مَتّیٰ 7:11 - مُقادِّس کیتاب

¹¹ شِیلِلیکده، سیز یامان بُلوپ-دا اُز فِرزِنتلِرینگیزه قاوی زادلار بِرمِگی بیلیَن بُلسانگیز، اُندا آسمانداقی آتانگیز اُزوندِن دیلِیَنلِره خاص-دا کَن قاوی زادلار بِرمِزمی؟

مَتّیٰ 7:11 Referans Kwoze

یعقوب 1:17

هِر بیر قاوی و کَمیل ناغمات یُقاردان، آسمانداقی نورلارینگ آتاسیندان گِلیَندیر.‏ اُل هیچ هاچان اویتگِیَن دَلدیر، اُندا اویتگِمِکلیگینگ کُلِگه‌سی هِم یُقدور.‏

رومیلار 8:32

خودای حتّیٰ اُز اُغلونی قایغیرمان، اُنی بیزینگ گونَه‌لِریمیز اوچین اُلومه تابشیران بُلسا، اُندا اُنونگ بیلِن بیرلیکده بِیلِکی زاتلارینگ بارینی هِم باغیشلامازمی نَمه؟

یوحنا 3:16

‏«‏خودای دونیَه‌دَکیلِری قاتی کَن سُیِندیگی اوچین اُزونینگ یِکِجه اُغلونی بِردی.‏ اُل مونی اُغلونا ایمان گِتیرِنلِرینگ هیچ بیری هِلَک بُلمان، اِبِدی یاشایشا قاووشماغی اوچین اِتدی.‏

۱ یوحنا 4:10

بیز خودایی دَل-ده، اَوَّل خودای بیزی سُیدی.‏ اُل بیزینگ گونَه‌لِریمیزی پَکلِمِک اوچین، اُز اُغلونی قربانلیق حُکمونده ایبِردی.‏ اینه، حاقیقی سُیگی شودور.‏

۱ یوحنا 3:1

آتامیز خودایینگ بیزی نَهیلی گویچلی سُییَندیگینی بیر گُر-باقینگ!‏ اُل بیزی اُز فِرزِنتلِری دییّپ آدلاندیریار.‏ دُغرودان-دا، بیز اُنونگ فِرزِندیدیریس!‏ دونیَه خودایی تانیمانسُنگ، بیزی-ده تانیمایار.‏

رومیلار 3:19

یُنه هِر آغیز باغلانیپ، بوتین دونیَه خودایینگ مَحکومییِتینه سِزاوار بُلار یالی، شِریغاتینگ آیدانلارینینگ بارینی شِریغات آشاغینداقیلارا آیدیاندیغینی ایندی بیلیَریس.‏

غَلاطیه‌لِر 3:22

اِمّا مُقادِّس یازغیلارینگ اِعلان اِتمِگینه گُرَه، بیزینگ هِمَّه‌میز گونَه دانگیلاندیریس.‏ خودای بُلسا بیزه واعدا بِرِنینی عیسی مسیحه ایمان گِتیریَنیمیز اوچین هُدورلِیَر.‏

رومیلار 3:9

اُندا نَمه، بیز یَهودیلِر بِیلِکی میلِّتلِردِن قاویمی؟ آصلا قاوی دَلدیریس!‏ یَهودیلِرینگ-ده، باشغا میلِّتلِرینگ-ده گونَه‌نینگ آشاغیندادیغی بارادا اُنگ آیدیپدیق آخیرین.‏

مَتّیٰ 7:10

بالیق دیلَنده بُلسا، اُنگا ییلان بِرِرسینگیز؟

مَتّیٰ 23:9

یِر یوزونده هیچ کیمه ‏”‏آتا“‏ دییمَنگ، سِبَبی سیزینگ بیر آتانگیز باردیر، اُل هِم آسماندادیر.‏