مَتّیٰ 11:1 - مُقادِّس کیتاب

¹ عیسی اُن ایکی شَگیردینه ناصیحات بِریپ قوتاراندان سُنگ، اُل یِردِن چیقیپ، قُلایداقی شَهرلِرده اُورِتمَگه و واغیظ اِتمَگه گیتدی.‏

مَتّیٰ 11:1 Referans Kwoze

رِسول‍لار 10:38

خودایینگ ناصِره‌لی عیسانی مُقادِّس روح و گویچ-قودرات بیلِن دُلدوریپ، اُنی سایلاپ-سِچِندیگینی بیلیَنسینگیز.‏ عیسی دُرت طارافا آیلانیپ، کَن یاخشی ایشلِر اِتدی، شِیطانینگ حُکومدارلیغیندان عاذاپ چِکیَنلِرینگ بارینا شِفا بِردی، سِبَبی خودای اُنونگ بیلِندی.‏

لوقا 8:1

بو واقادان سُنگرا عیسی شَهرلِری و اُبالاری آیلانیپ، خودایینگ پادیشاهلیغی باراداقی خوش خاباری واغیظ اِتمَگه باشلادی.‏ اُن ایکی شَگیردی هِم اُنونگ یانیندادی.‏

مَتّیٰ 9:35

عیسی شَهرلِر و اُبالارینگ بارینی آیلانیپ، اُل یِردَکی کِنیسه‌لِرده تَعلیم بِریَردی.‏ آسمانینگ پادیشاهلیغی حاقدَکی خوش خاباری واغیظ اِدیپ، هِر هیلی دِردلِره و مِریضچیلیکلِره شِفا بِریَردی.‏

۲ تِسالونیکیلِر 3:10

بیز حتّیٰ سیزینگ یانینگیزداقاق:‏ ‏«‏کیم ایشلِمِجِک بُلسا، داماق-دا اییمِسین»‏ دییّپ تابشیریپدیق.‏

۲ تِسالونیکیلِر 3:6

اِی عزیزلِر، بیکَر گِزیپ، بیزینگ تَعلیماتیمیزا گُرَه یاشامایان هِر بیر دُغاندان داش دورماغی تانگریمیز عیسی مسیحینگ آدیندان سیزه تابشیریاریس.‏

۱ تِسالونیکیلِر 4:2

تانگری عیسانینگ هایسی گِلِن حُکوملِرینی سیزه بِرِنیمیزی بیلیَرسینگیز آخیرین.‏

رِسول‍لار 10:42

عیسی اُزونینگ خودایینگ اِراداسی بیلِن دیریلِرینگ هِم، اُلولِرینگ هِم قاضیسیدیغینی خالقا واغیظ اِدیپ، شاهاتلیق اِتمِگیمیزی تابشیردی.‏

رِسول‍لار 1:2

اُل آسمانا گُتِریلمِزدِن اُنگ، مُقادِّس روحونگ اوستو بیلِن اُز سایلان رِسول‍لارینا تابشیریقلار بِردی.‏

یوحنا 15:14

اِگِر حُکوملِریمی بِرجای اِتسِنگیز، مِنینگ دُستلاریم بُلارسینگیز.‏

یوحنا 15:10

مِن آتامینگ حُکوملِرینی بِرجای اِدیپ، اُنونگ سُیگوسینه وِفالی بُلشوم یالی، سیز هِم حُکوملِریمی بِرجای اِتسِنگیز، مِنینگ سُیگیمه وِفالی بُلارسینگیز.‏

مَتّیٰ 28:20

سیزه حُکوم اِدِن هِمّه زاتلاریمی بِرجای اِتمِگی اُلارا اُورِدینگ.‏ مِن دونیَه‌نینگ آخیرینا چِنلی هِمیشه سیزینگ بیلِن بُلارین.‏»‏

مَتّیٰ 7:28

عیسی بولاری گورّونگ بِریپ قوتاراندا، جِماغات اُنونگ تَعلیماتینا حایران قالدی،

مَتّیٰ 4:23

عیسی هِمّه جلیلی آیلانیپ چیقدی، اُل یِردَکی کِنیسه‌لِرده تَعلیم بِردی و آسمانینگ پادیشاهلیغینینگ خوش خابارینی واغیظ اِتدی، خالقینگ آراسینداقی هِر هیلی دِردلِری و مِریضچیلیکلِری شِفا بِردی.‏

۱ تیموتاوس 6:14

تانگریمیز عیسی مسیح گِلیَنچَه، اُزونگه تابشیلانلاری لِکّه‌سیز و عایپسیز بِرجای اِت.‏

مَرقُس 6:12

شونلوق بیلِن، اُلار یُلا دوشدولِر و هِمّه آداملاری توبا چاغیریپ، واغیظ اِتمَگه باشلادیلار.‏

لوقا 23:5

اِمّا اُلار قایتا-قایتا آیدیپ:‏ ‏«‏بو آدام اُز تَعلیماتی بیلِن تامام یهودیه‌نینگ خالقینی آزدیریار.‏ اُل جلیل‌دِن باشلاپ، شو یِره چِنلی گِلدی»‏ دییدیلِر.‏