لوقا 7:16 - مُقادِّس کیتاب

¹⁶ هِمّه‌لِرینه قُرقی باسدی.‏ اُلار:‏ ‏«‏آرامیزدا اولی بیر نِبی گُروندی!‏ خودای اُز خالقینا ناظار سالدی»‏ دییّپ، خودایی اُودیلِر.‏

لوقا 7:16 Referans Kwoze

لوقا 7:39

عیسانی چاغیران فَریسی مونی گُروپ:‏ ‏«‏اِگِر بو آدام نِبی بُلیان بُلسا، اُزونی اِلِّیَن آیالینگ کیمدیگینی، نَهیلیدیگینی بیلِردی.‏ بو آیال گونَه‌کَر آخیرین»‏ دییّپ، ایچینده کِپلِدی.‏

مَتّیٰ 9:8

مونی گُرِن جِماغات حایران قالدیلار.‏ اُلار اینسانا شِیله ایختییاری بِرِن خودایا شوکور اِتدیلِر.‏

لوقا 1:68

‏«‏اسرائیل‌ینگ تانگریسی خودایا شوکورلِر بُلسون!‏ چونکی اُل اُز خالقینا ناظار سالیپ، آزاد اِتدی.‏

لوقا 5:26

هِمّه آداملار حایران قالیپ، خودایی اُودیلِر.‏ اُلاری قُرقی قاپلاپ آلدی، اُلار:‏ ‏«‏بو گون شِیله بیر گِنگ زاتلار گُردوک»‏ دییّشدیلِر.‏

لوقا 2:20

چُپانلار هِمّه زادی گُروپ-اِشیدِنلِرینینگ اُزلِرینه آیدیلیشی یالی بُلاندیغی اوچین، خودایی اُودیلِر و شوکورلِر اِدیپ، ایزلارینا دُلاندیلار.‏

لوقا 1:65

هِمسایالارینگ هِمّه‌سینی قُرقی قاپلادی.‏ یهودیه داغلیغینینگ هِمّه یِرینده بو بُلان واقالارینگ باریسی حاقدا گورّونگ اِدیلدی.‏

مَتّیٰ 21:11

جِماغات بُلسا اُلارا:‏ ‏«‏بو جلیل‌ینگ ناصِره شَهریندِن بُلان عیسی نِبی»‏ دییَّردی.‏

مَتّیٰ 15:31

خالق لال‍لارینگ کِپلِیَندیگینی، ماییپلارینگ شِفا تاپاندیغینی، کُرلِرینگ گُریَندیگینی، آغساقلارینگ یُریَندیگینی گُروپ حایران قالدیلار.‏ اُلار اسرائیل خودایینی اُودیلِر.‏

غَلاطیه‌لِر 1:24

و اُلار خودایی مِنده گُروپ، خودایا اُوگی آیتدیلار.‏

رِسول‍لار 5:5

حَنانیا بو سُزلِری اِشیدِن واقتیندا، یِره ییقیلیپ جان بِردی.‏ بو واقانی اِشیدِنلِرینگ بارینی قاتی قُرقی داش-تُوِرِکلِرینی آلدی.‏

یوحنا 9:17

اُلار یِنه-ده کُردِن:‏ ‏«‏گُزونگی آچان شُل آدام بارادا نَمه دییَّرسینگ؟»‏ دییّپ سُرادیلار.‏ اُل هِم:‏ ‏«‏اُل بیر پیغامبار»‏ دییدی.‏

یوحنا 6:14

عیسانینگ بو عالاماتینی گُرِن آداملار:‏ ‏«‏حاقیقاتدان-دا، دونیَه گِلمِلی پیغامبار شودور»‏ دییدیلِر.‏

یوحنا 4:19

آیال:‏ ‏«‏اِی آقا، گُریَرین سِن نِبیسینگ.‏

یوحنا 1:25

‏«‏سِن مسیحِم، اِلیاس‌ام، قاراشیلیان پیغامبارام دَل بُلسانگ، اُندا نَمه اوچین آداملاری تَعمید بِریَرسینگ؟»‏ دییّپ سُرادیلار.‏

یوحنا 1:21

اُلار اُندان:‏ ‏«‏اُندا سِن کیم؟ بِلکی، اِلیاس‌سینگ؟»‏ دییّپ سُرادیلار.‏ یحیی:‏ ‏«‏یُق»‏ دییّپ جُغاپ بِردی.‏ اُلار یِنه-ده:‏ ‏«‏اُندا شُل قاراشیلیان پیغامبارمینگ؟»‏ دییّپ سُرادیلار.‏ اُل:‏ ‏«‏یُق، مِن اُل دَل»‏ دییّپ جُغاپ بِردی.‏

لوقا 24:19

عیسی اُلاردان:‏ ‏«‏هایسی واقالار؟»‏ دییّپ سُرادی.‏ اُلار شِیله جُغاپ بِردیلِر:‏ ‏«‏ناصِره‌لی عیسی حاقدَکی واقالار.‏ اُل خودایینگ و هِمّه خالقینگ ناظاریندا سُزده هِم ایشده گویچلی پیغامباردی.‏

لوقا 9:19

اُلار:‏ ‏«‏کَبیرلِری یحیی تَعمید بِریَنچی، کَبیرلِری اِلیاس، باشغا بیرلِری بُلسا قادیمی پیغامبارلارینگ بیری دیرِلیپدیر دییَّر»‏ دییّپ جُغاپ بِردیلِر.‏

لوقا 8:37

سُنگرا جَدَریلیلِرینگ هِمّه ایلاتی عیسادان اُز یانلاریندان گیتمِگینی خاییش اِتدیلِر، سِبَبی اُلاری اولی قُرقی توتوپ آلیپدی.‏ عیسی هِم قاییقا مینیپ، ایزینا گیتدی.‏

لوقا 5:8

شمعون پِطرُس مونی گُرِنده، عیسانینگ آیاغینا ییقیلیپ:‏ ‏«‏اِی آقام!‏ مِنینگ یانیمدان آیریل، مِن بیر گونَه‌لی آدام!‏»‏ دییدی.‏

مَتّیٰ 28:8

آیال‍لار قُرقی هِم شاتلیق بیلِن هاولوغیشیپ، قابردان اوزاقلاشدیلار.‏ اُلار یُرتیشیپ، عیسانینگ شَگیرتلِرینه خابار بِرمَگه گیتدیلِر.‏

رِسول‍لار 7:37

‏«‏اینه، اسرائیل خالقینا:‏ ‏”‏خودای سیزینگ اوچین اُز خالقینگیزینگ آراسیندان مِنینگ یالی بیر پیغامبار چیقارار“‏ دییّپ آیدان هِم شو موسادیر.‏

لوقا 19:44

اُلار سِنی وِیران اِدیپ، سِنینگ ایچینگدَکی اُغلانلاری قیریپ زینگارلار.‏ سِنده داش اوستونده داش قُیمازلار، سِبَبی سِن خودایینگ سانگا گِلِن واقتینی بیلمِدینگ.‏»‏

لوقا 7:15

سُنگرا مِرحوم توروپ، کِپلِمَگه باشلادی.‏ عیسی اُنی اِنه‌سینه قایتاریپ بِردی.‏