مَتّیٰ 3:2 - مُقادِّس کیتاب

² اُل:‏ ‏«‏توبا اِدینگ، سِبَبی آسمانینگ پادیشاهلیغی قُلایلادی»‏ دییَّردی.‏

مَتّیٰ 3:2 Referans Kwoze

مَتّیٰ 4:17

شُل واقتدان باشلاپ، عیسی:‏ ‏«‏توبا اِدینگ!‏ آسمانینگ پادیشاهلیغی قُلایلادی»‏ دییّپ، واغیظ اِتمَگه باشلادی.‏

مَرقُس 1:15

اُل:‏ ‏«‏واقت دُلدی، خودایینگ پادیشاهلیغی قُلایلادی.‏ توبا اِدینگ، خوش خابارا اینانینگ!‏»‏ دییَّردی.‏

لوقا 24:47

شِیله هِم توبا اِدیپ، گونَه‌لِرینینگ باغیشلانماغی باراداقی خوش خاباری اورشلیمدِن باشلاپ، هِمّه میلِّتلِره اُنونگ آدیندان واغیظ اِدیلمِلیدیر.‏

مَتّیٰ 6:10

پادیشاهلیغینگ گِلسین!‏ آسماندا بُلشی یالی، یِرده-ده سِنینگ ایسلِگینگ یِرینه یِتسین!‏

۲ قُرِنتُس‌لار 7:10

چونکی خودایدان بُلان قینانچ آدامی توبا گِتیریپ، اُنونگ نِجات تاپماغینا سِبَپ بُلیار.‏ بو توبا اُکوندیریَن دَلدیر.‏ اِمّا دونیَه‌دِن بُلان قینانچ اُلومه اِلتیَندیر.‏

مَتّیٰ 10:7

باران هِر بیر یِرینگیزده آسمانینگ پادیشاهلیغینینگ قُلایلاندیغینی واغیظ اِدینگ.‏

رِسول‍لار 3:19

ایندی گونَه‌لِرینگیزینگ باغیشلانماغی اوچین توبا اِدینگ و خودایا طاراف اُورولینگ.‏ شُندا خودای سیزه راحاتلیق واقتینی حوضوریندا بِرِر.‏

لوقا 15:10

مِن سیزه شونی آیدیارین:‏ توبا اِدِن یِکِجه گونَه‌لی اوچین، خودایینگ پِریشده‌لِرینینگ آراسیندا اِدیل شونونگ یالی اولی شاتلیق بُلار.‏»‏

لوقا 13:3

اِلبِتّه، یُق!‏ اِمّا توبا اِتمِسِنگیز، سیزینگ هِمَّه‌نگیز شُلار یالی هِلَک بُلارسینگیز.‏

لوقا 11:20

مِن جینلاری خودایینگ گویجی بیلِن کُویان بُلسام، اُندا خودایینگ پادیشاهلیغی سیزه-ده گِلِندیر.‏

۲ پِطرُس 3:9

کَبیرلِری خودای اُز بِرِن واعداسینی بِرجای اِتمِگی گیجَه قالدیریار دییّپ حاساپ اِتسِلِر-ده، اُل گیجَه قالدیرماز.‏ خودای سیزینگ اوچین صابیر اِدیَندیر، سِبَبی اُل هیچ کیمینگ هِلَک بُلمان، هِمّه‌لِرینگ توبا اِتمِگینی ایسلِیَر.‏

رِسول‍لار 17:30

خودای گِچمیشده اینسانلارینگ بو دوشونمِزلیکلِرینی اینکَر اِتمِسینه گُز یومدی.‏ ایندی بُلسا اُل هِمّه یِرده تامام آداملارینگ توبا اِتمِگینی اِمر اِدیَر.‏

رِسول‍لار 11:18

دُغانلار بو سُزلِری اِشیدِنلِریندِن سُنگرا کُشیشدیلِر.‏ خودایی بِییکلِندیریپ:‏ ‏«‏دُغریدان-دا خودای حتّیٰ باشغا میلِّتلِره-ده توبا اِدیپ، باقی یاشایشا قاووشماقلیغی بِریپدیر»‏ دییّشدیلِر.‏

رِسول‍لار 2:38

پِطرُس اُلارا شِیله دییدی:‏ ‏«‏توبا اِدینگ، هِر بیرینگیز عیسی مسیحینگ آدی بیلِن تَعمید آلینگ.‏ شُندا سیزینگ گونَه‌لِرینگیز باغیشلانار و مُقادِّس روحونگ واعداسینی آلارسینگیز.‏

لوقا 6:20

سُنگرا عیسی شَگیرتلِرینه ناظارینی تیکیپ، شِیله دییدی:‏ ‏«‏اِی قاریپلار، خوشواقتسینگیز، چونکی خودایینگ پادیشاهلیغی سیزینگکیدیر!‏

مَتّیٰ 13:52

عیسی اُلارا:‏ ‏«‏شُنونگ اوچین هِم آسمانینگ پادیشاهلیغی دییّپ تَعلیمات آلان هِر بیر دین عالیم خازیناسیندان تَزه و کُهنه زاتلار چیقاریان اُی اِیه‌سینه مِنگزِیَندیر»‏ دییدی.‏

مَتّیٰ 13:47

‏«‏شِیله هِم، آسمانینگ پادیشاهلیغی دِریا زینگالیپ، هِر هیلی بالیغی ییغنایان تُر یالیدیر.‏

مَتّیٰ 13:33

عیسی اُلارا باشغا بیر میثالی-دا گورّونگ بِردی:‏ ‏«‏آسمانینگ پادیشاهلیغی خامیرمایا مِنگزِیَندیر.‏ بیر آیال اوچ اُقارا اونا بیرجه بُلِک خامیرمایا قُشسا-دا، هِمّه خامیر چیشیَر.‏»‏

مَتّیٰ 12:41

نینِوا خالقی قیامات گونی بو نِسله قارشی چیقیپ، اُنی مَحکوم اِدِر، سِبَبی نینِوا خالقی یونسینگ واغظی بیلِن توبا گِلدی.‏ اینه، بو یِرده یونسدان هِم اوستون بیری بار.‏

۲ تیموتاوس 2:25

اُل اُزونه قارشی چیقیان آداملارا هِم یومشاقلیق بیلِن ناصیحات بِرمِلیدیر.‏ بِلکی، خودای بو آداملارینگ هِم توبا گِلمِگینه بیر یُل آچار.‏ اُلار-دا حاقیقاتی بیلیپ

کولُسیلِر 1:13

اُل بیزی قارانگقیلیق حُکومدارلیغیندان آزاد اِدیپ، اُز سُیگولی اُغلونینگ پادیشاهلیغینا گِتیردی،

رِسول‍لار 20:21

مِن یَهودیلِری-ده، یونانیلاری-دا توبا اِدیپ، خودایا دُلانماغا و تانگریمیز عیسی مسیحه ایمان گِتیرمَگه چاغیردیم.‏

لوقا 15:7

سیزه شونی آیدیارین:‏ شونونگ یالی توبا اِدِن یِکه گونَه‌لی اوچین آسماندا بُلجاق شاتلیق توبا مَحتَج دَل تُغسان دُقوز دُغری آدام اوچین بُلجاق شاتلیقدان خاص اولی بُلار.‏»‏

لوقا 13:5

اِلبِتّه، یُق!‏ اِمّا توبا اِتمِسِنگیز، سیزینگ هِمَّه‌نگیز شُلار یالی هِلَک بُلارسینگیز.‏»‏

لوقا 9:2

سُنگرا اُلاری خودایینگ پادیشاهلیغینی واغیظ اِتمَگه و مِریضلِری شِفا بِرمَگه ایبِردی.‏

مَرقُس 6:12

شونلوق بیلِن، اُلار یُلا دوشدولِر و هِمّه آداملاری توبا چاغیریپ، واغیظ اِتمَگه باشلادیلار.‏

مَرقُس 1:4

شونلوقدا، بیاباندا یحیی تَعمید بِریَنچی گُروندی.‏ اُل آداملارا گونَه‌لِرینینگ باغیشلانماغی اوچین توبا اِدیپ، تَعمید آلماقلارینی واغیظ اِدیَردی.‏

مَتّیٰ 5:10

تاقوالیق اوچین آزارلانانلار خوشواقتدیر، چونکی آسمانینگ پادیشاهلیغی اُلارینگقیدیر.‏

مَتّیٰ 5:3

‏«‏روحی قاریپلار خوشواقتدیر، چونکی آسمانینگ پادیشاهلیغی اُلارینگقیدیر.‏

آیانلیق 2:21

مِن اُنگا توبا اِتمَگه واقت بِردیم، اِمّا اُل آخلاقسیزلیغیندان یوز اُورِسی گِلِنُق.‏

مَتّیٰ 13:31

عیسی اُلارا باشغا بیر میثالی-دا گورّونگ بِردی:‏ ‏«‏آسمانینگ پادیشاهلیغی بیر آدامینگ اُز یِرلیگینده اِکِن خَردِل تُخومینا مِنگزِیَندیر.‏

مَتّیٰ 13:11

اُل شِیله جُغاپ بِردی:‏ ‏«‏آسمانینگ پادیشاهلیغینینگ سیرلارینا دوشونمِگه سیزه بِریلدی، جِماغاتا بِریلمِدی.‏

مَتّیٰ 6:33

سیز بُلسا اَوَّل خودایینگ پادیشاهلیغینی و اُنونگ عادالاتینی آغتارینگ، شُندا بو زاتلار هِم سیزه اُنونگ اوستونه قُشولیپ بِرلِر.‏

آیانلیق 2:5

شُنونگ اوچین، هایسی بِییکلیکدِن ییقیلانینگی یادینگا سال!‏ توبا اِت-ده، اَوَّلکی اِدِن ایشلِرینگی عِمِل اِت!‏ اِگِر توبا اِتمِسِنگ، یانینگا باریپ، چیراغدانینگی یِریندِن آیرارین.‏

عِبرانیلار 6:1

شُنونگ اوچین، گِلینگ، عیسی مسیح باراداقی باشلانان تَعلیمدا قالمان اُوه حِرِکِت اِدیپ، ایماندا گویچلِنِیلینگ و ایزا قایتمایلینگ.‏ اُلومه اِلتیَن ایشلِره توبا اِتمِک، خودایا ایمان گِتیرمِک،

رِسول‍لار 26:20

دِسلاپ دمشق‌ده، اورشلیمده، سُنگرا تامام یهودیه‌ده، شِیله هِم، باشغا میلِّتلِرینگ آراسیندا:‏ ‏”‏گونَه‌لِرینگیز اوچین توبا اِدینگ، خودایا دُلانینگ، توبا اِدِندیگینگیزی قاوی ایشلِرینگیز بیلِن تاصدیق اِدینگ“‏ دییّپ واغیظ اِتدیم.‏

مَتّیٰ 22:2

‏«‏آسمانینگ پادیشاهلیغی اُز اُغلی اوچین گِلین طُویینی توتان پادیشاه مِنگزِیَندیر.‏

مَتّیٰ 25:1

‏«‏شُل واقت آسمانینگ پادیشاهلیغی اُن قیزینگ چیراغلارینی آلیپ، دامادی قارشیلاماغا چیقیشلاری باراداقی واقا مِنگزِیَندیر.‏

مَتّیٰ 23:13

‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز آسمانینگ پادیشاهلیغینا گیرمَگه آداملارینگ اُوونی باغلایارسینگیز، اُنگا نه اُزونگیز گیریَرسینگیز، نه-ده گیرجِکلِره یُل بِریَرسینگیز.‏ ‏[‏

مَتّیٰ 20:1

‏«‏آسمانینگ پادیشاهلیغی اوزومچیلیگینده ایشلَر یالی، ایر اِرتیر بیلِن گونلوکچی توتماغا گیدِن یِر اِیه‌سینه مِنگزِیَندیر.‏

مَتّیٰ 18:23

‏«‏شُنونگ اوچین هِم آسمانینگ پادیشاهلیغی اُز خیدماتکَرلِری بیلِن حاساپلاشماق ایسلَن بیر پادیشاه مِنگزِیَر.‏

مَتّیٰ 11:20

عیسی شَهرلِرده کَن مُعجِزه‌لِر گُرکِزیپدی، اِمّا اُلارینگ خالقی گونَه‌لِرینه توبا اِتمَندیلِر.‏ شُنونگ اوچین عیسی اُلاری کَیمَگَه باشلادی:‏

لوقا 21:31

شُنونگ یالی هِم، بو واقالارینگ بُلانینی گُرِنینگیزده، خودایینگ پادیشاهلیغینینگ قُلایلاندیغینی بیلینگ.‏

لوقا 16:30

اُل هِم:‏ ‏”‏یُق، اِی ابراهیم آتا!‏ اُلار یِکه اُلولِردِن بیری یانلارینا باراندا توبا اِدِرلِر“‏ دییَّر.‏

مَتّیٰ 25:14

‏«‏آسمانینگ پادیشاهلیغی شونونگ یالیدیر:‏ بیر آدام اوزاق یُلا گیتمِکچی بُلوپ، خیدماتکَرلِرینی یانینا چاغیریپ، مال-مولکونی اُلارا تابشیریار.‏

مَتّیٰ 13:24

عیسی اُلارا باشغا بیر میثال هِم گورّونگ بِردی:‏ ‏«‏آسمانینگ پادیشاهلیغی اُز اِکینچیلیگینده قاوی تُخوم اِکِن آداما مِنگزِیَر.‏

مَتّیٰ 4:23

عیسی هِمّه جلیلی آیلانیپ چیقدی، اُل یِردَکی کِنیسه‌لِرده تَعلیم بِردی و آسمانینگ پادیشاهلیغینینگ خوش خابارینی واغیظ اِتدی، خالقینگ آراسینداقی هِر هیلی دِردلِری و مِریضچیلیکلِری شِفا بِردی.‏

لوقا 1:16

اُل اسرائیل خالقیندان کَن آدامی اُزلِرینینگ تانگری خودایا طاراف اُورِر.‏