لوقا 9:26 - مُقادِّس کیتاب

²⁶ کیم مِندِن و مِنینگ سُزلِریمدِن اوتانسا، اینسان اُغلی-دا اُزونینگ، آتاسینینگ و مُقادِّس پِریشده‌لِرینگ بِییکلی بیلِن گِلِن ماحالی اُندان اوتانار.‏

لوقا 9:26 Referans Kwoze

۲ تیموتاوس 2:12

زَحمِتلِره جیدایان بُلساق، اُنونگ بیلِن بیله هِم شاهلیق اِدِریس.‏ اِگِر اُنی اینکَر اِتسِک، اُل هِم بیزی اینکَر اِدِر.‏

رومیلار 1:16

مِن خوش خاباردان اوتانمایارین، سِبَبی اُل خودایینگ گویجودیر.‏ خودای بو خوش خابارینگ اوستو بیلِن هِر بیر ایمان گِتیرِنی:‏ اَوَّل یَهودیلِری، سُنگرا یَهودی دَل‍لِری نِجات بِریَر.‏

مَرقُس 8:38

بو زیناکَر و گونَه‌کَر نِسلینگ آراسیندا کیم مِندِن و مِنینگ سُزلِریمدِن اوتانسا، اینسان اُغلی-دا آتاسینینگ بِییکلیگیندَه مُقادِّس پِریشده‌لِری بیلِن گِلِن ماحالی اُندان اوتانار.‏»‏

آیانلیق 21:8

اِمّا قُرقیانلارینگ، ایمانسیزلارینگ، فاسیقلارینگ، قاتل‍لارینگ، زیناکَرلِرینگ، جادوگَرلِرینگ، بُت‌پَرَستلِرینگ و هِمّه یالانچیلارینگ جایلاری یانیپ دوران کوکورت و اُدلی دِریاچا بُلار.‏ ایکینجی اُلوم، اینه، بودور.‏»‏

مَتّیٰ 16:27

اینسان اُغلی آتاسینینگ بِییکلینده اُز پِریشده‌لِری بیلِن گِلِنده، هِر کیمه اِدِن ایشلِرینه گُرَه حاقینی بِرِر.‏

مَتّیٰ 25:31

‏«‏اینسان اُغلی اُز بِییکلیگینده شایلانیپ، هِمّه پِریشده‌لِر بیلِن گِلِر-ده، بِییک تاختیندا اُتورار.‏

یوحنا 12:43

چونکی اُلار اینسانلارینگ اُوگوسینی خودایینگ اُوگوسیندِن قاوی گُردولِر.‏

آیانلیق 20:11

سُنگرا مِن اولی آق تاخت و اُنونگ اوستونده اُتورانی گُردوم.‏ یِر و آسمان اُنونگ حوضوریندان ییتیپ گیتدی، اُلاری سُنگرا تاپیپ-دا بُلمادی.‏

یهودا 1:14

آدام آتادان سُنگرا یِدینجی نِسل بُلان خَنوخ هِم بو آداملار حاقدا اُنگدِن شِیله خابار بِریپدیر:‏ ‏«‏اینه، تانگری مونگلِرچه مونگلِر اُز مُقادِّسلِری بیلِن گِلیَر.‏

۲ تیموتاوس 1:12

اِدیل شو سِبَبه گُرَه زَحمِت بارینی گُریَن بُلسام-دا، موندان آصلا اوتانمایارین، سِبَبی کیمه ایمان گِتیرِنیمی بیلیَرین.‏ اُنونگ مانگا تابشیران زادینی قیامات گونونه چِنلی ساقلاماغی باشارجاقدیغینا گویچلی اینانیارین.‏

آیانلیق 3:5

یِنگیپ چیقان آدام هِم آق لِباسا گِیینِر.‏ مِن اُنونگ آدینی یاشاییش کیتابیندان پُزمارین و آتامینگ و اُنونگ پِریشده‌لِرینینگ حوضوریندا تاصدیقلارین.‏

آیانلیق 1:7

اینه، اُل بولوتلارینگ آراسی بیلِن گِلیَر!‏ اُنی هِمّه‌لِر، حتّیٰ اُنگا نایزا چومدیرِنلِر هِم گُرِرلِر.‏ دونیَه‌نینگ هِمّه خالقلاری اُل سِبَپلی آغلارلار.‏ بو دُغرودان-دا شِیله بُلار!‏ اَمین.‏

غَلاطیه‌لِر 6:14

مِن بُلسا تانگریمیز عیسی مسیحینگ صلیبیندِن باشغا زات باباتدا آصلا قاباراسیم گِلمِیَر.‏ شو صلیبینگ اوستو بیلِن مِن بو دونیَه اوچین، بو دونیَه-دَه مِنینگ اوچین اُلودیر.‏

مَتّیٰ 26:64

عیسی اُنگا:‏ ‏«‏سِن اُزونگ شونی آیدیارسینگ، یُنه سیزه شونی آیدایین، موندان سُنگ سیز اینسان اُغلونینگ قودراتلی‌گویچلینینگ ساغیندا اُتورانینی و آسمانینگ بولوتلاریندا گِلیَنینی گُرِرسینگیز!‏»‏ دییدی.‏

عِبرانیلار 13:13

گِلینگ، بیز هِم اُنونگ جیدان رُسوا اِدیلمِلِرینه جیداپ، اُردوگاهدان داشاری، اُنونگ یانینا گیدِیلینگ.‏

عِبرانیلار 11:26

موسی مسیحینگ اوغروندا رُسوا اِدیلمِلِرینی مصرینگ خازینالاریندان خاص اولی بایلیق حاساپلادی، سِبَبی اُل اُزونینگ آلجاق بِییک بایراغینا اومید باغلایاردی.‏

۲ قُرِنتُس‌لار 12:10

شو سِبَپدِن مِن مسیحینگ خاطیراسینا اِجیزلیکلِره، تُهمِتلِره، مَحتَجلیکلِره، آزارلانمالارا، قینچیلیقلارا راضیدیرین.‏ چونکی مِن اِجیزکَم، شُندا گویچلیدیرین!‏

یوحنا 5:44

سیز بیری-بیرینگیزدِن اُوگولِر قابول اِدیَرسینگیز، اِمّا یِکه خودایینگ اُوگوسینی قازانماغا چالیشمایارسینگیز.‏ اُنسُنگ نَدیپ سیزده ایمان بُلسون؟

رِسول‍لار 10:22

اُلار:‏ ‏«‏بیزی اَفسَر کُرنیلیوس ایبِردی.‏ اُل دُغری و خودایا عیبادات اِدیَن آدام، یَهودی خالقینینگ آراسیندا هِم اُنونگ آبرایی اولودیر.‏ خودایینگ بیر پِریشده‌سی اُنگا:‏ ‏”‏پِطرُسی اُیونگه چاغیریپ، اُنونگ آیتجاق سُزلِرینی دینگله“‏ دییّپ آیتدی»‏ دییدیلِر.‏

۱ تیموتاوس 5:21

شو تابشیریقلاری بِرجای اِدِنینگده، مِسِلَنینگ دویبینَه یِتمَن، هیچ کیمی گونَه‌کَرلِمه، طارافکِشلیک اِتمه.‏ اینه، شولارینگ بارینی خودایینگ، عیسی مسیحینگ و سایلانان پِریشده‌لِرینگ اُوونده سانگا قاییم تابشیریارین.‏