لوقا 8:13 - مُقادِّس کیتاب

¹³ داشلی یِره دوشِنلِر بُلسا سُزی اِشیدِنلِرینده، شاتلیق بیلِن قابول اِدیَن آداملاردیر.‏ یُنه اُلار کُک اورماندیغی اوچین، آز واقتلایین ایمان گِتیریپ، ایمتِحان واقتی ایماندان دَنیَرلِر.‏

لوقا 8:13 Referans Kwoze

یوحنا 5:35

یحیی نور سِچیَن ایشیق یالیدی.‏ سیز آز سالیم هِم بُلسا، اُنونگ نوروندا شاتلیق ایسلِدینگیز.‏

یهودا 1:12

بو آداملار سیزینگ اوچین قُرقونچدیر، اُلار اُز قارینلارینی دُیورماق اوچین سیزینگ بیلِن ضیافات اویشمِلِکلِرده اییّپ-ایچیَرلِر.‏ یِل بیلِن کُولان یاغمییانسیز بولوتلار کیمین، گویزده میوه بِرمِیَن باغلار کیمیندیرلِر.‏ اُلار ایکی گِزِک اُلِن و کُکوندِن قُفاریلیپ زینگالاندیرلار.‏

۲ پِطرُس 2:22

اینه:‏ ‏«‏ایت اُز قوسوغینا دُلانیپ گِلِر»‏، شِیله هِم:‏ ‏«‏یوونان دُنگوز یِنه باتغا بولاشماغا گِلِر»‏ دییِن ناقیل‍لارینگ حاقیقاتدیغینی اُلار اُز دورموشیندا بِلّی اِتدیلِر.‏

۲ پِطرُس 2:20

آداملار تانگریمیز هِم نِجات بِریَنچیمیز عیسی مسیحی تانیماقینگ اوستو بیلِن دونیَه‌نینگ تِلِکه‌لیکلِریندِن قاچیپ سیپدیلار.‏ اِگِر اُلار موندان سُنگرا هِم یِنه شونونگ یالی ایشلِره اِل اورسا و گونَه‌نینگ قولی بُلسالار، اُندا اُلارینگ آخیرقی یاغدایی اُوالقی یاغداییندان-دا بِتِر بُلار.‏

عِبرانیلار 10:39

بیز ایماندان دَنیپ، هِلَک بُلیان دَل-ده، ایمانیمیزا وِفالی بُلوپ، نِجات تاپیان آداملارداندیریس.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

یعقوب 2:26

اِدیل روحسیز بِدِنینگ اُلی بُلشی یالی، عِمِلسیز ایمان هِم اُلودیر.‏

۱ تیموتاوس 1:19

ایماندا قاییم دوروپ، وِجدانینگی پَک ساقلا.‏ کَبیر آداملار وِجدانلارینی آیاق آشاق قُیاندیغی اوچین، ایمانلاری قایا اورلان کِشتی کیمین آورام-آورام بُلدی.‏

۱ تِسالونیکیلِر 3:5

شُنگا گُرَه-ده، موندان کَن جیداپ بیلمَن، ایمانینگیزدان خابار آلماق اوچین، مِن تیموتاوسی یانینگیزا ایبِردیم.‏ چونکی وِسوِسه‌چی شِیطانینگ هایسیدیر بیر یُل بیلِن سیزی وِسوِسه اِدیپ، قینچیلیغیمیزینگ بیدِرِک بُلجاغیندان قُرقدوم.‏

کولُسیلِر 2:7

شوکورلِر بیلِن دُلوپ-آقیپ، مسیحده کُک اورونگ و اُسونگ، اُزونگیزه اُورِدیلیشی یالی، ایماندا قاییم دورونگ.‏

غَلاطیه‌لِر 3:4

اُندا باشدان گِچیرِنلِرینگیزینگ باری بیدِرِک بُلایدیمیقا؟ واخ، اِلبِتّه بیدِرِک دَل!‏

غَلاطیه‌لِر 3:1

اِی عاقیلسیز غَلاطیه‌لِر!‏ سیزینگ گُزونگیزی کیم باغلادی؟ مِن سیزه خوش خاباری واغیظ اِدِنیمده، صلیبه چویلِنِن عیسی مسیحی اِدیل اُز گُزونگیز بیلِن گُریَن یالیدینگیز آخیرین!‏

۱ قُرِنتُس‌لار 15:2

سیزه واغیظ اِدِن خوش خاباریمی اِگِر قاییم توتسانگیز، اُنونگ اوستو بیلِن نِجات تاپارسینگیز.‏ اِمّا توتماسانگیز، بیدِرِک یِره ایمان گِتیردیگینگیز بُلار.‏

یوحنا 15:6

کیم مِنده یاشاماسا، کِسیلِن شاخا کیمین زینگیلیپ، قورار.‏ قوران شاخالاری بُلسا ییغناپ، اُدا یاقارلار.‏

یوحنا 15:2

اُل مِنینگ میوه بِرمِیَن هِر بیر شاخامی کِسیپ زینگیار، میوه بِریَنینی بُلسا کَن میوه بِرِر یالی اُل اُنی پَکلِیَر.‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

۱ قُرِنتُس‌لار 13:2

اِگِر نبوّتلیق ناغماتیم بُلوپ-دا، هِمّه سیرلاری و عیلیملاری بیلیپ-ده، داغلاری سویشورمَگَه گویچلی ایمانیم بُلوپ-دا، سُیگیم بُلماسا، مِن هیچدیرین.‏

مَرقُس 6:20

سِبَبی هیرودیس یحیانینگ دُغری هِم مُقادِّس آدامدیغینی بیلیپ، اُندان قُرقاردی و اُنی قُریدی.‏ اُنی دینگلِدیگیچه، پِریشان بُلیاردی، اِمّا شُندا-دا هُوِس بیلِن دینگلَردی.‏

۱ یوحنا 2:19

اُلار بیزینگ آرامیزدان گیتدیلِر، آصلیندا-دا بیزه دِگیشلی دَلدیلِر.‏ دِگیشلی بُلسادیلار، بیزینگ آرامیزدا قالاردیلار.‏ اِمّا چیقیپ گیتمِکلِری اُلارینگ هیچ بیرینینگ بیزه دِگیشلی دَلدیگینی اَشکَر اِتدی.‏

لوقا 8:12

یُلونگ اوستونه دوشِن تُخوملار سُزی اِشیدیَن آداملاردیر.‏ اِمّا شِیطان گِلیپ، ایمان گِتیرمِسینلِر و نِجات تاپماسینلار دییّپ، اُلارینگ قالبیندان سُزی سُغروپ آلیار.‏

لوقا 8:14

تیکِنِکلیگینگ آراسینا دوشِنلِر بُلسا سُزی اِشیدیَنلِردیر، اِمّا عُمورونگ قایغیلاری، بایلیقلاری، کِیپی-صاپاسی اُلاری باردیغچا بُغیار، اُلار حاصیل بِرمِیَرلِر.‏