لوقا 5:1 - مُقادِّس کیتاب

¹ بیر گون عیسی جِنیسارِت دِریاسینینگ کِناریندا واغیظ اِدیَرکَه، خالق خودایینگ سُزونی دینگلِمِک اوچین، اُنونگ داشینا اویشدیلِر.‏

لوقا 5:1 Referans Kwoze

مَرقُس 3:9

عیسی جِماغاتینگ ایچینده قیسیلمازلیق اوچین، اُز شَگیرتلِرینه بیر قاییق حَضیرلاپ قُیماغی تابشیردی.‏

مَتّیٰ 14:34

اُلار دِریانینگ بِیلِکی طارافینا گِچیپ، جِنیسارِت یوردونا باردیلار.‏

مَرقُس 6:53

اُلار دِریانینگ بِیلِکی طارافینا قاییق بیلِن گِچیپ، جِنیسارِت یوردونا باردیلار و اُل یِرده لِنگِر اُقلادیلار.‏

مَتّیٰ 11:12

یحیی تَعمید بِریَنچینینگ گونلِریندِن تا بو واقتا چِنلی آسمانینگ پادیشاهلیغی اُوه گویچلی گیدیَر و ظالیم آداملار اُنگا هوجوم گِتیریپ اُز اِل‍لِرینه گِچیرجِک بُلیارلار.‏

لوقا 12:1

شُل واقت مونگلِرچه آدام اویشوپ، بیری-بیرلِرینه قیسیلیشیپ دوردیلار.‏ عیسی اَوَّل اُز شَگیرتلِرینه گورّونگ بِرمَگه باشلادی:‏ ‏«‏اُزونگیزی فَریسی‌لِرینگ خامیرمایاسیندان، یَعنی ایکی‌یوزلیلیکدِن قُرانگ.‏

مَرقُس 5:24

عیسی بو آدام بیلِن گیتدی.‏ ایزینا دوشوپ گِلیَن اولی جِماغات اُنی هِر یاندان قیسیپ-قاوروپ باریاردی.‏

لوقا 8:45

عیسی:‏ ‏«‏مانگا کیم اِلینی دِگیردی؟»‏ دییّپ سُرادی.‏ هیچ کیم بُیون آلمادی.‏ شُندا پِطرُس:‏ ‏«‏اُستاد!‏ خالق داشینگی آلیپ، سِنی قیسیپ-قاوروپ باریار، سِن بُلسا:‏ ‏”‏مانگا کیم اِلینی دِگیردی؟“‏ دییَّرسینگ»‏ دییدی.‏

مَرقُس 4:1

عیسی دِریانینگ کِنارسیندا خالقا یِنه اُورِتمَگه باشلادی.‏ داشینا شِیله اولی جِماغاتینگ اویشِندیگی اوچین دِریاداقی بیر قاییقا مینیپ اُتوردی.‏ هِمّه جِماغات بُلسا دِریانینگ کِنارسیندا، قوری یِرده دوردی.‏

لوقا 5:2

شُندا عیسی دِریانینگ کِناریندا دوران ایکی قاییقی گُردی.‏ بالیقچیلار قاییقلاردان دوشوپ، تُرلارینی یوووپ دوردیلار.‏

لوقا 8:22

بیر گون عیسی شَگیرتلِری بیلِن قاییقا مینیپ، اُلارا:‏ ‏«‏گِلینگ، دِریانینگ بِیلِکی طارافینا گِچِلینگ»‏ دییدی.‏ شِیدیپ، اُلار یُلا دوشدولِر.‏

لوقا 8:23

اُلار قاییقدا مینیپ باریارقالار، عیسی اوقا گیتدی.‏ دِریادا بیردِن گویچلی طوفان توردی.‏ قاییق بُلسا سودان دُلوپ باشلادی، اُلار قُرقولی یاغدایا دوشدولِر.‏

لوقا 8:33

اُلار یانگقی آدامدان چیقیپ، دُنگوزلارا گیردیلِر.‏ شُندان سُنگ سوری قایادان دِریایا زینگیشیپ غارق بُلدیلار.‏

یوحنا 1:40

یحیادان عیسی حاقدا اِشیدیپ، اُنونگ ایزینا دوشوپ گیدِنلِرینگ بیری شمعون پِطرُسینگ دُغانی آندرِیاسدی.‏

یوحنا 6:1

شوندان سُنگ عیسی جلیل دِریاسینینگ بِیلِکی طارافینا گِچدی.‏ بو دِریایا تیبِریه دِریا هِم دییّلیَردی.‏

عِبرانیلار 13:7

خودایینگ سُزونی سیزه یِتیرِن یُلباشچیلارینگیزی یادا سالینگ.‏ اُلارینگ نَهیلی قاوی دورموشدا یاشاپ گِچِندیگی بارادا فیکر اِدینگ.‏ اُلارینگ ایمانلاریندان نِمونه آلینگ.‏