یوحنا 15:4 - مُقادِّس کیتاب

⁴ مِنده یاشانگ، مِن هِم سیزده یاشایین.‏ اوزوم باغیندان آیریلان شاخا اُز-اُزوندِن میوه بِریپ بیلمِیشی یالی، مِندِن آیریلسانگیز، سیز هِم میوه بِریپ بیلمِرسینگیز.‏

یوحنا 15:4 Referans Kwoze

۱ یوحنا 2:6

‏«‏مِن خودایا اینانیپ یاشایارین»‏ دییَّن آدام عیسی مسیحینگ یاشایشی یالی یاشامالیدیر.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

یوحنا 8:31

اُنسُنگ عیسی اُزونه ایمان گِتیرِن یَهودیلِره:‏ ‏«‏مِنینگ سُزومی بِرجای اِتسِنگیز، حاقیقاتدان هِم، مِنینگ شَگیرتلِریم بُلارسینگیز.‏

۲ یوحنا 1:9

تِرس یُلا دوشوپ، مسیح حاقدَکی تَعلیماتدان داشلاشان آدامدا خودای یُقدور.‏ اِمّا بو تَعلیماتا گُرَه یاشایان آدامدا هِم آتا-دا، هِم اُغول-دا باردیر.‏

یوحنا 6:56

مِنینگ بِدِنیمی اییّپ، قانیمی ایچیَن مِنده یاشار، مِن هِم اُندا.‏

فیلیپیلِر 1:11

قُی، یاشایشینگیز دینگه عیسی مسیحینگ اوستو بیلِن گِلیَن تاقوالیغینگ میوه‌لِریندِن دُلوپ-آقسین، خودایا بِییکلیک و اُوگی گِتیرسین.‏

یوحنا 14:20

شُل گون مِن آتامدادیغیما، سیز مِندِدیگینگیزه و مِن هِم سیزدِدیگیمه گُز یِتیرِرسینگیز.‏

لوقا 8:15

قاوی یِره سِپیلِنلِر بُلسا، سُزی اِشیدیپ، اُنی یاخشی هِم پَک یورِکده ساقلایانلاردیر.‏ اُلار صابیرلیلیق بیلِن میوه بِریَندیرلِر.‏

۲ قُرِنتُس‌لار 13:5

ایماندا قاییم دوروپ-دورمایانیلیغینگیزی بیلمِک اوچین، اُزونگیزی ایمتِحان اِدیپ گُرونگ.‏ اُندا سیز عیسی مسیحینگ آرانگیزدادیغینی بیلمِیَنگیزمی نَمه؟ یا-دا سیز ایمتِحاندان گِچمِیَنلِردِنمی؟

کولُسیلِر 2:6

شِیلِلیکده، عیسی مسیحی تانگرینگیز حُکمونده قابول اِدیشینگیز یالی، اُنونگ گُرکِزِن یُلی بیلِن یُرینگ.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

رِسول‍لار 14:22

اُلار شَگیرتلِری قوواتلاندیردیلار و اُلارا ایماندا قاییم دورماغی ناصیحاتلاپ:‏ ‏«‏خودایینگ پادیشاهلیغینا گیرمِگیمیز اوچین، بیزینگ کَن قینچیلیقلاری باشدان گِچیرمِگیمیز گِرِک»‏ دییَّردیلِر.‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

رِسول‍لار 11:23

بارنابا گِلِنده، خودایینگ مِرحِمِتینینگ دِلیلینی گُروپ شاد بُلدی.‏ اُل خودایا تویس یورِکدِن وِفادار بُلماغی هِمّه‌لِره ناصیحات اِتدی.‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

۱ تِسالونیکیلِر 3:5

شُنگا گُرَه-ده، موندان کَن جیداپ بیلمَن، ایمانینگیزدان خابار آلماق اوچین، مِن تیموتاوسی یانینگیزا ایبِردیم.‏ چونکی وِسوِسه‌چی شِیطانینگ هایسیدیر بیر یُل بیلِن سیزی وِسوِسه اِدیپ، قینچیلیغیمیزینگ بیدِرِک بُلجاغیندان قُرقدوم.‏

عِبرانیلار 10:39

بیز ایماندان دَنیپ، هِلَک بُلیان دَل-ده، ایمانیمیزا وِفالی بُلوپ، نِجات تاپیان آداملارداندیریس.‏

مَتّیٰ 12:33

‏«‏قاوی باغ اِکینگ، اُنونگ میوه‌سی-ده قاوی بُلار، تِلِکه باغ اِکسِنگیز، تِلِکه میوه آلارسینگیز، سِبَبی باغ میوه‌سیندِن تانیلیاندیر.‏