یوحنا 17:25 - مُقادِّس کیتاب

²⁵ ‏«‏اِی عادالاتلی آتا، دونیَه سِنی تانیمییار، اِمّا مِن سِنی تانییارین.‏ بو آداملار هِم مِنی سِنینگ ایبِرِندیگینگی بیلیَرلِر.‏

یوحنا 17:25 Referans Kwoze

یوحنا 17:11

مِن بو دونیَه‌ده موندان کَن قالمارین، اِمّا اُلار هِنیز دونیَه‌دِدیرلِر.‏ مِن سِنینگ یانینگا دُلانیپ باریارین.‏ اِی مُقادِّس آتام، مانگا بِرِن آداملارینگی اُز قودراتلی گویجونگ بیلِن قُرا.‏ مانگا-دا شُل گویجی سِن بِردینگ.‏ شُندا اُلار هِم بیزینگ یالی بیر بُلسونلار.‏

یوحنا 17:8

چونکی مانگا آیدان سُزلِرینگی مِن اُلارا یِتیردیم.‏ اُلار سُزلِرینگی قابول اِدیپ، مِنینگ، حاقیقاتدان-دا، سِندِن گِلِندیگیمی بیلدیلِر.‏ مِنی سِنینگ ایبِرِندیگینگه ایمان گِتیردیلِر.‏

یوحنا 15:21

اُلار سیزه بو زاتلارینگ هِمّه‌سینی مِنینگ آدیم اوچین اِدِرلِر، سِبَبی اُلار مِنی ایبِرِنی تانیمییارلار.‏

یوحنا 7:29

مِن اُنی تانییارین، سِبَبی مِن اُنونگ یانیندان گِلِندیرین.‏ مِنی ایبِرِن اُلدور.‏»‏

یوحنا 16:27

چونکی آتامینگ اُزی سیزی سُییَر، سِبَبی سیز مِنی سُیوپ، مِن خودایدان گِلِندیگیمه ایناندینگیز.‏

عِبرانیلار 8:11

موندان بِیلَک هیچ کیم اُز هِمسایاسینا تَعلیم بِرمِز و یا-دا بیری-بیرینه ‏”‏خودایی تانینگ!‏“‏ دییّپ آیتماز، سِبَبی اُلارینگ اولودان-کیچَه هِمّه‌سی مِنی تانار.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

یوحنا 8:55

یُنه سیز اُنی تانیمییارسینگیز، مِن اُنی تانییارین.‏ اِگِر اُنی تانیمییارین دییسِم، اُندا مِن هِم سیزینگ یالی یالانچی بُلارین.‏ اِمّا مِن اُنی تانییارین و اُنونگ سُزونی یِرینه یِتیریَرین.‏

لوقا 10:22

‏«‏آتام هِمّه زادی مانگا تابشیردی.‏ اُغلونگ کیمدیگینی آتادان باشغا هیچ کیم بیلمِز.‏ آتانینگ هِم کیمدیگینی اُغولدان و اُغلونگ اَشکَر اِتمِک ایسلِیَن آداملاریندان باشغا هیچ کیم بیلمِز»‏ دییدی.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

۱ یوحنا 1:9

اِمّا گونَه‌لِریمیزی بُیون آلساق، اِمین هِم عادالاتلی خودای گونَه‌لِریمیزی باغیشلار و بیزی هِر هیلی یامانلیقدان پَک اِدِر.‏

۲ تِسالونیکیلِر 1:8

خودایی تانیمییانلاری و تانگریمیز عیسی باراداقی خوش خابارا موطیع بُلمادیقلاری جِزالاندیرار.‏

۱ قُرِنتُس‌لار 15:34

عاقیلینگیزی آیلانگ و گونَه اِتمِگی بِس اِدینگ.‏ سیزینگ آرانگیزدا خودایی تانیمییانلار هِم بار.‏ مِن مونی سیزی اوتاندیرماق اوچین آیدیارین.‏

۱ قُرِنتُس‌لار 1:21

خودای دونیَه اُز حِکمِتینه دایانیپ، خودایی تانیپ بیلمِز دییِن قارار اِتدی.‏ شُنگا گُرَه-ده، آحماق حاساپلانیان خاباریمیزینگ اوستو بیلِن خودای ایمان گِتیریَنلِری نِجات بِرمِگی یورِگینه دوودی.‏

رومیلار 3:11

دوشونیَن آصلا یُق، خودایی آغتاریان-دا یُق.‏

رومیلار 1:28

بو آداملار خودایی تانیمالیدیر دییّپ اَهمییِت بِرمِدیلِر.‏ شُنگا گُرَه-ده، خودای اُلاری آخلاقسیز فیکرلِرینه تابشیریپ، اِدیلمِسیز زاتلاری اِتمِکلِرینه یُل بِردی.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

رِسول‍لار 17:23

مِن هِمّه شَهره آیلانیپ چیقیپ، سیزینگ عیبادات اِدیَن زاتلارینگیزی گُزدِن گِچیردیم.‏ بو زاتلارینگ آراسیندان ‏”‏تانیلمادیق خودایا“‏ دییِن یازغیلی بیر قربانلیق جایینی گُردوم.‏ اینه، مِن سیزه اُزونگیزینگ تانیمازدان عیبادات اِدیَن خودایینگیز بارادا گورّونگ بِرمِکچی.‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

یوحنا 17:21

اُلارینگ هِمّه‌سی بیر بُلسون.‏ آتا، سِن مِنده و مِن-ده سِنده بُلشوم یالی، اُلار هِم بیزده بُلسونلار.‏ شِیلِلیکده، مِنی سِنینگ ایبِرِندیگینگه دونیَه ایمان گِتیرسین.‏

یوحنا 17:18

سِنینگ مِنی دونیَه ایبِریشینگ یالی، مِن هِم اُلاری دونیَه ایبِردیم.‏

یوحنا 17:3

اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.‏

یوحنا 16:30

سِنینگ هِمّه زاتلاری بیلیَندیگینگه بیز ایندی دوشوندیک.‏ سانگا سُراق بِرمِگینگ گِرِگی یُق.‏ ایندی بیز سِن خودایدان گِلِندیگینگه اینانیاریس»‏ دییدیلِر.‏

یوحنا 16:3

اُلار بو ایشلِری آتا بیلِن مِنی تانیمییاندیقلاری اوچین اِدِرلِر.‏

یوحنا 8:19

اُنسُنگ عیسادان:‏ ‏«‏سِنینگ آتانگ نیرِده؟»‏ دییّپ سُرادیلار.‏ عیسی اُلارا:‏ ‏«‏سیز نه مِنی تانییارسینگیز، نه-ده مِنینگ آتامی.‏ مِنی تانییان بُلسادینگیز، مِنینگ آتامی-دا تاناردینگیز»‏ دییدی.‏

یوحنا 6:19

اُلار قاییقلی بَش-آلتی کیلومِتر کورِک اوروپ گیدِنلِریندِن سُنگ، عیسانینگ سووونگ یوزوندِن یُریپ، قاییقا یاقینلاشیپ گِلیَنینی گُروپ قُرقدولار.‏

یوحنا 3:17

خودای اُغلونی دونیَه‌دَکیلِری مَحکوم اِتمِک اوچین دَل-ده، اُندان باشغا اُنونگ اوستو بیلِن نِجات تاپسین دییّپ دونیَه ایبِردی.‏

یوحنا 1:18

هیچ کیم هیچ هاچان خودایی گُرِن دَلدیر، اُنی بیزه آتاسینینگ قوجاغینداقی، اُزی-ده خودای بُلان یِکِجه اُغلی تانیتدی.‏

مَتّیٰ 16:16

شمعون پِطرُس:‏ ‏«‏سِن دیری خودایینگ اُغلی مسیحسینگ»‏ دییّپ جُغاپ بِردی.‏

مَتّیٰ 11:27

آتام هِمّه زادی مانگا تابشیردی.‏ اُغلی آتادان باشغا هیچ کیم تانییان دَلدیر.‏ اُغولدان و اُغلونگ اُنی اَشکَر اِتمِک ایسلِیَن آداملاریندان باشغا هیچ کیم آتانی تانییان دَلدیر.‏

آیانلیق 16:5

مِن سولارا ایختییاری بار پِریشدَه‌نینگ شِیله دییِنینی اِشیتدیم:‏ ‏«‏اِی حَضیر بار و گِچمیشده بُلان مُقادِّس خودای!‏ سِن شو حُکومی چیقارماق بیلِن عادالاتلیدیغینگی آیان اِتدینگ.‏