یوحنا 8:12 - مُقادِّس کیتاب

¹² عیسی یِنه-ده خالقا یوزلِنیپ:‏ ‏«‏دونیَه‌نینگ نوری مِندیرین.‏ مِنینگ ایزیما دوشِن قارانگقیلیقدا گِزمِز، اُندا یاشاییش نوری بُلار»‏ دییدی.‏

یوحنا 8:12 Referans Kwoze

یوحنا 12:46

مانگا ایمان گِتیرِن هِر کِس قارانگقیلیقدا قالماسین دییّپ، مِن دونیَه نور بُلوپ گِلدیم.‏

یوحنا 9:5

مِن دونیَه‌دِکَم، دونیَه‌نینگ نوری مِندیرین»‏ دییّپ جُغاپ بِردی.‏

یوحنا 12:35

عیسی اُلارا:‏ ‏«‏نور سیزینگ آرانگیزدا یِنه آز واقت بُلار.‏ نور بارقا، نوردا گِزینگ، شُندا اوستونگیزی قارانگقیلیق باسماز.‏ چونکی قارانگقیلیقدا گِزیَن اُزونینگ نیرَه باریانینی بیلیَن دَلدیر.‏

مَتّیٰ 5:14

‏«‏سیز دونیَه‌نینگ نوریسینگیز.‏ دِپه‌ده قورلان شَهری گوزگَپ بُلماز.‏

یوحنا 3:19

مَحکوملیک، اینه، بودیر:‏ دونیَه نور گِلدی، اِمّا آداملار قارانگقیلیغی نوردان خاص قاوی گُردولِر، سِبَبی اُلارینگ ایشلِری یامانلیقدی.‏

۲ پِطرُس 2:4

خودای حتّیٰ گونَه ایش اِدِن پِریشده‌لِره-ده رِحم اِتمِدی.‏ قیامات گونونگ مَحکِمه‌سینه چِنلی ساقلانسینلار دییّپ، اُلاری زینجیرلاپ، دُوزاخینگ توم قارانگقی گِردابینا باغلاپ قُیدی.‏

رِسول‍لار 13:47

چونکی خودای بیزه شِیله تابشیریق بِردی:‏ یِرینگ آنگری طارافینا چِنلی نِجات بِرمِک اوچین، سِنی میلِّتلِره نور اِتدیم.‏»‏

رِسول‍لار 26:23

اُلار هِم مسیحینگ قینچیلیق گُرمِلیدیگینی، اَوَّلکی بُلوپ اُلومدِن دیرِلیپ، اُز خالقینا و باشغا میلِّتلِره خودایینگ نورینی اِعلان اِتمِلیدیگینی آیان اِدیپدیلِر.‏»‏

یوحنا 14:6

عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

یوحنا 7:17

خودایینگ ایسلِگینی بِرجای اِتمِک ایسلِیَن آدام مِنینگ تَعلیم بِریَنلِریمینگ خودایداندیغینا یا-دا اُزومدِندیگینه گُز یِتیرِر.‏

آیانلیق 21:24

خالقلار بو شَهرینگ نوریندا گِزِرلِر.‏ دونیَه‌نینگ پادیشاهلاری اُنگا اُز هِمّه بِییکلیگینی گِتیرِرلِر.‏

لوقا 2:32

بیگانه میلِّتلِره آیانلیق بِرجِک، خالقینگ اسرائیلی بِییکلِندیرجِک نوری گُردوم.‏»‏

یهودا 1:13

اُلارینگ شِر ایشلِری بولانچاق سو مُوجلِری یالی اَشکَر بُلیار و اُزلِری-ده سِرگِردان ییلدیزلار کیمیندیر.‏ توم قارانگقیلیق اُلار اوچین اِبِدیلیک ساقلانیار.‏

۲ پِطرُس 2:17

بو آداملار بُلسا قوراپ قالان چِشمه‌لِردیر و گویچلی یِلینگ کُویان اوموردیر.‏ دُوزاخدا توم قارانگقیلیق شُلار اوچین ساقلانیاندیر.‏

یهودا 1:6

اولی مِرتِبه‌لِرینی ساقلامان، مِسکِن توتان یِرلِرینی تِرک اِدِن پِریشده‌لِری هِم اُل توم قارانگقیلیقدا زینجیرلار بیلِن اِبِدیلیک باغلادی.‏ اُلاری قیامات گونونگ مَحکِمه‌سینه چِنلی شُل یِرده ساقلایار.‏

یوحنا 12:36

نور هِنیز یانینگیزداقا، نورا ایمان گِتیرینگ، شُندا نورینگ فِرزِنتلِری بُلارسینگیز»‏ دییدی.‏ عیسی بولاری آیدانسُنگ، اُلارینگ یانلاریندان گیدیپ گوزگِندی.‏

۱ یوحنا 1:6

بیز اُنونگ بیلِن شِریکلیگیمیزینگ باردیغینی آیدیپ-دا، قارانگقیلیقدا گِزیَن بُلساق، اُندا یالان آیدیاندیریس، حاقیقاتی بِرجای اِدیَن دَلدیریس.‏