آیانلیق 12:9 - مُقادِّس کیتاب

⁹ اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

آیانلیق 12:9 Referans Kwoze

لوقا 10:18

عیسی اُلارا:‏ ‏«‏مِن شِیطانینگ آسماندان ییلدیریم یالی بُلوپ آشاق اینِنینی گُردوم.‏

یوحنا 12:31

ایندی بو دونیَه‌نینگ حُکوم اِدیلمِلی واقتی گِلدی.‏ اینه، بو دونیَه‌نینگ رِییسی کُولوپ چیقاریلار.‏

آیانلیق 20:10

اُلاری آلدان شِیطان بُلسا یانیپ دوران کوکورت و اُدلی دِریاچا زینگیلدی، و جاناوار بیلِن یالان نِبی هِم شُل یِردِدیر.‏ اُلار گیجه-گوندیز اِبِدیلیک عاذاپ چِکِرلِر.‏

۱ یوحنا 5:19

بیز اُزومیزینگ خودایداندیغیمیزی، هِمّه دونیَه‌نینگ بُلسا شِیطانینگ اِلینینگ آشاغیندادیغینی بیلیَریس.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

آیانلیق 12:7

اُنسُنگ آسماندا جِنگ باشلاندی.‏ میکاییل و اُنونگ پِریشده‌لِری اژدها بیلِن اوروشدیلار.‏ اژدها-دا اُز پِریشده‌لِری بیلِن اُلارا قارشی اوروشدی.‏

یوحنا 8:44

سیزینگ آتانگیز شِیطاندیر، سیز آتانگیزینگ ایسلِگینی بِرجای اِتمِک ایسلِیَرسینگیز.‏ اُل اَوَّلدِن قاتلدی، هیچ واقت حاقیقاتینگ طارافداری بُلماندی، سِبَبی اُندا حاقیقات یُق.‏ اُل یالان آیداندا، اُز ذاتیندان آیدیار، چونکی اُل یالانچی، یالانینگ آتاسیدیر.‏

آیانلیق 20:8

اُل چیقیپ، یِرینگ دُرت بورجینداقی خالقلاری، یَعنی جوج-ماجوجلاری آلداپ، اُلاری جِنگه ییغنار.‏ ییغنانالارینگ سانی دِریا کِنارینداقی چَگه کیمیندیر.‏

آیانلیق 12:3

سُنگرا آسماندا باشغا بیر عالامات گُروندی.‏ بو یِدی کِلّه‌لی و اُن شاخلی و کِلّه‌لِرینده یِدی تاجی بُلان اولی قُیی-قیزیل اژدهادی.‏

آیانلیق 9:1

بَشینجی پِریشده سورنایینی چالدی.‏ مِن آسماندان یِره قاچان بیر ییلدیز گُردوم.‏ ییلدیزا دویپسوز قوییسینینگ آچاری بِریلدی.‏

آیانلیق 2:24

اِمّا سیزه، یَعنی تیاتیراداقی ایزابِلینگ بو تَعلیماتینگ ایزینا دوشمِدیکلِرینگ و ‏”‏شِیطانینگ سیرلاری“‏ دییّلیَنلِری بیلمِیَنلِرینگ بارینا شونی آیدیارین:‏ اِگِر ایمانینگیزی مِن گِلیَنچَم ساقلاسانگیز، سیزینگ اوستونگیزه باشغا زات یوکلِمِرین.‏

آیانلیق 2:13

سِنینگ نیرِده یاشایانینگی بیلیَرین، شِیطانینگ تاختی هِم شُل یِردِدیر.‏ اِمّا مونگا باقمازدان، سِن مانگا وِفادار بُلوپ قالانسینگ.‏ سِن حتّیٰ اُز شَهرینگده، هاووا، شِیطانینگ یاشایان شَهرینده اِمین شاهاتیم آنتیپاسینگ اُلدوریلِن گونلِرینده-ده مانگا بُلان ایمانینگدان دَنِن دَلسینگ.‏

۱ پِطرُس 5:8

خاباردار و اُیا بُلونگ!‏ دوشمانینگیز شِیطان گویچلی سِسلی آرسلان کیمین آیلانیپ، یوووتماق اوچین بیرینی آغتاریپ یُرِندیر.‏

۲ قُرِنتُس‌لار 11:14

گِنگ قالیپ اُتورماغا زات یُق، سِبَبی شِیطانینگ اُزی-ده نور سِچیَن پِریشدَه‌نینگ صوراتینا گیریپ بیلیَندیر!‏

۲ قُرِنتُس‌لار 2:11

مِن مونی شِیطان بیزدِن اوستون چیقماسین دییّپ اِتدیم، چونکی اُنونگ مِکرلیگی بیزه معلیم آخیرین.‏

رومیلار 16:18

چونکی اُلار تانگریمیز عیسی مسیحه دَل-ده، اُز قارا قارینلارینا خیدمات اِدیَندیرلِر.‏ اُلار سویجی سُزلِر و آوادانگلیق بیلِن کِپلَپ، سادا آداملاری آلداوا سالیاندیرلار.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

لوقا 22:31

اُنسُنگ عیسی سُزونی دُوام اِدیپ:‏ ‏«‏اِی شمعون، شمعون!‏ شِیطان سیزی بوغدای یالی سُوورماق اوچین دیلِدی.‏

۲ قُرِنتُس‌لار 11:3

یُنه ییلانینگ حَوّانی مِکرلیک بیلِن آلدایشی یالی، سیزینگ-ده آلدانماغینگیزدان قُرقیارین.‏ مِن فیکرلِرینگیزینگ بولاشدیریلیپ، مسیحه بُلان پَک صادیقلیغینگیزدان آیریلارمیقانگیز دییّپ قُرقیارین.‏

لوقا 22:3

شِیطان اُن ایکی شَگیرتلِرینگ بیری بُلان یهودا اِسخریوطینینگ یورِگینَه گیردی.‏

لوقا 8:12

یُلونگ اوستونه دوشِن تُخوملار سُزی اِشیدیَن آداملاردیر.‏ اِمّا شِیطان گِلیپ، ایمان گِتیرمِسینلِر و نِجات تاپماسینلار دییّپ، اُلارینگ قالبیندان سُزی سُغروپ آلیار.‏

مَتّیٰ 25:41

‏«‏سُنگرا سُلونداقیلارا شِیله دییِر:‏ ‏”‏اِی لَعنِتلیلِر، مِنینگ یانیمدان آیریلینگ، شِیطان بیلِن اُنونگ پِریشده‌لِرینه تاییارلانان اِبِدی اُدا گیدینگ!‏

مَتّیٰ 4:10

عیسی اُنگا:‏ ‏«‏یُق بُل، شِیطان!‏ ‏”‏تانگری خودایینگیزا سِجده اِدینگ، یِکه اُنگا خیدمات اِدینگ“‏ دییّپ یازیلاندیر»‏ دییدی.‏

مَتّیٰ 4:8

شِیطان بو گِزِک عیسانی اولی بیر داغینگ باشینا چیقاردی.‏ اُنگا دونیَه‌نینگ هِمّه پادیشاهلیقلارینی و اُلارینگ بِییکلیگینی گُرکِزیپ:‏

مَتّیٰ 4:5

سُنگرا شِیطان عیسانی مُقادِّس شَهره گِتیردی.‏ اُنی عیباداتخانانینگ دِپه‌سینه چیقاریپ:‏

مَتّیٰ 4:1

سُنگرا عیسی شِیطان طارافیندان ایمتِحان بُلماق اوچین مُقادِّس روح سِبَبی بیابانا اَکیدیلدی.‏

آیانلیق 19:20

اِمّا جاناوار و اُنونگ بیلِن بیله یالان نِبی توتولدی.‏ بو یالان نِبی جاناوارینگ آدیندان عالاماتلار گُرکِزدی و جاناوارینگ عالاماتینی اُزونه باسدیریپ، اُنونگ مُجِسِّمه‌سینه سِجده اِدِنلِری آلدادی.‏ جاناوار-دا، یالان نِبی-ده دیریلیگینه یانیپ دوران کوکورت و اُدلی دِریاچا زینگیلدی.‏

آیانلیق 16:14

بولار عالاماتلار گُرکِزیپ بیلیَن جینلارینگ روحلاریدیر.‏ بولار قودراتلی-گویچلی خودایینگ بِییک گونونده بُلجاق جِنگ اوچین هِمّه دونیَه‌نینگ پادیشاهلارینی اویشورمَگه باریارلار.‏

آیانلیق 13:14

بو جاناوار بیرینجی جاناوارینگ آدیندان عالاماتلار گُرکِزیپ، یِر یوزونده یاشایانلاری آلداوا سالیاردی.‏ اُل قیلیچ بیلِن اُلدوریَن یارا سالناندیغینا باقمازدان، دیرِلِن جاناوارینگ مُجِسِّمه‌سینی بِجِرمِگی یاشایانلارا تابشیردی.‏

آیانلیق 9:20

بو بِلالاردان آمان قالان آداملار شُندا-دا اِل‍لِرینینگ یامان ایشلِریندِن دَنیپ، توبا گِلمِدیلِر.‏ اُلار جینلارا، قیزیلدان، کوموشدِن، میسدِن، داشدان و آغاچدان بِجِرلیپ، اِشیتمِیَن، گُرمِیَن و یُریمِیَن بُتلارا سِجده اِتمِکلِرینی بِس اِتمِدیلِر.‏

آیانلیق 3:9

مِن شِیطانینگ کِنیسه‌سینه گِلیپ، آیاغینگا ییقیلماغا مِجبور اِدِرین، اُلار سِنی سُییَندیگیمی دوشونِرلِر.‏ اُلار اُزلِرینی یَهودی حاساپلاسالار-دا، آصلا یَهودی دَل، اُلار یالان آلدایارلار.‏

آیانلیق 2:9

مِن سِنینگ قینچیلیقلارینگی و قاریپلیغینگی بیلیَرین، آصلیندا اِمّا سِن بایسینگ!‏ مِن اُزلِرینی یَهودی حاساپلایانلارینگ سانگا تُهمِت اوریاندیقلارینی هِم بیلیَرین.‏ یُنه اُلار یَهودیلِر دَل-ده، شِیطانینگ کِنیسه‌سیندِندیر.‏

یهودا 1:9

اِمّا حتّیٰ باش پِریشده میکاییل موسانینگ جِسِدی بارادا شِیطان بیلِن چِکِلِشِنده، شِیطانا قارشی تُهمِت و مَحکوم اِتمَگه یورِک اِتمِدی.‏ قایتام، دینگه:‏ ‏«‏سِنی خودایینگ اُزی کَییسین!‏»‏ دییدی.‏

عِبرانیلار 2:14

بو فِرزِنتلِر تِن و هِم قانداندیقلاری اوچین، عیسی هِم اُلار یالی اینسان بُلدی.‏ اُلومه دوچار اِدیَن شِیطانی اُل اُز اُلومینینگ اوستو بیلِن یُق اِتدی،

۲ تیموتاوس 3:13

اِمّا شِرلِر و یالانچیلار بُلسا آلداپ، آلدانیپ، اُز شِرلیکلِرینده باردیغچا اُوه گیدِرلِر.‏

۱ تیموتاوس 2:14

آلدانان هِم آدام دَلدی.‏ آیال آلدانیپ، گونَه قازاندی.‏

۲ تِسالونیکیلِر 2:3

اُزونگیزی هیچ کیمه هیچ یُل بیلِن آلداتمانگ.‏ چونکی کَن آداملار خودایا قارشی باش قالدیرار و یُق اِدیلمِلی شِراراتلی آدام اَوَّل گُرونِر.‏ یُنه بو زاتلار یِرینه یِتیَنچَه، مسیحینگ گونی گِلمِز.‏

اِفِسُسلار 4:14

شِیدیپ، موندان بِیلَک اینسانلارینگ یالانچیلیغینینگ و مِکرلیک بیلِن دوزیَن هِر هیلی تَعلیماتینینگ یِلینَه کُولوپ، اِیلَک-بِیلَک ایتیکلِنیَن چاغالار یالی بُلماریس.‏

۲ قُرِنتُس‌لار 12:7

مانگا شِیله بِییک آیانلیقلارینگ بِرلِندیگی سِبَپلی اُزومی یُقاری توتماز یالی، مانگا شِیطانینگ بیر پِریشده‌سی، یَعنی بِدِنیمه اِذیِت بِرمِک اوچین بیر تیکِن بِریلدی.‏

رومیلار 16:20

پاراحاتلیغینگ چِشمه‌سی بُلان خودای بُلسا تیز واقتدا شِیطانی آیاقلارینگیزینگ آشاغیندا باسار.‏ قُی، تانگریمیز عیسی مسیحینگ مِرحِمِتی سیزه یار بُلسون!‏

رِسول‍لار 5:3

پِطرُس اُنگا شِیله دییدی:‏ ‏«‏حَنانیا، نَمه اوچین سِن شِیطانا قالبینگدان جای بِردینگ؟ سِن مُقادِّس روحا یالان آیدیپ، پولونگ بیر بُلِگینی اُزونگه آلیپ قالدینگ.‏

یوحنا 16:11

حُکوم باباتدا آیتسام، بو دونیَه‌نینگ رِییسی مَحکوم اِدیلِندیر.‏

یوحنا 14:30

مانگا ایندی سیزینگ بیلِن کِپلِشِره کَن واقت قالمادی، سِبَبی بو دونیَه‌نینگ رِییسی گِلیَر.‏ اُنونگ مِن باباتدا هیچ هیلی ایختییاری یُقدور.‏

لوقا 13:16

بو آیال اُن سِکیز ییلّاپ شِیطان طارافیندان باغلانان ابراهیمینگ قیزیدیر.‏ اِیسِم سَبَّت گونی بُلانی اوچین اُل بو زینجیردان آزاد اِدیلمِلی دَلمی؟»‏ دییدی.‏

مَتّیٰ 24:24

چونکی یالان مسیحلِر، یالان نِبیلِر دُرَپ، سایلانانلاری-دا مومکین بُلدیغیچا آزدیرجاق بُلوپ، بِییک عالاماتلار و مُعجِزه‌لِر گُرکِزِرلِر.‏

مَتّیٰ 13:39

بیدِرِک اُتلاری اِکِن دوشمان شِیطاندیر.‏ اُراق واقتی دونیَه‌نینگ آخیریدیر، اُراقچیلار بُلسا پِریشده‌لِردیر.‏

آیانلیق 18:2

پِریشده قاتی قیغیریپ، شِیله دییدی:‏ ‏«‏ییقیلدی!‏ بِییک بابِل ییقیلدی!‏ اُل جینلارینگ مِسکِنینه و هِمّه آرخو-جینلارینگ جایینا اُورولدی و هِرهیلی حارام و نِجیس قوشلارینگ پِناه‌سینا اُورولدی.‏

آیانلیق 18:23

چیراغلارینگ نوری ایندی یاغتیلیق بِرمِز، اُیلِنیَن ییگیت و گِلنینگ سِسی ایندی سِندِن اِشیدیلمِز.‏ سِنینگ تاجِرلِرینگ دونیَه‌نینگ بِییک آداملاریدی و سِنینگ جادوگَرلیگینگ هِمّه میلِّتلِری یُلدان چیقاردی.‏

آیانلیق 12:8

اِمّا اژدهانینگ یِنگمَگه گویجی یِتمَن، آسمانداقی یِرلِرینی اِلدِن بِردیلِر.‏

آیانلیق 12:12

شُنگا گُرَه، اِی آسمان و اُندا یاشایانلار، شاتلانینگ!‏ اِمّا یِر و دِریا، سیزینگ بُلسا حالینگیزا وای!‏ چونکی شِیطان یانینگیزا ایندی، اُل واقتینینگ آز قالاندیغینی بیلِنسُنگ، غاضاب آتینا میندی.‏»‏