لوقا 5:29 - مُقادِّس کیتاب

²⁹ لاوی اُز اُیونده عیسی اوچین بیر اولی میهمانچیلیق قوردی.‏ ساچاغینگ باشیندا اُلار بیلِن بیرتُپار مالییات آلیانچیلار و باشغا-دا کَن آداملار ناهار اییّپ اُتیردیلار.‏

لوقا 5:29 Referans Kwoze

لوقا 15:1

هِمّه مالییات آلیانچیلار بیلِن گونَه‌کَرلِر عیسانینگ آیدیان زاتلارینی دینگلِمِک اوچین، اُنونگ داشینا اویشیَردیلِر.‏

۱ قُرِنتُس‌لار 10:27

اِگِر ایمان گِتیرمِدیکلِرینگ بیری سیزی ناهارا چاغیرسا، سیز-ده گیتمِگی ایسلِسِنگیز، اُوونگیزده قُیلان زاتلاری چِکینمَن اییّبِرینگ.‏ دویبینه یِتجِک بُلوپ، وِجدانینگیزی حُرلامانگ.‏

یوحنا 12:2

اُل یِرده عیسانینگ حُرماتینا ناهار بِریلدی.‏ مارتا خیدمات اِدیَردی، ایلعازار بُلسا میهمانلار و عیسی بیلِن بیر ساچاغینگ باشیندا اُتیردی.‏

مَرقُس 2:15

اُل یِرده بیرنَچَه مالییات آلیانچیلار و گونَه‌کَرلِر-ده باردی.‏ بیر گون عیسی لاوینینگ اُیونده ساچاق باشیندا اُتیرقا، اُلار هِم گِلیپ، اُنونگ شَگیرتلِری بیلِن بیرلیکده عیسی بیلِن اُتوردیلار.‏ اُنونگ ایزینا دوشِنلِرینگ سانی قاتی کَندی.‏

مَتّیٰ 9:10

عیسی مَتّیٰ‌نینگ اُیونده ساچاق باشیندا اُتیرقا، نَچَه مالییات آلیانچیلار، گونَه‌کَرلِر گِلیپ، عیسی و اُنونگ شَگیرتلِری بیلِن بیله اییّپ-ایچدیلِر.‏

مَتّیٰ 5:46

سیز اُزونگیزی سُییَنلِری سُییَن بُلسانگیز، اُندا نَمه سیلاق آلارسینگیز؟ مالییات آلیانچیلار-دا شِیله اِتمِیَرمی نَمه؟

مَتّیٰ 9:9

عیسی شُل یِردِن گِچیپ باریارقا، مالییات آلیپ اُتوران مَتّیٰ‌نی گُروپ، اُنگا:‏ ‏«‏مِنینگ ایزیما دوش»‏ دییدی.‏ اُل هِم توروپ، اُنونگ ایزینا دوشدی.‏

مَتّیٰ 11:19

اینسان اُغلی گِلدی، اُل هِم اییَّر، هِم ایچیَر، اُلار اُنگا:‏ ‏”‏اینه، بو اییِگِنه و عاراقخُرا سِراِدینگ!‏ اُل مالییات آلیانچیلار و گونَه‌کَرلِر بیلِن دُست بُلدی“‏ دییَّرلِر.‏ اِمّا حِکمِتینگ حاقدیغی اُز عِمِل‍لِری بیلِن تاصدیقلانار.‏»‏