46 مریم شِیله دییدی: «جانیم خودایی بِیگِلدیَر،
شونلوقدا، مُقادِّس یازغیلاردا یازیلیشی یالی: «هِر کیم قووانیان بُلسا، دینگه مسیحه قووانسین».
مسیحده هِمیشه شاتلانینگ. یِنه-ده قایتالایارین: شاتلانینگ!
موندان باشغا-دا، بیز خودایینگ تانگریمیز عیسی مسیحینگ اوستو بیلِن اِدِن ایشلِرینه بِگِنیَریس، سِبَبی اُل بیزی خودای بیلِن یاراشدیردی.
سیز مسیحی گُرمِدیک بُلسانگیز هِم، اُنی سُییَرسینگیز. حتّیٰ اُنی شو واقت گُرمِسِنگیز-ده، اُنگا ایمان گِتیریَرسینگیز و سُز بیلِن تعریفلاپ بُلماجاق بِییک شاتلیقدان دُلوپ-آقیارسینگیز.
بیز مُقادِّس روح بیلِن خودایا عیبادات اِدیپ، عیسی مسیحه قووانیاریس و اُز اینسانلیغیمیزا دایانمایاریس. شُنگا گُرَه-ده حاقیقی سونِّتلیلِر بیزدیریس!
یُنه خودایا شوکور! اُل مسیحینگ اوستونلیک یُلوندان بیزی اِلمیداما یُریدیَر. خودای اُزی باراداقی بیلیمی بیزینگ اوستومیز بیلِن هِمّه یِره عاطیر کیمین یایراتیار.
قُی، پاراحاتلیغینگ چِشمه‌سی بُلان خودای سیزی هِمّه طارافدان پَکلِسین. تانگریمیز عیسی مسیح گِلِنده روحونگیز، جانینگیز و بِدِنینگیز عایپسیز بُلسون.
