«‏هِمّه‌میزینگ عیلیمیمیز بار»‏ دییّپ آیدیانینگیز دُغرودیر.‏ یُنه عیلیم اینسانی مَغرور اِدیَر، اِمّا سُیگی بُلسا آباد اِدیَندیر.‏

۱ قُرِنتُس‌لار 10:23

سیز:‏ ‏«‏ایسلِیَن زادیمی اِتمَگه حاقیم بار»‏ دییَّرسینگیز.‏ هاووا، یُنه هِر زات سیزینگ اوچین پِیدالی دَلدیر.‏ ‏«‏ایسلِیَن زادیمی اِتمَگه حاقیم بار»‏، یُنه هِمّه زات آبادلایان دَلدیر.‏

۱ قُرِنتُس‌لار 14:3

اِمّا نبوّتلیق اِدیَن بُلسا آداملارا یوزلِنیپ، اُلارا قووات بِریَر، گُوونلیک بِریَر و تِسِلّی بِریَر.‏

۱ قُرِنتُس‌لار 14:4

بِلّی دَل دیلده گورلِیَن اُزونی قوواتلایاندیر، اِمّا نبوّتلیق اِدیَن بُلسا کِلیسانی قوواتلایاندیر.‏

۱ قُرِنتُس‌لار 14:5

سیزینگ هِمَّه‌نگیز بِلّی دَل دیل‍لِرده گورلِسِنگیز، اِلبِتّه، قاوی، یُنه نبوّتلیق اِتمَگه آرزو اِدیَریم.‏ بِلّی دَل دیلده گورلِیَن آدام کِلیسانی قوواتلاماق اوچین اُز آیدانلارینی دوشوندیرمِسه، اُندا نبوّتلیق اِدیَن اُندان خاص قاوودیر.‏

اِفِسُسلار 4:12

اُلارینگ وِظیفه‌سی خودایینگ خالقینی اُنگا خیدمات اِتمَگه تاییارلاماقدان و مسیحینگ بِدِنی بُلان کِلیسانی گویچلی اِتمِکدِن عیباراتدیر.‏